السلام عليكم الفيس بوك بيعرضلك فى الصفحة الرئيسية اللى بتشوفها انت و اصدقائك بس أخر آخبارهم و مين بعت لمين و فلان اشترك فى جروب علان .. و كدهوت المهم لقيت واحد صاحبى اشترك فى جروب بيطالب بارجاع القرد اللى بيتكلم بطل اعلانات شركة المحمول لمصر .. الجروب ده عامل حمله بيطالب فيها بكده .. عادى الموضوع هزار .. المهم قلت انقلكم الخبر عشان تضحكوا شوية .. لكن صفحة الجروب محفظتهاش عندى .. دخلت كتبت فى السيرش اللى فى الفيس بوك كلمة ( القرد ) .. لقيت حوالى 19 جروب بيتكلموا فى نفس الموضوع و بيطالبوا بنفس الطلب بصراحة انا ادايقت .. جزء من الضيق كان بسبب هيافة الموضوع .. لكن النسبة الاكبر من الضيق كانت بسبب احساسى اننا مش ايد واحده ( بغض النظر عن موضوع القرد ) .. كمان كل واحد عايز يعمل جروب لأى غرض اول ما تتطلع الفكرة فى دماغه هوب .. يقوم يعمل جروب .. نفس الموضوع بيحصل فى المنتديات أى حد عايز يسال سؤال مبيتعبش نفسه و يعمل بحث يمكن يلاقى الاجابة من غير ما يفتح موضوع جديد .. بيستسهل و هوب يروح فاتح موضوع جديد . معلش انا كبرت الموضوع .. بس كان نفسى افضفض معاكم . يلا بقى كلنا نشارك فى الحملة
