أزيكوا يا مطاريد ... 
أنا الحقيقة مش عارف أنا جيت تانى هنا إزاى ؟
يمكن علشان المنتدى ده هايفضل من أغلى المنتديات عندى وأفضلهم على الرغم من السلبيات اللى فيه واللى يمكن موجودة فى كل حتة فى بر مصر ؟ "ما تاخدهاش على صدرك يا شيشو وعديها 
"
يمكن تكون حالة الإستنفار والإستقطاب اللى بتحصل فى كل البلد وصولاً لكل المنتديات ودى الحقيقة تعتبر سبب كافي لرجوعى لأنى الحقيقة ما انقطعتش عن المنتدى من ساعة ما سبته كل يوم لازم أدخل وأشوف أيه اللى بيحصل ويمكن ده بيحصل للمطاريد والمحاورات والواحة لكن دايماً بالاقى الأخبار الساخنة والحرايق موجودة هنا فى المنتدى ... وده سبب كافى يخلينى أرجع اشارك بما إنى دائماً ما أفضل الحوار مع الأطراف الأخرى
أنا طبعاً لسه أصحابي اللى كانوا هنا سواء اللى لسه بيشاركوا أو اللى مشيوا لسه موجودين فى حياتى ومعايا على الفيس بوك بنتقابل يومياً بنتكلم وبنتفق وكمان بنختلف بس مافيش حد بيحتد على حد ومافيش حد بيزعل حد لكن هنا الوضع مختلف ممكن يكون علشان القاعدة هنا أكبر من جروبات الفيس بوك المقفولة
عموماً أنا هنا تاني ... وأتمنى انى ماكونش ضيف تقيل على حد
