قالت الكاتبة الدكتورة غادة شريف، إن إعلام النظام يشن هجومًا من حين لآخر على الفريق أحمد شفيق، المرشح الرئاسي السابق، عندما يتم طرح اسمه كمنافس للرئيس السيسي في الانتخابات القادمة.
وكتبت "شريف" عبر صفحتها الشخصية على موقع التواصل الاجتماعي "فيس بوك": "حاجة غريبة جدا.. الأسبوع اللى فات سمعت 3 إشاعات و لم اصدقهم.. الأولى: كانت ان وائل الابراشى اتمنع من الظهور لأنه المذيع الوحيد اللى بيعمل مداخلات مع الفريق شفيق".
وتابعت: "الثانية: كانت ان هيحصل سعى لمد المدة الرئاسية لقطع الطريق على شفيق و منعه من الترشح للرئاسة".
واستطردت: "الثالثة: ان مازالت قضية تزوير انتخابات 2012 حبيسة الادراج بأوامر عليا".
ومضت الكاتبة الصحفية، التي كانت من أبرز مؤيدي الرئيس قبل التحول للمعارضة، بالقول: "الحقيقة ما كنتش مصدقة لحد ما شاهدت الاسبوع اللى فات حلقة من برنامج فضائى بيقدمه صحفى من إياهم، و لقيته بيهاجم الفريق شفيق بضراوة عقب اشاعة بترشحه، و بيحاول يكسر مجاديفه علشان ما يعلنش ترشحه".
وأوضحت: "إذن بالفعل هناك خوف من ترشح شفيق!.. و بدأت الحرب المعنوية لمنعه.. و شوية و هنلاقى احمد موسى و تابعه عمرو اديب همّ كمان بيهاجموا شفيق، كما فعلوا من شهرين تقريبا عقب اشاعة مماثلة".
وتساءلت: "كل ده لازم يخلينا نتساءل: ليه النظام الحالى خايف قوى كده من ترشح شفيق؟".
واختتمت قائلة: "فكروا بهدوء.. مش كل اللى انتخبوا السيسى كانوا همّ اللى قبل كده انتخبوا شفيق؟.. فكروا من ارض الواقع.. واقع الشارع اللى كفر بالقوى المدنية التى لا يوجد لها أى تواصل معاه.. فكروا من غير انفعال ولا نعرات ثورية.. فكروا".
مزيد من التفاصيل
