اقتباس المشاركة الأصلية كتبت بواسطة Heba Farag سؤال من فضلك هل الكورس ده مازال مطلوب ؟؟حتي الان 2018 ولا بيطلبوا كورسات تانيه ؟ النظام ما زال ساري ACCA تنفع و حتدرس مواد تانية لما توصل و تبقى متعادلة بالمؤهل الكندي CPA الامريكية تنفع كمان و حتدرس مواد تانية لما توصل برضه و تبقى معادلة بالمؤهل الكندي سواء ACCA البريطانية او CPA الامريكية كده كده حتدرس مواد تانية في كندا لان النظام الضريبي مختلف و كمان القانون التجاري مختلف عندهم لكن في كل الاحوال الدراسة لن تزيد عن سنة او اتنين باذن الله . بالنسبة لل CIA الامريكية انا دخلت على الموقع بتاع CPA الكندي ما لقيتش عنها اي ذكر و بالتالي فهي لا تتعدى كونها دورة معينة انت اخدتها في مجال التخصص طبعا حاجة حلوة انها تكون في الCV بتاعك خصوصا انها شهادة قوية لكن مش مؤهل علمي معادل للمؤهل الكندي عشان تبقى محاسب او مراجع حسابات . بالنسبة لشهادة ACCA البريطانية عبارة عن 14 مادة و ممكن تاخد اعفاءات بحد اقصى اربع مواد و ممكن تمتحنها في مصر في المجلس الثقافي البريطاني و تكلفتها في حدود 45000 - 50000 جنيه مصري كله على بعضه من غير كتب و اغلب الناس توصي بكتب كابلان . طبعا الكتب موجودة كتير و متسربة على النت مافيش مشكلة لكن بالنسبة للجزء بتاع الضرايب تاخد بالك كويس انه يكون بتاع نفس السنة الي حتمتحن فيها و لو حصلت انك تشتريه اشتريه مخصوص مهما اتكلف و ده لان بريطانيا العزيزة كل سنة فيها قانون ضرائب مختلف جذريا عن اللي قبله. شهادة CPA الامريكية عبارة عن 4 - 5 مواد حسب شروط كل ولاية (حاليا ولاية جوام الامريكية هي الوحيدة التي تطبق نظام 4 مواد لانها لا تشترط دراسة اخلاق المهنة و باقي الولايات بتشترط دراسة لاخلاقيات المهنة) و ما فيش اعفاءات و الامتحانات في امريكا أو البرازيل او البحرين او انجلترا او المانيا او اليابان او الكويت او ايرلندا او سكوتلاندا او لبنان او الكويت او الامارات (و بالتالي تعمل حسابك ان فيه تاشيرة لبلد من دول حتدخل تمتحن فيها لو انت مش عايش في اي واحدة منهم و طبعا التاشيرة مسؤلية حضرتك) و مافيش امتحانات في مصر تكلفتها بتكون في حدود 80000-100000 جنيه مصري كله على بعضه من غير كتب و اغلب الناس توصي بكتب بيكر الكتب نادرة شوية لكنها موجودة و مسربة على النت حتتعب شوية لكن حتلاقيها .
