سؤال
طيب حضرتك يا دكتور مسامح تقترح ان الجامعة تدفع للاستاذ عدد الساعات اللى هيستهلكها فى بيته لتحضير المحاضرات؟
طيب ليه الدكتور نفسه فى وقت الفراغ فى الجامعة مش بيحضر محاضراته بدل مايستهلك الوقت اللى المفروض يرتاح فيه او يقضيه مع اولاده؟
عن نفسي فى الكلية بتاعتى احنا اللى كنا بنحضر المحاضرات والدكتور او الدكتورة بتقعد بس تضيف او تقيمنا..لكن التحضير والباوربوينت وكل شيء كان مسئوليتنا احنا..هما بس عليهم يختاروا لنا المواضيع واحنا يطلع عنينا فى المكتبة نحضر ونكتب على باور بوينت.. وقليل جدا لما دكتور هو اللى يحضر بنفسه واحنا نستمع ..
كنت وقتها اكره جدا اننا نتحمل مسئولية تعليم انفسنا لكن لما اتخرجت لاقيتها طريقة ناجحة جدا لان المعلومة اللى تعبت فيها لايمكن انساها ولحد اليوم فاكرة المحاضرات اللى اديتها والمعلومات لسه ف دماغى ..
وكنت باحس اننا فعلا طلبة مسئولين مش زى بتوع الايام دي اللى عايشين حياتهم ..او حتى زملائنا فى جامعات تانية ..
ايه راى حضرتك فة ان الطالب يتولى تعليم نفسه؟
