اقتباس أولا: عند قدوم الطفل الأول، يشعر الزوج انه اصبح مسؤولا عن الأسرة ، وانه سيضحي لأجلها فيسهر على رعايتها ويسهر على رعايتها ويسهر في عمله لتوفير الأموال ما يجعل الضغوط النفسية والاجتماعية عليه كثيرة وهنا يبدأ التفكير بامرأة أخرى . يا نهار مش معدي وأما هو فرفور كده ومش متخيل أنه ممكن يتحمل مسئولية وأول حاجه فكر فيها أنه يعرف ست تانيه ...يبقي رايح يتجوز ليه ..ما يقعد جنب ماما أحسن ... وبعدين الحل ايه هنا من الزوجه علشان تحفظ جوزها من الزوال ....ترمي الواد من الشباك علشان هو يا حرام مايحسش بالمسئولية ... اقتباس ربما يكون ذلك "للشلية" إذ يعود بذاكرته إلى أيام عدم تحمل المسؤولية ، والاتجاه لحياة الرومانسية المنشودة، لأجل ذلك يتجه لامرأة أخرى . وديه برضه الست تعمل ايه فيها ....تنتشر في البيت و تعمل نفسها شلة مثلا لا بقي المقال ده اللي كاتبه راجل ومفتري ومغرض كمان ...و بصراحه لو فيه راجل بيفكر كده ...يبقي الاحسن له انه يروح لواحدة تانيه ....بالهنا والشفا علي قلبها يعني .. لا يا تقي لا ...زعلتيني منك ...ده مسروق لحرق الدم مش للفايدة
