Arabic Discussion Forum with a Special Interest in Travel and Immigration

Remooo · 27th August 2011, 01:08 AM

يادى النيلة
ولا الهوا
ولا فاكرة حاجة
ولا عايزة افتكر حاجة
ولا عايزة اقعد مع حد

أحمد فاروق · 27th August 2011, 01:13 AM

أنا هفترض إن الستين دقيقة مش لازم يكونوا متواصلين، يعني ممكن يبقوا متفرقين على أوقات مختلفة ...

هاخد 5 دقايق لحظة ولادة بنتي و5 دقايق لحظة ولادة ابني.
وهاخد 5 دقايق لحظة الندا على اسمي يوم احتفال التخرج ومشرفي بيلبسني الشارة
وهاخد آخر 10 دقايق من حياة والدي رحمه الله.
وهاخد آخر 5 دقايق من حياة جدتي رحمها الله.
وهاخد 5 دقايق لحظة رجوعي مصر بعد أول مرة أتركها فيها.
وهاخد 5 دقايق لحظة ظهور نتيجة الثانوية العامة
وهاخد 5 دقايق لحظة ظهور نتيجة أولى جامعة
وهاخد 5 دقايق من أي يوم فيه لمة للعيلة زمان
وهاخد 5 دقايق من اللعب مع الأصحاب والجيران أيام الطفولة
وهاخد 5 دقايق لحظة تنحي مبارك

Prof · 27th August 2011, 01:27 AM

انا ممكن ارجع 28 يناير ميدان التحرير، يمكن ينفع الواحد يشتشهد.

Raouf · 27th August 2011, 01:38 AM

انا مش محتاج ساعة
انا محتاج بس 5 دقايق
علشان اصالح شخص توفى و هو مقاطعنى و زعلان منى
و انا كنت وقتها من الغباء و صغر السن انى تركته بلا تعليق

Remooo · 27th August 2011, 02:56 AM

اقتباس

المشاركة الأصلية كتبت بواسطة Raouf


	انا مش محتاج ساعة انا محتاج بس 5 دقايق علشان اصالح شخص توفى و هو مقاطعنى و زعلان منى و انا كنت وقتها من الغباء و صغر السن انى تركته بلا تعليق

Remooo · 27th August 2011, 02:57 AM

Eng A7m3d · 27th August 2011, 03:03 AM

الصراحة
أنا مش عايز ساعة زي دي لأن كل ساعة في حياتي سواء عملت فيها حاجة حلوة أو وحشة أو أخدت فيها قرار أياً كان أدت إلي ما أنا فيه الأن و اللي أنا مبسوط بيه
بس

Matrix · 27th August 2011, 07:59 AM

دعوه لموضوعي

أطلق العنان لمشاعرك ، كن إنسان.

أنا بأه هأرجع أعمل حاجة تظبطلكم حياتكم كلها وتخلي اللي في الغربة موجود في مصر

واللي موجود في مصر أكثر رضا وسعادة واللي راضي وسعيد أكثر وأكثر رضا وسعادة

هأرجع لسنة 1928 ,,لحظة ميلاد حسني مبارك.
وأخطفه من والدته ,,,,مش هأقتله حرام,,,, بس هأعمله عاهه بسيطه كده ما تخليهوش يدخل أي كلية حربية ولا يبقى رئيس.

وبالتالي إن شاء الله مش هيحصل الفساد والتخلف والتجريف اللي حصل في مصر في أخر 30 سنه

واحد هيقولي ماهو ممن ييجي واحد تاني يعمل أسوأ.

هأقوله برضه هأرجع أظبطه وهكذا لغاية ما ييجى واحد عدل.

Matrix · 27th August 2011, 08:04 AM

دعوه لموضوعي

أطلق العنان لمشاعرك ، كن إنسان.

طبعاً لو فتحنا باب الرجوع في الزمن,,,, فيه مليارات الإحتمالات اللي ممكن نتكلم فيه اواللي ممكن تغير التاريخ كله تتغير جذري.

بس السؤال هو: لو غيرنا التاريخ ممكن تكون النتيجة إننا ما نجيش الدنيا من أصله لأن تغيير التاريخ ممكن يغير كل الظروف وما يخليش الوالد يتجوز الوالدة مثلاً.
لا ياعم خلينا كده أحسن....هههههه

Eng Hesham · 27th August 2011, 08:20 AM

هارجع يوم اختيار الكليات بعد نتيجه الثانويه العامه
واختار علوم رياضيات او كيمياء بدل من هندسه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في الحياة [ 15 ] أمراً لم تعلم بها /~	هيام	أدب وشعر وقراءات متنوعة	4	29th September 2011 11:38 PM
هل هذه كلمة حق يراد بها باطل؟	حشيش	ثورة مصر ... 25 يناير 2011	46	8th April 2011 09:15 AM
مواضيع مشترك بها	نورية	إقتراحات ... مشاكل تقنية	12	6th November 2009 09:28 PM
مصر لا يزال بها شرفاء	brain	شؤون مصر الداخلية	0	18th November 2008 12:10 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

منقوووووووووووولات

لو منحت 60 دقيقة لتعود بها للماضي , أين ستذهب بها ؟؟