ملامح ازمة اقتصادية عالمية على الطريق

[KANE]

الصحف المصرية والعربية

Tamer Wageeh

مصر المنكفئة على نفسها مش واخدة بالها من أهم شيء بيحصل في العالم: مقدمات أزمة عالمية كبرى. المرة دي الصين هي اللي فجرت الأزمة بتخفيضها لعملتها.

معظم بورصات العالم فقدت أموالا طائلة، إلى حد إن تريليونات من ثروة العالم اتمحت في كام يوم. لكن مؤخرا بورصات آسيا (فيما عدا الصين واليابان) وأمريكا وأوروبا بدأت تستعيد بعضا مما فقدته،

هذا في الأغلب مجرد ارتجاع مؤقت في مسار أزموي مستمر. والسبب إن الصين، اللي بتعتبر مستهلك أساسي لمنتجات العالم، في حالة تباطؤ، ومن ثم فما تنتجه كثير من الاقتصادات العالمية لن يجد من يشتريه.

ورغم إن مصر معندهاش حاجة تصدرها للصين عشان تقلق على اقتصادها المنهار، إلا أن الأزمة العالمية، لو تواصلت، هتساهم في تخفيض إضافي لأسعار النفط اللي عمالة تنزل، وهو ما سيؤثر بشكل حاسم على الاقتصاد المصري اللي عايش على المال السياسي السهل من السعودية وبلدان خليجية أخرى، وهي بلدان بدأت معاناتها تتفاقم، لدرجة إن أحمد المسلماني في مقاله النهارده في المصري اليوم بيشتم الصحافة العالمية اللي عاملة مؤامرة على الاقتصاد السعودي وبتتوقع انهياره.

وفي وسط كله ده تيجي قصة "قناة السويس الجديدة" بصفتها شر البلية اللي بيضحك، فالتفريعة الجديدة معمولة على افتراض توسع مهول في النشاط التجاري العالمي يخللي عدد السفن المارة في القناة يزيد إلى حد يتجاوز الحد الأقصى الممكن قبل حفر التفريعة، ده منطق التفريعة، بينما الواقع بيقول إن اللي هيحصل انكماش في التجارة العالمية، يعني النظام المصري العسكري الإنقلابي خللى المصريين يدفعوا ستين مليار جنيه من دمهم على مشروع وهمي لن يدر دخلا في الأجل المنظور، بل سيحلب من الميزانية فوائد وأقساط لرد الدين اللي تم الحصول عليه.

وما أتوقعه مع تراجع التجارة العالمية، وتراجع أسعار النفط، هو إن المال السياسي هيشح في مصر، والمطالبات بالديون السابقة هتزيد، وديون القناة وباقي المشاريع هتضغط على الميزانية بقسوة، وطبعا مشروع تطوير خليج السويس لن يكون له لا تمويل ولا منطق، وكذلك في الأغلب تحويلات المصريين العاملين في دول الخليج هتقل، مما سيزيد من كارثة مالية الدولة، والاقتصاد عامة، وسينتهي الحال بهذه السلطة شبه الفاشية إلى سياسة مالية جنونية تتضمن حلولا مؤقتة مثل بيع وتأجير أصول وأراضي على نطاق واسع للحصول على سيولة مؤقتة تزيد المشكلة في الأجل المتوسط. هذا طبعا بالإضافة إلى تخفيضات مهولة في الإنفاق الاجتماعي تصل بغالبية كادحي الشعب المصري إلى حد المجاعة، هذا في الوقت الذي تضغط عصابات السرّاق، حرامية الجيش والداخلية والقضاء وغيرهم، من أجل زيادة أنصبتها من ثروة مصر ودخلها.

