عرب كندا....عن حياة العرب فى كندا.!!

[Badroora]

الاعزاء ..الشامي ..وتورونتو يا ريت لو وقتكم يسمح تكلمونا شوية على عرب كندا..

اماكن تواجدهم ..اعرف ان الاغلبية من العرب فى تورونتو .

الترابط..هل فى ترابط بين العرب ولها حالهم هناك زى حالهم فى كل مكان.

العادات والتقاليد ..هل لسه فى حد متمسك ولا بقت مخلطة.

اخبار العرب فى البرتا ايه؟

مميزات البرتا و تورونتو ..مبدئيا فى الانترفيو بتاعى قالولى ان البرتا الضرائب فيها اقل..

بخصوص السيارات..يا ترى فى كورولا هناك ولا مش منتشرة اوى ..الاسعار تتراوح بين كام و كام.جديد والمستعمل استعمال طبيب

العربية ..الدريكسيون يمين ولا شمال ؟

السكن ..ايه الاماكن لو حد سنجل هيسكن لوحده ..ايه اكثر الاماكن امنا خصوصا فى البرتا وتورونتوا ..اونتريو ..
اخبار الحوادث ايه ؟ السرقة القتل الاغتصاب ؟
يعنى فى حد ممكن يقتحم البيوت ولا امان؟
هل الحياة بدون سيارة ..جحيم ولا ممكن المواصلات العامة تسد وتفى بالغرض .
اخبار المرور .والايشارات ام كاميرا موجودة فى اماكن معينه ولا كل الايشارات بكاميرا واخبار المخالفات ايه جناية ولا فلوس بس بتندفع .!!
عندى اسئلة كتير بس مش عاوزة اتقل عليكم ..
انتم خدوا كندا من بابها وكلمونا عن كل شيء فى الحياة مع الحاجات اللى كتبتها ؟
اكتبوا براحتكم ع الاخر ..نو هارى ..يعنى نعتبر الموضوع كدردشة كل ما وقتكم يسمح كلمونا عن جزئية معينة..
اكيد انتم عندكم اكتر من اللى سألته.
شكرا مقدمة

 

[Badroora]

اه نسيت ..اماكن الترفيه ..السينيما..فى افلام عربي

فى جونينة حيوانات هناك زى بتاعتنا؟

الجو امتى بيكون برد وامتى بتطلع الشمس .

اللبس فى البرد .!!

وهل مش الناس بتمرض لما تخرج من الجو المكيف الساخن للجو البارد.

وانتم كملوا الباقي بقي

 

 

[ضبش]

والله يا بدرية كان نفسى ومنى عينى انى اخدمك .. بس مافيش نصيب

على العموم لو عايزة معلومات عن المنوفية أو القليوبية أنا رقبتى سدادة

 

 

[Badroora]

اصيل يا ضبش والله

قولى يا ابو الضبابيش بما انك منوفى ..بيت حسنى مبارك ملك لا ايجار

 

 

[ضبش]

اقتباس المشاركة الأصلية كتبت بواسطة Badria Mekkawy اصيل يا ضبش والله قولى يا ابو الضبابيش بما انك منوفى ..بيت حسنى مبارك ملك لا ايجار

سرقة وحياتك

 

 

[toronto]

