السلام عليكم اخواني المطاريد
ولو اني حاسة اني بقيت غريبة لكن المطاريد هم اصحاب البيت الكبير اللي لازم نرجعله دايما
أنا من فترة طويييييييييييلة كنت بقدم على هجرة فيدرال (مش عارفة هيكون حد فاكرني ولا لا ) لكن لم اوفق برغم اني تعبت كتير ودخلت الايلتس يمكن 4 مرات لكن في الاخر قلت قدرالله وما شاء فعل ونسيت موضوع الهجرة تماما وشغلت نفسي بشغلي والاولاد
دلوقتي بقى راودني حلم كندا من جديد
لكن انا المرة دي مش بفكر في الهجرة
بفكر في الدراسة
لكن عندي بعض الاستفسارات
عايزة اعرف
1- انا اما اجي اقدم اختار اني adult ولا international
2-انا عايزة اغير الكارير يعني انا بزنس لكن عايزة ادرس children care او early years education ازاي اقدم ورقي وانا الثانوي مثلا مصري ومن اكتر من 20 سنه
3-هل لو قدمت على دراسة لغة اولا يحق لي الالتحاق بالتخصص اللي انا عايزاه بدون ما يطلبوا documents قديمة
أنا معايا ال transcript بتاع الجامعة له أهمية ولا طالما مش هعمل upgrade للدراسة بتاعتي يبقى مالوش لازمة
4- ودي أهم ما في الموضوع
ازاي اقدر آخذ اولادي معايا وازاي اقدر اقدم لهم عالمدرسة وايه هي المصروفات المطلوبة لهم
5- كم المصروف الشهري اللي محتاجينه بالإضافة الى ايجار السكن
شكرا جزيلا