يعني العصابة اللي مسيطرة على مصر دخولها تزيد بشكل جنوني والفقراء دخولهم تقل بشكل جنوني، والاقتصاد يتهاوى وينكمش، وهكذا في دائرة مفرغة، لحين الانفجار العظيم، اللي النظام بيؤجله من ناحية بإحداث تسويات بالرشوة بين رجالته عشان ميتخانقوش مع بعض ولا معاه، ومن ناحية تانية بإسكات أجهزة القمع بالمال الوفير عشان تواصل قمعها بكفاءة.

لكن كيف يتأجل انفجار تسعى إليه حثيثا طغمة حاكمة بهذا الجشع والجنون؟ إنها مرة من المرات القليلة التي نرى فيها طغمة حاكمة فقدت أي إحساس وزاد سعارها إلى حد التركيز المجنون على المصالح المؤقتة المباشرة الفردية والفئوية.

ندفع طبعا ثمنا غاليا، لكن الأمل أن نربح العدل والحرية في النهاية.



طبعا للأمانه هناك من يقول ان التحليل مبالغ فيه وان مصر ربما تستفيد من الوضع الحالي

اقتباس مصر من اكبر المستوردين من الصين وانهيار العملة الصينية هي ساهم بشكل او اخر في تقليل سعر الواردات.

ولكن شخصياً اتوقع ان يدخل العالم في موجة كساد كبيرة قادمة

ربنا يستر ويرحمنا

 

[KANE]

