عن التجارة الالكترونية فلنتحدث

[حسام]

الصحف المصرية والعربية

اقتباس المشاركة الأصلية كتبت بواسطة oskasan طيب اشرح يا دكتره الموضوع ده عايز اجهز البنت واشتري طقم الاركوبال من دلوقتى

من عينية الجوز وقلبي تالتهم
ممكن بس جدول للمشاركين فى الورشة دي ؟
انا هعمل كل حاجة لوحدي ولا ايه؟

 

 

[abysaleh]

انا مصممة زجاج

أعمالي من الزجاج المعشق والموزاييك
وطول عمري نفسي اعرف ازاي الواحد ممكن يبيع منتجاته ع النت

المشكلة ف مصر ان نوع المنتج اللي بيتباع ع النت مش من النوع الفني خالص

وكمان ثقافة الشراء من النت مش متوفرة لدرجة تحقق الربح الكافي للمعيشة


قريت ف الموضوع كتير بس ما كملتش

ان شاء الله المرادي نكمل مع بعض

 

 

[oskasan]

اقتباس المشاركة الأصلية كتبت بواسطة حسام ياريت جدول بسيط يا جماعة لو حد ممكن يعمله نكتب فيه اسم العضو المطاريدي المتابع للموضوع وخانة التعليم وخانة كبيرة للهوايات أو الاهتمامات ياريت أوسكا باشا أو عبير هانم يساعدوني فى ده ده هيخلي الورشة مثمرة أكثر العبدلله حسام صيدلي محب للسيلز والتسويق والأدوية والعلاج بالأعشاب وتصميم المواقع والتجارة الالكترونية والرياضة اكون ممنون لو ساعدتونى فى الجدول ده وكل واحد ياريت يضيف اسمه وبياناته تحت امركم فى أى استفسار عن اللى اتقال لحد دلوقتي

هي فيها اسماء
مش كفاية حشيش حاطط اسمائنا في امن الدولة

ماشي يا باشا
اسامه
متجوز وأعول
حاصل على اعداد فنيين صناعي
هوايتى التصميمات الخفيفة والشعارات وعملى تنفيذ اعمال الديكور الداخلى بالوسائل الحديثة
بكره السبانخ
اعيش معظم الوقت في البلكونة



اللى بعده

 

 

[abysaleh]

طيب انا ممكن اعمل الجدول ان شاء الله بس اعرف مين تاني جاي معانا وتعليمه ايه وهواياته وكده

 

 

[حسام]

اقتباس المشاركة الأصلية كتبت بواسطة abysaleh انا مصممة زجاج أعمالي من الزجاج المعشق والموزاييك وطول عمري نفسي اعرف ازاي الواحد ممكن يبيع منتجاته ع النت المشكلة ف مصر ان نوع المنتج اللي بيتباع ع النت مش من النوع الفني خالص وكمان ثقافة الشراء من النت مش متوفرة لدرجة تحقق الربح الكافي للمعيشة قريت ف الموضوع كتير بس ما كملتش ان شاء الله المرادي نكمل مع بعض

الله يكرمك شوفيلنا حاجة لما تتشحن للزبون ماتتكسرش
يعني الزجاج مستحيل كبيع
ممكن نبيعه بطرقية المعلومات والعرض
لكن نبيع منتج ونعمله شحن
مستحييل
وايه الموزاييك ده؟
ماخدناهاش دي
وبخصوص ثقافة الشراء فى العالم العربي من على النت
فهي عقبة رئيسية فى التجارة الالكترونية
وفى حالة قيام التجارة الالكترونية بلغة أجنبية
يعني مع أجانب
يبقي يا سعدك يا هناكي
وبخصوص الجدول
ممكن نعمل جدول بسيط على قد اللى بيشاركوا دلوقتي
وكل واحد ييجي يزود اسمه
تحياتى يا عبير هانم

 

 

[حسام]

اقتباس المشاركة الأصلية كتبت بواسطة oskasan هي فيها اسماء مش كفاية حشيش حاطط اسمائنا في امن الدولة ماشي يا باشا اسامه متجوز وأعول حاصل على اعداد فنيين صناعي هوايتى التصميمات الخفيفة والشعارات وعملى تنفيذ اعمال الديكور الداخلى بالوسائل الحديثة بكره السبانخ اعيش معظم الوقت في البلكونة اللى بعده

يا عم الحاج
انا ماقتلش عايز اسم جنابك
حط اسم العضوية بس
ايه الناس اللى بتسلم نفسها دي؟
اعمل بقى الجدول
وبجد
بعيد عن صفات تجارية مهمة زي البلكونة والمروحة الله يكرمك

 

 

[abysaleh]

اقتباس المشاركة الأصلية كتبت بواسطة حسام الله يكرمك شوفيلنا حاجة لما تتشحن للزبون ماتتكسرش يعني الزجاج مستحيل كبيع ممكن نبيعه بطرقية المعلومات والعرض لكن نبيع منتج ونعمله شحن مستحييل وايه الموزاييك ده؟ ماخدناهاش دي وبخصوص ثقافة الشراء فى العالم العربي من على النت فهي عقبة رئيسية فى التجارة الالكترونية وفى حالة قيام التجارة الالكترونية بلغة أجنبية يعني مع أجانب يبقي يا سعدك يا هناكي وبخصوص الجدول ممكن نعمل جدول بسيط على قد اللى بيشاركوا دلوقتي وكل واحد ييجي يزود اسمه تحياتى يا عبير هانم

ما هو دا اللي بافهم فيه

وعموما شغلي في الاساس مش عمل منتج وبيعه

هو تقديم خدمات .... يعني رفع مقاسات ووضع تصميمات وبعدين تنفيذ

يعني مش منتجات مسبقة الدفع ....لازم يكون فيه زبون عايز شغل ونعملهوله

بالنسبة للموزايك... حضرتك شفت صورة مسجد والدي الله يرحمه.... التصميم الخارجي بتاعه من الموزاييك ... انا اللي عاملاهتصميم واشراف على التنفيذ

 

 

[حسام]

عارفة مثلا يا عبير هانم
لو مش عارفة تعملى موقع تبيعي منتجات زجاجية من عليه لصعوبة الشحن
ممكن تعملى موقع مجانى تشرحى فيه اللى عايز يتعلم الشغل الفني ده
وتجيبي دخل من الاعلانات
وممكن تعملى موقع اللى يشوفه لازم يشترك بمقابل مادي عشان يتعلم
لسة التقيل جاي

 

 

[حسام]

طيب
نرجع لموضوعنا تانى
عشان الكلام يبقي مرتب
فيه أى استفسار في اللى قلناه؟

 

 

[حسام]

واحد زي عم اوسكا فنان الفوتوشوب الأول
ممكن تجهز البونية بفنك ده
انا مش ناسي لوجو اسوان اللى كنت عاملهولي زمان