طاب ما الكلام دا معروف
وقولنا ان القصه كلها ان الصفقه مع عمر سليمان معجبتهمش
وحسوا انهم هيخسروا لو مشيوا
لان الشباب - ربنا يحميهم - كانوا هيكملوا
انا كان نفسى الاخوان يمشوا و يفضلوا على مبدأهم
احنا مش بتوع ثورات !!
احنا مش هنشارك !!
احنا مبنقولش لاء !!
بدل ما دخلوا وزادوا فى الزيطه و نطوا عليها و سرقوها !@!
وصفقه مجلس الشعب 2005 معروفه برده
وحصل تزوير لصالح بعض مرشيحهم فى المرحله الاولى - عشان الامريكان كانوا ضاغطين جامد على النظام عشان يعمل اصلاح ديمقراطى
و عشان كده دخلوا انتخابات 2010 بصفقه برده
بس أمن الدوله خيطهم و قالوا يلا يا شاطر منك ليه مفيش كراسى تانى
وهما الوحيدين اللى دخلوا انتخابات 2010 مع الوفد - كل الوطنين والشرفاء رفضوا
وقاطعوا الانتخابات
وطبعا معروف مين الوفد و مين رئيسه
و عمل ايه عشان يمشى ابراهيم عيسى من الدستور بعد صفقه مع أمن الدوله !!
وعشان كدا بنقول ان الاخوان جزء من نظام العفن والعطن اللى كان فى مصر
ومينفعش هما والوطنى يدخلوا الانتخابات بعد 6 شهور من دلوقتى لانهم هيكتسحوا الانتخابات
لازم فرصه كفايه لباقى الناس تشتغل قبل الانتخابات
يقولوا هى دى توزيعه الشعب المصرى ولازم نتعامل معاها !!
طيب خلاص بقى
نسيب فتحى سرور و زكريا عزمى و الحزب الوطنى و نقول دا الواقع ولازم نتعامل معاه 1!!