بمناسبة تنصيب سيادة الفنكوش / عبد الفتاح السيسى و خليفة جمال عبد الناصر كبير الفناكيش رئيسا بالباطل لمصر .. نذكركم بقصيدة أحمد فؤاد نجم تمجيدا فى فشخة جيش مصر ... بعد 5 يونيو 1967 :-
الحمد لله خبطنا
تحت بطاطنا
يا محلا رجعه ظباطنا
من خط النار
يا أهل مصر المحمية
بالحرامية
الفول كتير والطعمية
والبر عمار
والعيشة معدن واهي ماشية
اخر أشيا
مادام جنابه والحاشية
بكروش وكتار
ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
إيه يعني لما يموت مليون
أو كل الكون
العمر أصلاً مش مضمون
والناس أعمار
الحمدلله وأهي
ظاطت
والبيه حاطط
في كل حتة
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
إننا احرار
إيه يعني شعب ف ليل ذله
ضايع كله
دا كفاية بس أما تقول له
إحنا الثوار
الحمد لله ولا حولا
مصر الدولة
غرقانة فى الكدب علاوله
والشعب احتار
وكفايه أسيادنا البعدا
عايشين سعدا
بفضل ناس تملا المعدة
وتقول أشعار
أشعار تمجد وتماين
حتى الخاين
وان شا الله يخربها مداين
عبد الجبار
