العربيات الصينى

[فــيــروز]

الصحف المصرية والعربية

اقتباس المشاركة الأصلية كتبت بواسطة Farida ايوه ستووووووووووووووووووووووووب هنا الله لا يسيئك ايه الحلول البديله بقه .......كلى اذان صاغيه ..............

أنا باقترح تنقل على المور على طول و لو العربيه ماوقفتش تنط منها على طول و ماتنساش تتدحرج عشان دراعها مايتكسرش طبعا

 

 

[النجم الثاقب]

اقتباس المشاركة الأصلية كتبت بواسطة Farida ايوه ستووووووووووووووووووووووووب هنا الله لا يسيئك ايه الحلول البديله بقه .......كلى اذان صاغيه ..............

ممكن تستخدمى فرامل اليد .. و ممكن تنقلى الفتيس للغيار الأقل بالتدريج لحد ما توصلى لأول غيار و ده ممكن يكون غلط بس ساعتها بيبقى الأمر ضرورى .

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Farida ايوه ستووووووووووووووووووووووووب هنا الله لا يسيئك ايه الحلول البديله بقه .......كلى اذان صاغيه .............. وانا اللى كنت باقول عليك امير و طيب .........ياخوفى لا تروح تجيب فتوى من فتاوى السعوديين عن تحريم قيادة المرأة للعربيات لكن تروح و تيجى و تخرج و تتفسح مع السواق حلال حلال حلال

ههههههههههه .. لا ما تخافيش مفيش فتاوى تحريم سواقة الستات

اقتباس المشاركة الأصلية كتبت بواسطة فــيــروز أنا باقترح تنقل على المور على طول و لو العربيه ماوقفتش تنط منها على طول و ماتنساش تتدحرج عشان دراعها مايتكسرش طبعا

ههههههههههه .. زعلانة ليه بس

اقتباس المشاركة الأصلية كتبت بواسطة النجم الثاقب ممكن تستخدمى فرامل اليد .. و ممكن تنقلى الفتيس للغيار الأقل بالتدريج لحد ما توصلى لأول غيار و ده ممكن يكون غلط بس ساعتها بيبقى الأمر ضرورى .

كلامك صح يا نجم

 

 

[حرررم بم بم]

اقتباس المشاركة الأصلية كتبت بواسطة Farida أختى بقى اول ما ساقت التوماتيكى بعد الضنى .............بقت تلبس فرده جزمة السواقه فى رجلها اليمين علشان تعلمها و تخلى رجلها الشمال بالجزمة العاديه بتاعتها و مرة اتخبطت العربيه نزلت بالفردتين اللى مش زى بعض كانت حاتقع على وشها ...........بس صاحبتى فعلا اول الأمر بقت تربع رجلها الشمال و تحطها تحتها .................انا بقى عملت الأنقح جبت تكت من بتاع كراريس البنات و كتبت بالفلوماستر .......بلاش رجلك الشمال و لزقتها على الدريكسيون

لمؤاخذة - أيه جزمة السواقة دي ؟؟؟!!!!!!!

بالمناسبة أنا عندي أتوماتك بقاله سنين ،، و هو أريح ميت ألف مره من المانوال ،، و لكن اللي بستغرب له أن معظم الناس عندها فكرة سيئة جداً جداً عن الأتوماتك ،، يعني بيقولوا أعطاله كتيرة جداً ،، مع أني شايف العكس و العربية معايا بقالها سنين و شغالة زي الفل

عيوب الأتوماتك الأكثر شيوعاً - مع أنها نوادر برضه - أنه لو الفتيش قفش لا سمح الله العربية بتكلبش مطرحها و لا ينفح زق و لا دياولو
و برضه لو المارش إتحرق أو علّق لازم يتغيّر المارش أو يتصلّح و هيه مكانها بس ممكن تتقطر في الحالة دي
تالت حاجة الاتوماتك و خصوصاً الموديلات القديمة بتسخن شوية إلا لو كانت دورة المياه ممتازة و السخونة هنا بتكون في السالانسية مش في الطوالي


أخر حاجة ميزة المانيوال أنه بسحب أكثر طبعا عن الاتوماتيك و خصوصاً في الطلعه أو في التخطي

 

 

[Mizo]

اقتباس المشاركة الأصلية كتبت بواسطة فــيــروز ده طبعا باعتبار إن الرجّاله اللىّ بتسوق يبقوا قرايب "عبد البديع سينا" قريب و نسيب "آرتون سينا" الله يرحمه و يبشبش الطوبه اللىّ تحت دريكسيونه !!

يا فيروز انا عمرى في حياتي ماشفت رد فعل كـ رد فعل السيدات وهي بتسوق .. يعني واحده راكبه العربيه وهوب حد رمى عليها أو دخل من حارة لحاره فجأة.. تسيب الدركسيون وترفع رجليها من على الدوسات وتحط ايدها على وشها وتصوتتبقا سعاد شوماخر ولا لاء

انا شخصياً بقالى فوق العشر سنين بسوق ، اول ما اشوف ست ماشيه بالقرب منٍ ببعد عنها نهائي لاني اتشويت منهم

اقتباس المشاركة الأصلية كتبت بواسطة Farida وانا اللى كنت باقول عليك امير و طيب .........ياخوفى لا تروح تجيب فتوى من فتاوى السعوديين عن تحريم قيادة المرأة للعربيات لكن تروح و تيجى و تخرج و تتفسح مع السواق حلال حلال حلال

ده موضوع تاني يا دكتور ومكنتش أقصده الصراحة....

