[ساهر حمدي]

انا معايا الجنسية الكندية و الباسبور بس عمري ما رحت كندا ..
دلوقتي انا والدي و والدتي اتوفت و ماليش رزق هنا كتير في مصر .. و كتير من زمايلي بيقولولي ان اخر طوق نجاة معايا هو الباسبور دا و اني اسافر احاول اشتغل

انا خريج هندسه نووية و ماليش هنا شغل، و سألنا دكتور هناك قاللي مش هينفع تشتغل الا اذا اخدت ماستر يعني فيها بتاع 4 سنين كمان و انا اصلا مش معايا اللي يغطي التكاليف دي ولا هقدر اخد قرض طلابي لاني مش ناقص افضل طول عمري مديون ..

فبفكر ابتدي ادرس من الاول طالما هي كدا او كدا فيها كم سنه من عمري ضايعين في و ادخل كمبيوتر ساينص .. يمكن لما اقدم بشهادتي يكون فرصتي اكبر اني اقدر اخد منحه ..

انا دلوقتي بجمّع اللي اقدر عليه عشان بس احوَش تمن التذكره و خايف جدا لما انزل ما ألاقيش شغل عقبال ما اقدم علي منحه السنه الجايه .. من فضلكم لو بس تدلوني ايه اللي اقدر اعمله من اول ما انزل لغاي ما السنه دي ما تعدي و بعد كدا يقوللي اقدم علي المنحه ازاي ..