تحليل آخر وجيه


JAWDA

ماذا يحدث للبورصه المصريه ... تعالوا نفهم الاقتصاد ببساطه
-------------------------
في حاجات مهمه لازم نفهمها الاول قبل ما نفهم البورصه المصريه. أولها ان البورصه المصريه صغيره جدا. ازاي. حجم التداول اليومي في البورصه المصريه هو ١١٦ مليون جنيه (مصدر ١). يعني ايه؟ يعني كل يوم الناس و الشركات بتبيع و تشتري اسهم قيمتها ١١٦ مليون جنيه. زي ما اتعلمنا قبل كده السهم هو جزء من شركه. بتبيع سهم معناها انك بتبيع نصيبك في الشركه دي (مصدر ٢). لو قارننا حجم التداول ده في السوق المصريه بمثيله مثلا في شانغهاي و حجم التداولات اليوميه فيه ٣٨٠ مليار دولار و ده حجم مرتفع جدا الأيام دي نتيجه ان ناس كتير عاوزه تبيع في الصين. لكن مثلا متوسط السوق الامريكيه هو ٢٥٠ مليار دولار في اليوم و متوسط السوق البريطانيه هو ٩ مليار دولار (مصدر ٣).
طيب ايه معني ان السوق المصريه صغيره قوي كده و ايه تأثيره؟ صعب جدا ان اي حد في العالم يبقي معاه ٢٥٠ مليار دولار و يدخل يشتري مثلا كل الأسهم المطروحة للبيع في السوق الامريكيه او الصينيه او حتي يبقي معاه كاش يدخل يشتري ١٠ مليار دولار في يوم واحد. صعب ان شخص او حتي جهه او مؤسسه تدخل تعمل كده. ممكن حكومه مثلا تعمل كده لكن بعد شويه حتي الحكومه الامريكيه او الصينيه حتخلص فلوسها. إنما ١١٦ مليون جنيه في اليوم سهل جدا ان مستثمر واحد يدخل يشتريهم كلهم. دول اقل من ١٥ مليون دولار. طيب ايه تأثير ده؟ تاثيره انه انا لو عاوز أزود اسعار الأسهم في مصر ممكن ادخل السوق شاري. أحط ميزانيه ١٠٠ مليون دولار مثلا و ادخل كل يوم بحوالي ٢٠ مليون دولار اشتري اسهم. و طبعا لان في واحد عاوز يشتري اسعار الأسهم حتزيد. و بالتالي ناس تانيه حتقلدني و تقول السوق بتعلي و انهم يدخلوا يعملوا فلوس. يعني بسبب صغر السوق المصريه فهي معرضه لمضاربات تحكميه في الاسعار. سهل جدا ان واحد غني او مجموعه أغنياء يتحكموا في اسعار البورصه المصريه. و أسهل اكثر بالنسبه مثلا لحكومه السعوديه او الامارات انها تتحكم في اسعار الأسهم المصريه. معني كده ان البورصه المصريه بتتاثر جدا بالمتغيرات السياسيه اكثر من اي بورصه تانيه في العالم. طبعا ده بالاضافه لكل المتغيرات الاقتصاديه و احوال الشركات نفسها اللي طبعا لازم تاثر علي سعر الأسهم في اي بورصه.
ده مدخل لازم نفهمه كويس جدا عن البورصه المصريه بالذات.
تاثير تراجع بورصه الصين
-----------------------
ناس كتير تقولك ان تراجع البورصه المصريه سببه هو تراجع الأسهم الصينيه. و ده بعضه حقيقي و بعضه مش حقيقي.
الرسم البياني الاول المرفق يورينا انه مفيش علاقه كبيره قوي علي مدي ال ٥ سنين اللي فاتوا بين البورصه المصريه و الصينيه او حتي الامريكيه.
يعني مثلا من يونيو ٢٠١٤ مع انتخاب السيسي بدأت الأسهم الصينيه في الصعود بشكل كبير جدا بينما بدأت الأسهم المصريه في التراجع بشكل كبير جدا برضه.
العكس حصل بين يونيو ٢٠١٣ (الانقلاب) و يونيو ٢٠١٤ (انتخاب السيسي). في يونيو ٢٠١٣ الأسهم المصريه بدأت الصعود بشكل كبير في حين ان الأسهم الصينيه فضلت زي ما هي.
نلاحظ ان الفتره الوحيده اللي كان فيها الأسهم الصينيه و المصريه ماشيين مع بعض هي من يناير ٢٠١١ الي يونيو ٢٠١٣. الاتنين كانوا بصفه عامه في أتجاه النزول. الغريب ان الناس اللي دلوقتي بيقولوا ان الأسهم بتنزل عشان الصين ماكانوش وقتها بيقولوا كده و كانوا بيقولوا عجله الاقتصاد و الاستقرار و الحقونا البورصه بتقع و كل الكلام ده.
نلاحظ كمان ان الناس اللي بتقول ان الصين موقعه العالم كله كلامهم مش سليم تماماً. لان زي ما احنا شايفين الأسهم الامريكيه مثلا نزلت مؤخراً فعلا بسبب الصين لكن بشكل بسيط جدا. يعني الأسهم الامريكيه زادت ٦٢٪ في ٥ سنين يعني ١٢٪ في السنه في حين الأسهم الصينيه زادت ٢٠٪ بس في ٥ سنين يعني ٤٪ في السنه و معظم الخساره كانت في الكام شهر الاخاري.
قارن ده بالأسهم المصريه اللي فقدت ٤٥٪ من قيمتها يعني نزلت تقريبا النصف في خلال ٥ سنين.
الحقيقه انه من يناير ٢٠١١ حتي يونيو ٢٠١٣ الأسهم الصينيه نزلت بسبب تداعيات الازمه الاقتصاديه العالميه و هبوط اسعار المنازل في الصين. في نفس الفتره في مصر المشكله كانت بالأساس سياسيه.
المقارنه بين مرسي و السيسي
