الاخ الفاضل
لا استطيع ان اخفي عنك حرقة الدم اللي تسبب فيها البوست بتاع حضرتك 
و اللي اساسا انا عارف محتواة
في حاجات مش مفهومة في البلد دي كتييير قوي
اية البذخ دة كلة لا و اية كلة بالقانون و ماحدش يعترض.....للاسف في فروق بين كل وظيفة و الاخري و المصلحة و الاخري حتي داخل المؤسسة الواحدة
كهرباء ...اتصالات... مياة....غاز ....بترول.... و كتير بياخد مرتبات لا تتناسب احيانا مع المجهود المبذول
فين الكفاية و العدل مش عارف فين...علي رأي دكتور الفيسيولوجي لما كان بيفسر المبدأ دة بانة اكفيك و اعدلك
و الوزارات المهمة الخدمية اللي مفروض تنظر اليها الدولة تلاقيها بتاخد تراب
تعالوا نقارن بين موظف في خدمة 140 في الاتصالات بياخد شفت 6 او 8 ساعات بياخد كام و قاعد في التكييف و بين دكتور موجود في مستشفي بياخد شفت 8 ساعات او مدرس بينبح حسة 8 ساعات
انا كنت اعرف واحد صاحبي في 140 بياخد 1200 جنية انا الشفت بتاعي في المستشفي 24 ساعة ب 60 جنية 
تخيلوا معايا البدلات السخيفة زي بدل العدوي اللي هو ملاليم
لسة كنت باحكي مع بابا بقولة بطبيعة شغلي انف و اذن فانا بشوف مية فم في الاسبوع علي الاقل ,,,لو انا جالي دور برد من اي عيان ...هادفع علي الاقل 70 جنية علاج
و تعالوا اتفرجوا علي المعاشات ...كارثة و فضيحة و بتاخدة بقضايا
البية المحترم وزير الصحة بيقول انة النايب بياخد علي الاقل 1200 جنية ,,,فين الكلام دة مش عارف...انا صدقوني مابكملش 700 جنية في مؤسسة في وزارة الصحة المفروض الخدمات فيها بفلوس يعني الكشف بعشرين جنية مثلا..تخيلوا
فاكرين مشكلة ابراهيم نافع و الكرتير بتاعة اللي كان بيقبضوا ملايين
غالبا الدولة لازم تجزل العطاء للناس دي عشان كل واحد يخلي بالة من مكانة و يبقي عبد النظام
و كلام كتيير ممكن يتقال و كلنا حافظينة......بس نعمل اية....محدش اختار يتولد فين
علي فكرة انا رأيي انة المناصب الدولية دي بتبقي شرفية اكتر منها اي حاجة تانية يعني علي سبيل المثال زويل لما كان بيتكلم عن دورة كمستشار للرئيس الامريكي ,قال انة وظيفتة شرفية و انة لما بيروح البيت الابيض بيدفع تمن وجبتة و بياخد عليها بدل
اه انا تعبت
ربنا يسهل الحال
