اقتباس المشاركة الأصلية كتبت بواسطة Lashen عزيزي shawi انا لسه جديد علي المنتدي وكنت عاوز اعرف مكان كويس لتعلم الانجليزية بوينيبج وشكرا اهلا وسهلا القادمين الجدد بيعملوا كورس المهاجرين الجدد في بنايه باريس داليري في شارع بورتيج قريب من التقاطع مع مين ستريت وبعد ما يخلصوه بيعطوهم رساله الى WELARC على زاويه الشارع وده مكان بيتعمل فيه تقييم للغه استماع وقراءه وكتابه ومحادثه وبالنسبه للفنيين والبروفيشنال بيحولوهم لعمل اللغه التقنيه ممكن في نفس المبنى وممكن في جامعه وينيبج انا انصح ان اللي عاوز يروح التقييم يروح مستعد يعني يتعب على نفسه شويه في الاول لان لو تقييمه منخفض عندما يحولوه الى ريد ريفر كوليدج حيطول على ما يوصل مستوى 7 او لما يحولوه الى ما كان سابقا يعرف بوينيبج تيكنيكال كوليدج( مانيتوبا هاير انستيتيوت اوف ايديوكيشن) طبعا ممكن تسجل كورس لغه في جامعه مانيتوبا وده مش ببلاش بينما الاولانيين ببلاش الحكومه هي اللي بتدفع الرسوم ليهم زمان كان الواحد بيتعلم ويتعلم ويتعلم الان اذا مرت عليه فتره وما وصلش للمستوى بيخرجوه ولو عاوز يتعلم بيدفع تكاليفه انا انصح بالدخول لباب الايلتس بدون معهد ومشاهده الفيديوهات ولو انت في وينيبج حاول تتواصل معي لان من المهم الارتقاء بالمستوى قبل التقييم فيه كنايس كثير بتدي انجليزي مجانا في فورت ريتشموند طريق كنجزبارك اللي بيودي على الجامعه فيه كنيسه بتدي دروس باين في المسا هما كاتبين يافطه كبيره عليها من بره أخيرا انا باصلي العشاء في مسجد ويفرلي والصلاه يوميا الساعه 8 لو عندك وقت وساكن في الجنوب تعال نقعد عشر دقايق بعد الصلاه ونشوف نقدر نخدمك ازاي تحياتي
