ايه دا ؟ ايه اللى بيحصل فينا دا ؟ للدرجة دى المجتمع وصل لمرحلة الدرك الاسفل من السفالة وقلة الادب والانحطاط !!!
ليه بنعقد الامور ؟ ليه دايما ماسكين فى الضحية وسايبين الجانى ؟
ايه الفكرة لم انت كشيخ والمفترض انك عارف مكارم الاخلاق تطلع تقول ان المشكلة مش فيه المشكلة فيها هى .... هى اللى اغرته انه يعمل فيها كدا !!!
ايه كمية الانانية اللى فى الناس دى ؟ لو اختك ولا امك ولا حد من عيلتك هتقول كدا ؟ لو حد عمل كدا فى اختك هتروح تقولها انتى اللى لابسه لبس مش كويس ؟ انت لو حد بص لاختك بص مش عاجباك بس بتبقى عايزة تاكلة ما بالك اغتصبها !!!! طيب وبنات الناس ؟ لا مهما اللى لابسين كدا ؟
يا جماعة هو احنا بشر و لا فيه ايه ؟
هاشتاج بحاله يطلع عشان بس يدعم مجرم ارتكب على الاقل 50 جريمة اغتصاب!!!
فيه ايه بس ؟ وليه كمية الشتايم عشان حد مختلف معاك ؟ ليه بنشخصن الموضوع وبنأله الشيوخ ؟
جايز يا سيدى يكون رايه غلط ؟ اقولك انا لا هو عارف هو بيعمل ايه وبمسوط بكدا وشايف نفسه متسيط ورده الوسخ على الناس بيبين انه مبسوط بكدا !!
وبعدين نرجع نقول ليه الناس والعقول بتهاجر بره ؟
مش بص قضية المغتصب احمد بسام اللى حصل فيها كدا برده قضية سارة حجازى وقصة نترحم عليها ولا تغور فديها !!
ليه الناس بتنصب نفسها مكان ربنا وتحكم على كل واحد بمزاجها !!!
وبعدين نرجع نقول عايزين مصر تتقدم ؟