يا جماعة هو مش عمرو خالد لما بيعمل اي مشاريع تنموية داخل البلد لازم بيلجأ للجهات الحكومية ومن اهمها وزارة التنميه علشان تديله تصاريح كتيرة جدا علشان يقدر يحقق مشروعه ده؟
طيب يبقى ايه العيب انه يقف جنب الوزير اللي كان محتاجله او هايكون محتاجله علشان يحقق غرضه
ثانيا المحجوب من الشخصيات المحبوبة جدا جدا في الاسكندريه بمعني اصح هو كدة كدة ناجح
ثالثا هو احنا ليه دايما بيدور علي اللي بيناطح لنا بدل ما نناطح احنا
وبدل ما نلوم نفسنا ونبهدل نفسنا بسبب سلبيتنا بنعرف نرفع السيوف كويس جدا في وش اي بطل
من صنعنا ونخسف بيه الارض
هل هو في ايده لوحده انه يقف ويتحدى الهيئات الحكومية ؟
ولو عملها هايقدر ازاي يكمل مسيرته اللي ساعتها هايبقى فيه الف باب وباب هايتسد في وشه وفي وشها
وهل احنا بالسنتنا الحداد دي هانقدر نفتحله الابواب دي؟؟؟
بصراحه انا مش لاقية اي مبرر ابدا ابدا للهجوم الشديد علي الراجل من قبل حتى ما يقول كلمته
في النهايه لازم نفوق ونتاكد ان الحكومة اللي حكمانا لو عمرو خالد قاطع سرادقها مش هايذهبوا الي الجحيم والدنيا هاتبقى وردي
لكن لو كللللللللنا صرخنا ووقفنا وقفه رجل واحد ساعتها بسسس هايذهبوا اللي الجحيم
فسيبوا الراجل الغلبان ده كل انسان له دور مش علشان هو بطل يبقى لازم يتقن كل الادوار .. وكفاية عليه انه أنقذ الاف الشباب من البطالة بسبب جمعياته ومشاريعه التنموية اللي بالفعل مفتوحة وشغاله في البلد واللي هو بيحاول دلوقتي انه يكمل مسيرتها