[إكرام يوسف]

اقتباس المشاركة الأصلية كتبت بواسطة black knight عبقرية صناعة الغباء عبقرية الكذب والخداع عبقرية الخيانة والإلتفاف

هو كده بالضبط.. وهي كلها عبقريات لأنها تعجل نهايتهم بأيديهم.. لو كان فيه شوية مخ كانوا عرفوا إن كل اللي بيعملوه ده بيتقل حسابهم.. صحيح حيكون فيه مننا ضحايا.. لكن في الآخر حننتزع حريتنا.. لكنه همه حيخسروا كل شيء ..الشرف والكرامة والدين والأهل.. كل شيء

اقتباس المشاركة الأصلية كتبت بواسطة Lee Lee ا/اكرام العسكر شوية اغبيا - واللى هما مش واخدين بالهم منه ان اقل طفل واقف فى الميدان اذكى منهم ميت مرة يعنى خدعو الشعب بالبدلة الكاكى استنادا الى تاريخ اباؤهم المشرف خدعو الشعب بالاعلام الكاذب - المضلل - امثال رشا مجدى خدعو الشعب بفيديوهات فوتوشوب وشوية كومبارس من السجون محفظينهم كلمتين خدعو الشعب بكام جملة رنانة - رصيدنا عندكم - الله المستعان - شكرا لثقتكم - .. . . . . . . . خدعو الشعب بان امن مصر مرتبط بوجودهم وهما اساسا سبب عدم الامان - وكل البلطجية رهن اشارتهم خدعو الشعب بان كل اللى بيحصل علشان نتيجة الانتخايات مش عاجبة الطرف التالت اللى هو مش عارفينه مين ؟ من الاخر - هما اتباع مبارك وما تعلموش غير فى مدرسته داه تار بايت بينا وبين مبارك وهما فقط عليهم تنفيذ الاوامر لجنابه الغباء - الجهل - الغرور هذا المثلث لو وجد فى اى جيش - كفيل وحده لاغراق البلاد فى حروب اهلية وفساد اكبر الاغلبية العظمة من العساكر بيدخلو الجيش بيقضو 3 سنين من عمرهم فيه - لانهم جاهلين ومش متعلمين ما قدرش مبارك ولا قادة الجيش يفكرو صح مرة واحدة انهم يفتحو مدرسة لمحو امية الجنود ويخرجو من الجيش على الاقل يقرأو او يكتبو ياترى قاصدين ولا ما قدروش ؟؟؟؟؟؟؟؟؟؟؟؟ انا مش عاوزة افتح فى الموضوع داه لانه يطول شرحة وليا فيه ملاحظات كتير جدا ؟؟؟؟؟؟؟ لكن باختصار من مصلحة اى قادة ديكتاتوريين ان يستسهلو جهل من يقودوهم لان المثقف لا ينقاد بسهولة الى ان وصل الامر بالقادة انفسهم بأن اصابهم نفس المرض واصبحو جهلاء

مش لاقية حاجة أضيفها.. كل نقطة ذكرتيها ينكتب فيها مقالات.. وكلها صحيحة ودقيقة..

النهارده وأنا بادلي بصوتي في انتخابات الإعادة كانت اللجنة فاضية.. فقعدت أدردش مع الضابط المسئول عن تأمينها.. وهو راجل مهذب ويتعامل بحرص على احترام الجمهور.. قلت له إن المجلس العسكري ماحققش أي نجاح خلال عشرة شهور كلها إخفاقات، ماعدا نجاحه في إضعاف احترام الشعب لجيشه.. وقلت له إن المصريين تعودي على توقير الجيش من أيام أحمس الأول.. حتى أضاع الطنطاوي ومجلسه هذا التوقير وهذا الاحترام وزرع في قلوب المصريين غصة ومرارة من كل من يرتدي ثيابا عسكرية