العرب موجودين في كل مكان..و احسن ناس مترابطة و متماسكة هم العرب..ومتمسكين بعاداتهم و تقاليدهم الاصيلة..البرتا ماعرفش عنها حاجة...بالنسبة للعربيات مش موجود في كندا غير الفيات و البيجو الصالون 504..و لايوجد استعمال طبيب نظرا لقلة الاطباء في كندا و الموجودين مقضينها اتوبيسات..الدركسيون علي الشمين..اكثر الأماكن امنا هي سكاربورو ..كل يوم نسمع عن حوادث قتل كثيرة وخاصة للمصرين المهاجرين من دول الخليج ..بيصفوهم في كندا مش عارف ليه..السرقه مافيش بيت فيكي ياتورونتو الا لما اتسرق مرة و مرتين اسبوعيا..الاغتصاب ده شئ طبيعي للرجال و النساء علي السواء الا لمن رحم ربي..السيارة في كندا من الكماليات نظرا لصغر مساحتها...لا توجد كاميرات في الشوارع و الدليل علي ذلك كثرة الحوادث المميتة هناك و تصنيف كندا من اكثر البلاد التى تعتبر طرقها غير آمنة..لا توجد اماكن ترفيه في كندا لانهم يعتبرونها فسق فمنعوها..نعم يوجد حديقة حيوانات صغيرة في بورت كريديت و هي عبارة عن جوز حمير مخططين و ثلاثه كلاب تم استرادهم من احدي قري مصر..الجو في كندا معتدل طوال العام و لاداعي لشراء ملابس ثقيلة لأن فصل الشتاء دافئ جدا ..مافيش حد بيمرض في كندا بيموت علي طول من غير مقدمات...اتمني اني اكون نقلت صورة وافيه ومستفيضة عن كندا..

 

 

[Mizo]

اقتباس المشاركة الأصلية كتبت بواسطة toronto العرب موجودين في كل مكان..و احسن ناس مترابطة و متماسكة هم العرب..ومتمسكين بعاداتهم و تقاليدهم الاصيلة..البرتا ماعرفش عنها حاجة...بالنسبة للعربيات مش موجود في كندا غير الفيات و البيجو الصالون 504..و لايوجد استعمال طبيب نظرا لقلة الاطباء في كندا و الموجودين مقضينها اتوبيسات..الدركسيون علي الشمين..اكثر الأماكن امنا هي سكاربورو ..كل يوم نسمع عن حوادث قتل كثيرة وخاصة للمصرين المهاجرين من دول الخليج ..بيصفوهم في كندا مش عارف ليه..السرقه مافيش بيت فيكي ياتورونتو الا لما اتسرق مرة و مرتين اسبوعيا..الاغتصاب ده شئ طبيعي للرجال و النساء علي السواء الا لمن رحم ربي..السيارة في كندا من الكماليات نظرا لصغر مساحتها...لا توجد كاميرات في الشوارع و الدليل علي ذلك كثرة الحوادث المميتة هناك و تصنيف كندا من اكثر البلاد التى تعتبر طرقها غير آمنة..لا توجد اماكن ترفيه في كندا لانهم يعتبرونها فسق فمنعوها..نعم يوجد حديقة حيوانات صغيرة في بورت كريديت و هي عبارة عن جوز حمير مخططين و ثلاثه كلاب تم استرادهم من احدي قري مصر..الجو في كندا معتدل طوال العام و لاداعي لشراء ملابس ثقيلة لأن فصل الشتاء دافئ جدا ..مافيش حد بيمرض في كندا بيموت علي طول من غير مقدمات...اتمني اني اكون نقلت صورة وافيه ومستفيضة عن كندا..

عمار يا مصر..

 

 

[toronto]

طبعا و العكس صحيح..احلي حاجة في كندا الأمان...النظام..و النظافة..انا حقول كلمتين من واقع تجربتي في كندا..بسم الله الرحمن الرحيم..عايز تعيش في بلد تاخد فيها حقك تالت و متلت تبقي كندا..عايش تعيش في بلد ديمقراطي تبقي كندا..عايز تحس انك محترم تبقي كندا...عايش تعرف معني كلمة عنصريه تبقي كنداو خاصة كيبيك..عايز اولادك يتعلموا صح الصح تبقي كندا..عايز جنسية مش مشبوهة تبقي كنداـالنرويج ـالسويد ـ فنلندا ـجرين لاند ـ عايز تبقي غني لازم تكون دكتور ـصيدلي ـمهندس ـ تاجر ـ اعمال زى تكنولوجيا المعلومات ـ رجل اعمال غير كده سامحني.عايز تعيش بلطجة ممكن برده و حتاكل و حتنام واهي ماشية..عايز تؤدي شعاءرك بحرية كاملة تبقي في كندا ..عايز تعيش في هدوء و طمأنينة تبقي في كندا..عايز تتعلم و تاخد شهادة تشتغل بيها في اى مكان تبقي من كندا. عايز تستريح لما تطلع علي المعاش تعالي كندا..عايز تشوف فصول السنة الأربعة تبقي في كندا..تحياتي .