--------------------------
بعد انتخاب د مرسي مباشره حدث تحسن سريع للبورصه المصريه و تفوقت حتي علي الصينيه لفتره بسيطه في اكتوبر ٢٠١٢ و بعدها مباشره بدأ التراجع. ممكن نربط بدايه التراجع بتشكيل جبهه القوي المدنيه و بدايه ظهور علاقتها مع الجيش و مداولات المحكمه الدستوريه العليا حوالين حل الجمعيه الدستوريه و اشتباكات ميدان التحرير بين أنصار و معارضي د مرسي. يعني غريب جدا ان التراجع بدأ حتي قبل احداث الاتحاديه و قبل اعلان مرسي الدستوري.
نفهم من ده ايه؟ عاده البورصه مؤشر لما هو قادم. ازاي؟ اولا في البورصات العالميه المتداولين عندهم اجهزه أبحاث تتنبأ بالتطورات الاقتصاديه و السياسيه القادمه و توجه الاستثمارات بناءا علي الأبحاث دي (مصدر ٤). في سوق صغيره زي مصر مفيش كلام من ده. اللي بيحصل ان كبار المستثمرين بيبقوا عندهم معلومات من مصادرهم الخاصه عن اتجاه ما هو قادم او بيبقوا عاوزين يضغطوا في اتجاهات معينه. يعني اي مستثمر سعودي في مصر في اكتوبر ٢٠١٢ أكيد فهم ان حكومته مش مع مرسي و أكيد عرف من علاقاته بسفير السعوديه في مصر ان الجيش حيعمل انقلاب قادم و ان الأوضاع مش مضبوطه. و ممكن جدا كمان يكون ده بتوجيه من حكومته. نفس الكلام لكبار رجال الاعمال في مصر اللي أكيد كانوا بيجتمعوا مع المخابرات العسكريه و قاريين الاتجاهات.
استمر التراجع من اكتوبر ٢٠١٢ حتي انقلاب يونيو ٢٠١٣ و بعدها مباشره بدأ صعود البورصه المصريه لحد يونيو ٢٠١٤ و هو انتخاب السيسي. بعدها بدأ الانحدار. يعني قبل الصين و قبل البورصه السعوديه و قبل اسعار البترول و كل الكلام ده.
عكس انتخاب مرسي خالص. انتخاب السيسي خلي البورصه تنزل. ليه؟ لو نفتكر ان رجال الاعمال وقتها حسوا انهم انضحك عليهم و ان كل حاجه بقت في أيد الجيش عكس ما كانوا فاكرين. و لو تفتكروا موضوع "الدوله تبحث عن صوت". كل ده كان شد ودن من رجال الاعمال و ربما وراهم رجال مبارك في المخابرات (كل شويه السيسي يمشي ناس من المخابرات) و ربما وراهم حتي دول عربيه كمان.
شد الودن طبعا بدأ يزيد بعد ما وضح انه كل حاجه الجيش بياخدها و انه مفيش مكان لاستثمارات في مصر. مفيش قانون استثمار. مفيش رؤيه للدوله في الاستثمار. مفيش اهتمام برجال الاعمال زي ما مبارك عمل. الجيش واخد كل المناقصات (اسمع ممدوح حمزه في مصدر ٥). و بعدين مشروع تفريعه القناه سحب كل الفلوس من السوق من غير اي عوايد و من غير اي تخطيط. و اسمع كمان كلام نجيب ساويرس عن مشروع القناه انه مش حيستثمر فيه (مصدر ٦).
و بالتالي التراجع في البورصه مستمر لحد ما وقلنا دلوقتي لتقريبا نفس مستويات مايو ٢٠١٣.
يعني فاضل حوالي شهر و نوصل لنفس مستوي يونيو ٢٠١٣ اللي بالمعدل ده حنوصله في اكتوبر ٢٠١٥.
تحليلنا:
-------
بالنظر للاضطرابات الامنيه في مصر و التخوف السعودي من تصرفات السيسي و بالذات محاولته لعب دور منفرد في سوريا مثلا (زياره روسيا) و هو دور غير ممكن منطقيا الا لتهديد السعوديه. و بالنظر لتمرد أمناء الشرطه الذي لا يمكن فهمه الا ف سياق انه بتاثير من امن الدوله و رجال الاعمال اللي عاوزين يفهموا الجيش انهم ممكن يبهدلوه. تحليلنا ان دي شده ودن جامده للسيسي في محاوله أفهامه. اما سيستجيب السيسي و يديهم مشروعات و يمشي اموره مع السعوديه. و علي فكره رجال الاعمال دول مطالبهم مش حريه و لا حاجه. مطالبهم كلها مشاريع و فلوس. و في الأغلب السيسي حيتنازل قليلا لهم عشان يمشي الأمور. لكن ضد طبيعته انه يتعامل مع مجتمع مدني لذلك اعتقادنا ان الاضطرابات ستستمر و المشاكل حتزيد و ربما ما هو اكثر. لا نعتقد ان رجال الاعمال و من وراهم عاوزين يخلصوا من السيسي. اعتقادنا انهم فقط عاوزين يروضوه بشدات ودن.
السؤال احنا حنعمل ايه؟
المصادر:
------------
١- حجم التداول في السوق المصريه:
https://www.egx.com.eg/English/marketindicator.aspx
٢- سلسله تعالوا نتعلم الاقتصاد ببساطه:
https://jawdablog.org/…/%D8%AD%D9%84%...7%D8%AA-%D8%…/
٣- حجم التداولات في الاسواق العالميه
https://www.bloomberg.com/…/china-sto...r-tops-u-s-as…
٤- أبحاث البورصه في وول ستريت و توجيه الاستثمارات بناءا عليها:
https://en.wikipedia.org/wiki/Securities_research
٥- ممدوح حمزه عن سيطره الجيش علي كل شيئ:

