]يا ه ه ه ه
سبع سنين ونص على عدت على 25 يناير ولا حسينا بيهم والايام زى بعضيها بتعدى يوم ورا التانى
واحنا مازلنا واقفين مكانا مفيش حاجة اتغيرت ولا مطلب من مطالب الثورة اتحققت ودا بسبب العنصرية اللى بين طوائف الشعب المصرية وعمر الثورة مهتحقق اهدافها ابدا :
وعلمانى مصر مفكرين ان الاسلام هو حجر العثرة فى نهضة البلد وكل كتابتهم بيهاجموا الاسلامين وعايزين يستأصلوهم من البلد او لو مش عاجبهم يسيبوا البلد وعندهم استعداد يتحالفوا مع الجيش من اجل اقصأئهم
واسلامى مصر مفكرين ان العلمانيين كفرة وملحدين ويجب تطهيرهم من البلد او استئصالهم او لو مش عجبهم يسيبوا البلد وعندهم استعداد يتحالفوا مع الجيش من اجل اقصأئهم
وشباب الثورة بيهاجم الاتنين وبعاونا فيه يامين وشمال وتحت وفوق
وفى الاخر عملنا اشتباك فى بعضينا ونسينا العدو الاساسى نسينا اللى كان سبب الخلفات اللى بينا
نسينا عسكر مصر نسينا اللى عمله فى الاخوان فى السجوان ونسينا اللى عمله فى موقعة الجمل ونسية اللى عمله فى ماسبيرو وكله كان فاكر ان هو الصح والباقى بح ... وغلطان اللى يفكر ان العسكر هيحميه يبقى متعبش شوية وقرأ فى التاريخ
العسكر ميعرفش غير مصلحة وبس فقط لا غير لا هيحترم علمانى ولا اسلامى
لا هيطبق العلمانية ولا هيطبق الشريعة وكل اللى هيعمله هيستغل الاتنين لمصلحته فقط لا غير
وكل لم العلمانيين يهاجموه يروح خبطهم فى الاسلامين والعكس ايضا مع الاسلامين
غلطانين الاخوان لم فكروا ان الجيش هيحميهم او هيكونوا مصالح استراتيجية معاهم كان حمى اللى قبلك ومنع سقوطة
وغلطانين العلمانين لو فكروا ان الجيش هيسبلهم الحكم او هيسلمها لرئيس مدنى واى شخص يبقى غلطان لو استدعى الجيش عشان يوصله للحكم لانه للاسف الجيش هياخده هو طريق للوصول للحكم
غلطان اللى مصدق ان الاعلام المصرى عايز مصلحة البلد يبقى مشفش حاجة فى 25 يناير
غلطان شباب الثورة ان صدق الاعلام المصرى تانى ووثق فيه كمان رغم انه عانا منه ايام الثورة
الاعلام المصرى لا يعرف غير مصلحة فقط لا غير نافق مبارك ولم الجيش قرر يشيلة نافق الثورة
وبقوا ثورجية وللاسف الوحيدين اللى ملقوش مصلحة معاهم هما الاخوان لان الاخوان عايزين يعملوا اعلام ينافق فيهم وملقوش اى مصلحة معاهم لان المصلحة الاساسية كانت مع الطرف التالت اللى هو الجيش بكل تأكيد .... الاعلام المصرى لا ثقة فيه ... الاخوان لا ثقة فيهم ... العسكر لا ثقة فيه ... الشعب لا ثقة فيه
احنا محتجين ثورة على نفسينا ثورة على الشعب ثورة على كل شئ غلط فى المجتمع اكتر منها ثورة على الحاكم !!!!
ايه فايدة حاكم ديمقراطى مع شعب مش عارف يعنى ايه ديمقراطية او انتقال سلمى للسلطة !!!!!!
زمان لم كنت بسمع ان المصريين هما اللى بيصنعوا الفراعنة كنت بستغرب؟؟ واحد يستعبد الناس دى كلها ازاى ؟ دول لو قاموا عليه مره واحده اخره هيهرب وطال بيى العمر واكتشفت انى غلطان وان فعلا الشعب هو اللى بيصنع الفرعون وبينصبه على العرش كمان وبيرضى بالذل والهوان عشان خاطر رغيف عيش!!!!
بعد سبع سنين عدة على 25 يناير اقدر اقول وبكل فخر ان الثورة فشلت .. فشل مطلق
والفضل طبعا لطبخة الجيش مع الاخوان مع العلمانين مع الشعب !!!!
الرحمة على شهداء اطهر ثورة عملها اطهر شباب
اسف على المشاركة الطويلة