 

 

[تامر احمد]

اقتباس المشاركة الأصلية كتبت بواسطة toronto طبعا و العكس صحيح..احلي حاجة في كندا الأمان...النظام..و النظافة..انا حقول كلمتين من واقع تجربتي في كندا..بسم الله الرحمن الرحيم..عايز تعيش في بلد تاخد فيها حقك تالت و متلت تبقي كندا..عايش تعيش في بلد ديمقراطي تبقي كندا..عايز تحس انك محترم تبقي كندا...عايش تعرف معني كلمة عنصريه تبقي كنداو خاصة كيبيك..عايز اولادك يتعلموا صح الصح تبقي كندا..عايز جنسية مش مشبوهة تبقي كنداـالنرويج ـالسويد ـ فنلندا ـجرين لاند ـ عايز تبقي غني لازم تكون دكتور ـصيدلي ـمهندس ـ تاجر ـ اعمال زى تكنولوجيا المعلومات ـ رجل اعمال غير كده سامحني.عايز تعيش بلطجة ممكن برده و حتاكل و حتنام واهي ماشية..عايز تؤدي شعاءرك بحرية كاملة تبقي في كندا ..عايز تعيش في هدوء و طمأنينة تبقي في كندا..عايز تتعلم و تاخد شهادة تشتغل بيها في اى مكان تبقي من كندا. عايز تستريح لما تطلع علي المعاش تعالي كندا..عايز تشوف فصول السنة الأربعة تبقي في كندا..تحياتي .

يا عينى عليك ياتورونتو .. كلامك جامد ويف الصميم

 

 

[nona alawaal]

اقتباس المشاركة الأصلية كتبت بواسطة toronto ..احلي حاجة في كندا الأمان...النظام..و النظافة..انا حقول كلمتين من واقع تجربتي في كندا..بسم الله الرحمن الرحيم..عايز تعيش في بلد تاخد فيها حقك تالت و متلت تبقي كندا..عايش تعيش في بلد ديمقراطي تبقي كندا..عايز تحس انك محترم تبقي كندا...عايش تعرف معني كلمة عنصريه تبقي كنداو خاصة كيبيك..عايز اولادك يتعلموا صح الصح تبقي كندا..عايز جنسية مش مشبوهة تبقي كنداـالنرويج ـالسويد ـ فنلندا ـجرين لاند ـ عايز تبقي غني لازم تكون دكتور ـصيدلي ـمهندس ـ تاجر ـ اعمال زى تكنولوجيا المعلومات ـ رجل اعمال غير كده سامحني.عايز تعيش بلطجة ممكن برده و حتاكل و حتنام واهي ماشية..عايز تؤدي شعاءرك بحرية كاملة تبقي في كندا ..عايز تعيش في هدوء و طمأنينة تبقي في كندا..عايز تتعلم و تاخد شهادة تشتغل بيها في اى مكان تبقي من كندا. عايز تستريح لما تطلع علي المعاش تعالي كندا..عايز تشوف فصول السنة الأربعة تبقي في كندا..تحياتي .

كده يبقى احلى كلام
دعوة للجميع للهجرة الى كندا
عيد سعيد

ملحوظة للادارة :من فضلكم انا عايزة علم كندا و علم مصر مع بعض ازى اعمل كده ؟؟؟؟