أخيرا التحفظ علي 340 مليون دولار

[nash]

الصحف المصرية والعربية

سويسرا تسمح لمصر بالتحفظ علي 340 مليون دولار من أموال علاء وجمال

طب مايعملوش حاجه دول لو فعلا فعلا حصلت مصر عليهم في دفع عجله الإنتاج

 

[MFaisal]

حلوين وزى الفل بس دول ما يصلحوش العجلة بحالها يادوب نظبط الفرامل ونعمل رقعة للكوتشات

 

 

[invador]

اقتباس المشاركة الأصلية كتبت بواسطة ضبش حلوين وزى الفل بس دول ما يصلحوش العجلة بحالها يادوب نظبط الفرامل ونعمل رقعة للكوتشات

 

 

[المحروسة]

عجلة الانتاج هتمشي لما البلد تستقر و يبقى فيه حكومة الناس تقدر تحاسبها و بترسم سياستها سلطة منتخبة

 

 

[nash]

محكمه جنايات الجيزة تؤيد حكم جهاز الكسب الغير مشروع بالتحفظ علي اموال مبارك و أنجاله وزوجاتهم وطبعا سوزي وكمان التحفظ علي اموال السكرتير الخاص وزوجته وباقي الشله

 

 

[سهران لوحدى]

اقتباس المشاركة الأصلية كتبت بواسطة nash سويسرا تسمح لمصر بالتحفظ علي 340 مليون دولار من أموال علاء وجمال طب مايعملوش حاجه دول لو فعلا فعلا حصلت مصر عليهم في دفع عجله الإنتاج

القيمه الحقيقيه ياناش فى انها اعتبار ارادة الثوره والرضوخ لها
لان ثورة مصر كان لها مقاومه فى الخارج مش زى ليبيا مثلا
لان ليبيا سمحت بالتدخل الخارجى

 

 

[nash]

أكيد يا سهران ... الإراده الثوريه هي صاحبه الفضل في حاجات كتير وكفايه اللي مش عاجبه حاجه بيطلع علي الملأ ويتكلم من غير خوف ولا رعب ...

بس أصلهم زودوها شويه بحته عجله الإنتاج النايمه والخزانه الفاضيه من ضخ الأموال ..الحكومه حسستني هي والمجلس العسكري أنهم هاينزلوا من بكرة يبيعوا علب كلينكس في إشارات المرور ويتسولوا علينا

 

 

[سهران لوحدى]

اقتباس المشاركة الأصلية كتبت بواسطة nash أكيد يا سهران ... الإراده الثوريه هي صاحبه الفضل في حاجات كتير وكفايه اللي مش عاجبه حاجه بيطلع علي الملأ ويتكلم من غير خوف ولا رعب ... بس أصلهم زودوها شويه بحته عجله الإنتاج النايمه والخزانه الفاضيه من ضخ الأموال ..الحكومه حسستني هي والمجلس العسكري أنهم هاينزلوا من بكرة يبيعوا علب كلينكس في إشارات المرور ويتسولوا علينا

عارفه لو عملوا سندات لتمويل الموازنه كلنا حنشترى لان مطلوب بدايه فقط والعجله تجرى
الموازنه كبيره جدا اذا اتمولت حتفرق كتبر جدا ومن جهه اخرى كل ما تقرب الانتخابات العفاريت بتطلع
ربنا يسترها باذن الله

 

 

[nash]

تنفيذ التحفظ علي أموال مبارك وأسرته .. أرصدة نقدية وأسهم وأراضى وممتلكات فى 8 محافظات

بدأت الإدارة العامة لمباحث الأموال العامة أمس‏,‏ تنفيذ حكم محكمة الجنايات بالتحفظ علي أموال الرئيس السابق حسني مبارك ونجليه علاء وجمال وزوجتيهما هايدي وخديجة.


كما تم التحفظ علي أموال وممتلكات رجل الأعمال الهارب حسين سالم وزوجته ونجليه خالد وماجدة وأبنائهما, وأخطر البنك المركزي المصري جميع البنوك داخل البلاد بالتحفظ علي الأرصدة وحساباتهم جميعا, كما أخطرت هيئة سوق المال بإبلاغ البورصة بالتحفظ علي أسهم شركاتهم.
وقد شكل اللواء حسين عماد مساعد وزير الداخلية لمباحث الأموال العامة, ونائبه اللواء نجاح فوزي عددا من اللجان لتنفيذ التحفظ, وتوزعت ممتلكات أسرة الرئيس السابق علي8 محافظات هي القاهرة والجيزة و6 أكتوبر والإسماعيلية والشرقية والقليوبية وجنوب سيناء ومرسي مطروح, وشملت فيلا لمبارك بشرم الشيخ وشقة في مرسي مطروح, بينما امتلك نجلاه وزوجتاهما7 شقق بالقاهرة, وفيلا لعلاء في جولف القطامية, وشقة لزوجته هايدي في برج بلازا بفندق الفورسيزون, بالإضافة إلي فيلتين لهايدي مع شقيقتها في منتجع بيفرلي هيلز.
وفي محافظة جنوب سيناء, تم التحفظ علي5 فيلات, وفي الشرقية علي40 فدانا عبارة عن أرض زراعية غير مزروعة لكل من علاء وجمال في قرية صان الحجر, بالإضافة إلي التحفظ علي10 أفدنة في الإسماعيلية في فايد بمنطقة البحيرات المرة, وفي القليوبية تحفظت اللجان علي قطعة أرض للنجلين بجمعية أحمد عرابي, ولم يثبت للجان وجود سيارات للأسرة, كما ما لم يشمل التحفظ فيلا سوزان مبارك نظرا لتنازلها عنها وكانت مملوكة للدولة.
ومن ناحية أخري, تحفظت اللجان علي ممتلكات حسين سالم وأسرته, حيث تم التحفظ علي4 فنادق ومحطتين لتحلية المياه وخمسة يخوت و50 سيارة فاخرة و86 سيارة جولف كهربائية, وذلك في شرم الشيخ, كما تم التحفظ علي36 فدانا ملحقة بفندق جولي فيل بالأقصر, و120 فدان فاكهة في البحيرة, وعمارة من4 طوابق بالقاهرة.