٦- حديث نجيب ساويرس عن مشروع القناه:

 

 

[KANE]

 

 

[KANE]

بالأرقام.. خسائر البورصة في أسبوع تعادل إيرادات «القناة» في 18 شهرا

الثلاثاء 25 أغسطس 2015 - PM 3:51
كتب- عاشور المصري
بالأرقام.. خسائر البورصة في أسبوع تعادل إيرادات «القناة» في 18 شهرا
شهدت البورصة المصرية خلال الجلسات السبعة الأخيرة تراجعا حادا في مؤشراتها الرئيسية، كما شهدت انخفاضا في رأس المال السوقي للبورصة على مدار هذه الجلسات وسجلت أدنى مستوياتها على الإطلاق وخسر رأس مالها (66.56) مليار جنيه مصري حوالي 9 مليارات دولار أمريكي.

في التقرير التالي نرصد خسائر البورصة في الجلسات السبعة التى تبدأ من الأحد 16 أغسطس الجاري حتى جلسة اليوم الاثنين 24 أغسطس، ونقارن بين هذه الخسائر بأرباح قناة السويس وفقا لما نشرته هيئة القناة خلال السنوات الخمسة الماضية، وهو ما يكشف أن خسائر البورصة تساوي إيرادات قناة السويس خلال سنة ونصف وفقا للأرقام التى أعلنتها هيئة قناة السويس.



الأحد 16 أغسطس 2015

سجلت مؤشرات البورصة تراجعا، ما أدى إلى خسارة رأس المال السوقي للبورصة بنحو 10.66 مليار جنيه، خلال أولى جلسات الأسبوع الحالي، وكان سبب تراجع الأسهم التحفظ على أموال عدد من المستثمرين الذين تصنفهم حكومة محلب بالمعارضين و الموالين للإخوان المسلمين.



الاثنين 17 أغسطس 2015

تراجعت مؤشرات البورصة الرئيسية "إيجي إكس 30" بنسبة 0.82%، وهبط لمستوى 7563.22 نقطة. وخسر رأس المال السوقي 5.7 مليار جنيه.



الثلاثاء 18 أغسطس 2015

هبوط في مؤشرات البورصة المصرية، وتراجع رأس المال السوقي إلى 12.41 مليار جنيه، كما أنخفض المؤشر الرئيسي للبورصة "إيجي إكس 30" إلى %0.42، وأُغلِق عند مستوى 7398 نقطة، مقابل 7594 نقطة في بداية انعقاد جلسة منتصف الأسبوع.



