اقتباس المشاركة الأصلية كتبت بواسطة محمد المرى اعتقد يا أخى انك لم تصل الى ما اريد ايصاله اعتقد انه من المناسب قراءة مداخلتى مرة ثانية وللايضاح اكثر فاننى اذا كنت ادعم محمد مرسى فهذا لا يعنى اننى انضممت الى جماعتهم , فقط اردت ايصال فكرة محاولة دعم الرجل حتى اذا ما اختلفنا معه , نحن مازلنا فى المراحل الاولى والتى تتطلب توحيد الصف اولا حتى نستطيع عزل العسكر وابعادهم عن التدخل فى الحياة السياسية ثم محاولة الوصول الى تحقيق اهداف الثورة , هل اذا استطعنا وضع العراقيل فى طريق محمد مرسى , هل هذا سيصب فى مصلحة الثورة ام انه سيصب فى مصلحة العسكر أ. محمد أنا مقدرة كلام حضرتك تماما .. وعن نفسى تعبت جداااا من الجدالات العقيمة مع أناس معندهومش أدنى إستعداد حتى أنهم يسمعوا الرأى الآخر دون الإقتناع به يعنى حتى فكرة السماع مرفوضة عندهم .. ! وعلشان أدعم محمد مرسى كرئيس معترف به لمصر وأصبح أمر واقع وعلينا تقبله والتعايش معه والدعاء لتوفيقه لصالح البلاد ودعمه وتأييده من أجل تحقيق الهدف الرئيسى وهو الخلاص من العسكر تماما ,, لابد أن يتم تصنيفى أنى إخوانية ..!!!!! بدون أى تفكير أو تروى نظام مش معانا تبقى معاهم وضدنا وكأن الإخوان المسلمون مش مصريين أساسا ..! مش مجالى ولا موضوعى دلوقتى الكلام عن الإخوان ومناقشة فكرهم ومميزاتهم وعيوبهم وأخطائهم لأن ده موضوع يطول الحديث والجدااااااااااااااااال فيه ..! وكل منا له قناعاته الخاصة به .. أنا شخصيا أنتخبت أبو الفتوح وكنت أتمنى جداا نجاحه هو أو حمدين أو سليم العوا ... محمد مرسى مكانشى فى حساباتى خالص لكن طالما أتى به القدر أمام شفيق وأراد الله أن يكون رئيسا لمصر يبقى المفروض أننا ننحى إختلافاتنا معهم جانبا وندعمه ونتكاتف معه تماما ونبقى كلنا يد واحدة لتحقيق هدفنا كلنا وهو التخلص من العسكر .. وبعدها نبقى نفضى للإخوان ونعمل اللى إحنا عاوزينه معاهم على ضوء ماسيحدث ويقوم به محمد مرسى أثناء فترة رئاسته .. إنما نقعد نشتم ونسب ونلعن ونهاجم ونعيد ونزيد فى أخطائهم والهجوم عليهم بسبب وبدون سبب..!! طيب إيه الفائدة ؟!! وكل ده هيبقى لصالح مين يعنى فى النهاية ؟؟ أكيد أكيد مش فى صالحنا أبدااا بالعكس تماما فى صالح العسكر فقط .. ياريت نكون إستوعبنا الدرس من الإنتخابات الرئاسية ونتعلمه كويس فى الإنتخابات المقبلة إن شاء الله .. وياريت نفضل فاكرين كويس جداا ولا ننسى أبداا أننا مقدرناش على المخلوع ونظامه ولا خلعناه إلا لما توحدنا وكنا كلنا يد واحدة فى الميدان ,, وبعد ماتنحى المخلوع وتحقق المطلب الأساسى للثورة للأسف تفرقنا وإنقسمنا وكانت هى دى نتيجة التشتت والتفرق والتنازع ...!! فـ مش من الإنصاف أبدا التحامل على الإخوان ومهاجمتهم بهذا الشكل وتحميلهم وحدهم خطأ كلنا إشتركنا فيه وعلينا تحمله ..! الأيام كفيلة تماما بإثبات الظنون أو تخييبها .. وعلى كل حال إحنا قاعدينله بالمرصاد يعنى ولما يثبت إنه مش قد المسئولية ومش كويس وووووو ... وقتها ميادين مصر كلها موجودة ... وأكذوبة أن ده مستحيل وأنهم مش هيسيبوا الحكم أظن أنها مثيرة جدااا للسخرية الصراحة ..! لأننا كنا بنقول كده على المخلوع فى يوم من الأيام وكنا بنتعامل مع جيمى على أنه رئيس مصر القادم لا محالة وحدث العكس تماما وأراد الله إزاحتهم ونزع الملك منهم ..! وأولا وأخيرا ندعوا الله أن يجعل فيه الخير ويجعله خيرا مما نظن ..
