اقتباس المشاركة الأصلية كتبت بواسطة burner الاستاذ الفاضل shaikh_tamer شكرا جدا علي المعلومات اللي انتا قولتهالي بالنسبة لجالي ازاي فانا جالي انفيتيشن علي الاكونت بتاع الاكسبرس انتري نفسه اني اقدم ورقي عشان النومينيشن بتاع اونتاريو و كاتبين ان قدامي 45 يوم عشان اجهز الورق و اقدمة غالبا هاقدم ورقي علي اساس هيومن كابيتال تحت ال FSWP المشكلة دلوقتي الورق اللي جهزته (صور طبعا) حوالي 120 ورقه بما فيها صور الباسبورات ليا و لمراتي و ابني فهل لازم اعمل كل الورق ده سيرتيفايد كوبيز و ممكن اعمل الكلام ده منين في مصر لو تقدر تفيدني يبقي جزاك الله خير حضرتك بسم الله ما شاء الله درجاتك عدت 400 درجة و كمان كتبت و انت بتعمل الاكسبريس انتري انك مستعد تروح اي مقاطعة و بناء عليه اونتاريو لقيت درجاتك كبيرة فبعتت ليك Pt حضرتك حتبعت لاونتاريو ورقك و لو لقوه تمام و مطابق لما هو مكتوب حيبعتولك انفيتيشن في السي اي سي اول خطوة انت حتراجع ملفك اللي انت بعته في الاكسريس انتري و تتاكد انك معدي 400 درجة فعلا و تتاكد كمان ان مفيش كلام غلط او غير حقيقي علشان لو بعتلهم و اكتشفوا ان فيه كلام كذب حيلغوا ملفك و السي اي سي كذلك حتلغي ملفك لمدة خمس سنين. انت لازم تنزل الجايد لان فيه معلومات مهمة و تفاصيل كتير و حتي لو فيه حاجة مش واضحة ممكن تسالني برقم الصفحة علي سبيل المثال بيقولوا انهم عايزين حسابك البنكي لاخر 6 شهور و بيقولوا كمان مواصفات معينة للصور الفورم بتنزل من هنا https://www.forms.ssb.gov.on.ca/mbs/ssb/forms/ssbforms.nsf/GetFileAttach/005-0205E~2/$File/0205E.pdf انا شايف ان الموضوع ان شاء سهل جدا و طبعا انت بالكتير اوي اوي لازم تخلصه علي اليوم 40 و تسيب خمس ايام للكوريير و خلي بالك ان لو فيه اجازات قومية فهي مش محسوبة. ده اميلهم لو عندك اسئلة mailto:[email protected] ده اللينك بتاع الجايد و لو فيه اي حاجة مش واضحة اكتبلي السؤال و رقم الصفحة https://www.ontarioimmigration.ca/pro...oi_en_hcps.pdf انت مش محتاج تعمل سيرتفيد كوبي بس محتاج تترجم كل ورقة الي الانجليزية او الفرنسية. امشي علي الجايد و الفورم و لو فيه اي سؤال انا تحت امرك