الأربعاء 19 أغسطس 2015

انخفاض في مؤشرات البورصة المصرية، بتراجع رأس المال السوقي بنحو 8.51 مليار جنيه، كما هوى المؤشر الرئيسي للبورصة "إيجي إكس" بنسبة 2.13%، مغلقا عند 77 .7240 نقطة.



الخميس 20 أغسطس 2015

تراجع مؤشر البورصة الرئيسي "إيجى إكس 30" بنسبة 0.74%، لينتهي إلى 7187 نقطة في بداية تعاملات البورصة صباحاً، في أخر جلسة في الأسبوع الحالي، وخسر رأس المال السوقي 2.6 مليار جنيه، ولكن في ختام تعاملاتها، أغلق المؤشر الرئيسي بعد انخفاض بنحو 1%، لتصبح خسارتها 6 مليار جنيه.



الأحد 23 أغسطس 2015

تهاوت مؤشرات البورصة المصرية بشكل جماعى فى ختام تعاملات أمس، لمعدلات هبوط لم تشهدها البورصة المصرية منذ 25 فبراير 2012 الماضى، وخسر رأس المال السوقى نحو 15.46 مليار جنيه (1.98 مليار دولار)، بضغط من مبيعات الأفراد والمؤسسات المحلية والعربية.



الاثنين 24 أغسطس 2015

في انعكاس سريع لحالة البيع المكثف من جانب المستثمرين المصريين نتيجة لبعض التذبذبات في الأسواق العالمية، منيت البورصة المصرية بخسائر قدرها 7.8 مليار جنيه ليصل إجمالي رأسمال السوقي للأسهم المقيد بالبورصة لنحو 420.8 مليار جنيه.

وانخفض المؤشر الرئيسى EGX30 بنسبة 1.92% ليغلق على 6654 نقطة، وانخفض مؤشر egx20 بمقدار 3.71% ليغلق على 6432 نقطة، كما انخفض مؤشر Egx50 بنسبة 4.45% ليغلق على 1150نقطة.



إيرادات القناة

وفقا لبيانات هيئة قناة السويس فإن القناة حققت أرباحا خلال العام المالي 2014/2015 تقدر بحوالي (5.372) مليار دولار ما يعادل حوالي (41.525) مليار جنيه مصري وفقا لسعر الدولار حاليا. فيما حققت القناة (5.310) مليار دولار في العام المالي 2013/2014 ما يعادل (39.500) مليار جنيه. فيما حققت إيرادات قدرها (5.200) مليار دولار في العام المالي 2012/2013. و حققت (5.100) مليار دولار في العام المالي 2011/2012. فيما حققت (5.053) مليار دولار في العالم المالي 2010/2011.





أسباب ترنح البورصة

من جانبه يفسر محمد بهاء الدين، المحلل المالي، السبب الأساسي لخسارة البورصة المصرية هو الأزمة العالمية التي تمر بها الأسواق المالية العالمية، والتي بدأت من الصين وانعكست على أمريكا.

وأشار -في تصريحات صحفية- اليوم، إلى أن سبب انعكاس هذا على البورصة المصرية، أن أولاً سوق المال المصري يعانى في الأساس من حالة ضعف، ومشروع القناة لم يؤثر في تعافي البورصة، بالإضافة لارتباط سوق المال المصري بالأسواق العالمية، مشيرا إلى أن ارتفاع الأسواق العالمية يصحبه ارتفاعا في سوق المال المصري.

وأضاف قائلاً: "دول الخليج تعتبر أكبر داعم لمصر، والخليج مصادره المالية الأساسية تعتمد على البترول، الذي انخفض سعره هذا الأسبوع من 50 دولارا ليصبح حاليا 46 دولارا، وهذا يعني أن موارد الدول الداعمة سوف تنخفض وهذا ما حدث بالفعل في السعودية والخليج، وسيؤدي ذلك إلى انخفاض الدعم المالي من هذه الدول إلى حد ما.