اكثر ما يضحكني في قيادة السيدات.. وهما لازقين كرسي القيادة في الزجاج الأمامي وماسكين بإيدهم وسنانهم في الدريكسيون ولا لهم دعوة بمرايات ولا اشارات ولا حتى الترواة

 

 

[Farida]

بقالى ساعتين باقرأ تعليقات مالكى هذا النوع من السيارات و تجاربهم من جميع انحاء العالم و لقيت تجارب مش كويسه و تخويف من انها فى السرعات العاليه ممكن ما تبقاش stable ربنا يستر.....شكلى كده حأرجعها لصاحبها .........وارجع لزوبه صديكتى

حررم بم بم .........جزمة السواقه دى optional يعنى ممكن تكون موجوده و ممكن لأ بالنسبه لى - ولأخواتى معايا - دايما موجوده و هى جزمة مخصوصه للسواقه من غير كعب و زحافى سهلة اللبس و الخلع و مريحه و توضع دائما فى الدواسه و مااشوفهاش فى البيت نهائى .....

 

 

[حرررم بم بم]

اقتباس المشاركة الأصلية كتبت بواسطة Farida حررم بم بم .........جزمة السواقه دى optional يعنى ممكن تكون موجوده و ممكن لأ بالنسبه لى - ولأخواتى معايا - دايما موجوده و هى جزمة مخصوصه للسواقه من غير كعب و زحافى سهلة اللبس و الخلع و مريحه و توضع دائما فى الدواسه و مااشوفهاش فى البيت نهائى .....

اول مرة اسمع بيها ،، طيب و دي ستاتي و رجالي و لا ستاتي بس ،،،، غالباً الحذاء مش بيفرق معايا و لكن بستريّح أكتر و انا سايق ( حافي)

 

 

[Farida]

اقتباس المشاركة الأصلية كتبت بواسطة حرررم بم بم اول مرة اسمع بيها ،، طيب و دي ستاتي و رجالي و لا ستاتي بس ،،،، غالباً الحذاء مش بيفرق معايا و لكن بستريّح أكتر و انا سايق ( حافي)

تمام هى حاجه شخصيه تماما ..........بس منتشره بين السيدات لأن فى الغالب الأحذيه العاديه لها كعب و ده ممكن يعوق السواقه المريحه ...فبنعمل أحذيه مخصوصه مريحه للسواقه .........موضوع السواقه حافى ده فكرة برضه بس مش حاينفع مع الستات للأسف و عموما لما بالبس جزمة السواقه باحس انى حافيه تماما لأنها واسعه بنمرة و زحافى و ووشها عريض كأنى حافيه تماما بس عيبها لو اضطريت اسوق اى عربيه تانيه او عربية زوجى - اللى مش باقرب لها طبعا- بتبقى مشكله بقه و باتلخبط و بتبقى حوسة ...........

 

 

[Farida]

بصوا هنا ببيقولوا عليها ايه
https://ar.wikipedia.org/wiki/%D8%AA%...8A%D8%B1%D9%8A

اقتباس [[عدل] رسوب مركباتها في إختبارات السلامة و الأمان Euro NCAP صورة تبين كيفية اختبار الاصطدام في مركز Euro ncap الأوروبي لاختبارات السلامة صورة تبين كيفية اختبار الاصطدام في مركز Euro ncap الأوروبي لاختبارات السلامة دخلت جميع مركبات شركة تشيري اختيارات السلامة و الأمان في القارة الأوروبية حيث أنها تتمتع بجميع أجهزة السلامة التي تقي من الحوادث مثل موانع الانزلاق و الإنغلاق و التوزيع الالكتروني لقوة الفرامل ... الخ ، إلا أنها لم تنجح في اختبار السلامة بسبب وجود ضعف في قاعدة المركبة ( الشاسية ) حيث أن شركة تشيري تسعى لتخفيض تكلفة و قيمة المركبة عن طريق تقليل كثافة قاعدة المركبة (الشاسية) وذلك بإفرغ المعدن من داخله ما يجعل المركبة رخيصة الثمن ومنافسه في الأسواق و لكنها عندما أجري عليها اختبار السلامة ( الاصطدام ) على سرعة 60كم/ساعة تحطمت المركبة حتى أن السائق الإفتراضي قد أصيب إصابات بالغة تؤدي إلى الوفاة وبالتالي فقد حازت مركبات تشيري على درجة 0/5 في اختبار السلامة وبالتالي فإن مركباتها لا تعد آمنةً في الحوادث حتى البسيطة.

 

 

[Farida]

يعنى اعمل ايه انا دلوقتى















استاذ حررم بم بم .....انا باحط جزمة السواقه هنا ..........





اهى دى مقدور عليها










لكن دى لأ .....................
بس اهم حاجه ان البنات ورا حايكونوا فى امان ان شاء الله بس يلاقوا حد يروحهم بقه