العيش على المعونة

[مزاياإنسانة]

الصحف المصرية والعربية

من وجهة نظري يا استاذ محسن أن العمل مهم
جداً جداً سواء كنت في كندا أو حتى في الصحراء
كيف يعيش رجل بلاعمل !!؟؟
المرأة ممكن نقول عندها مسؤليات البيت والولاد
والزوج وأمور كتيرة ومع ذلك لو إحتاجت أو عندها وقت فراغ زيادة العمل أفضل لها من الجلوس هكذا

دي وجهة نظري
لأنه برضك عندنا ناس بتحب تعيش على المعونة من الدولة ومن الجمعيات الخيرية ومن الناس
واللي يقبل أنو يعيش على المعونة من غير عمل
فهذا إنسان غير طبيعي وسيبقى فقير حتى يموت
وربنا حثنا على العمل في مواضع كثيرة من القرآن الكريم
وكذلك رسولنا الكريم حيث قال: فيما معنى الحديث
لأن يأخذ أحكم حبلا فيحتطب خيرٌ له من أن يسأل الناس أعطوه أو منعوه )
وفي الآخر أتمنى من الله أن يوفقنا وإياكم إلى كل خير
يحبه ويرضاه من قول وعمل
وييسر لنا ولكم جميعا أمورنا ويحفظنا وإياكم
من كل شر

 

 

[farah]

شكرا استاذ محسن على طرح هذا الموضوع المهم اولا لا اعتقد ان هناك اب هيرفض يشتغل ويعيش على اعانة اولادة لان ببساطة اللي مهاجر كندا دفع دم قلبه وكل اللي اشتغل بيه سواء في مصر او بلد عربي علشان يروح هناك ويستمر في الشغل من اجل مستقبل افضل مش مستقبل مظلم وخاصة ان معظم المهاجرين ناس معاهم شهادات محترمة وقبل ما يهاجرو كانوا في وظائف محترمة ثانيا انتخة ايه هي الاعانة دي هتقضي اسرة كام يوم دا لازم كل اسرة تكون عاملة حسابها على مخزون مادي كويس بجانب الاعانة الى الحصول على عمل مناسب من حيث الشهادة والتخصص

 

 

[mohsen]

الأفاضل و الفاضلات
canada wait me
gerger
deep
Bachar
Ahmedshaker
ysma
عبدالرحمن الطويل
Kaza
مزايا إنسانة
Farah
شكرا لمروركم

الأستاذ gerger:
ال Old age security هو اللى حيتغير لسن 67 بدل 65 و ده إعانة و ممكن تتلغى كلها لو الحكومة قررت تلغيها.

المعاش اللى هو Canada pension plan و ده مش إعانة – دى أموال كل اللى بيشتغلوا بيساهموا فيها و دى ما فيش حكومة تقدر تمسها. و فى الواقع ممكن الشخص يتحال للمعاش قبل سن 65 و يبدأ فى الحصول عليه فى سن ال60 و ممكن كمان يشتغل و يساهم فيه لغاية سن ال 70 و طبعا معاشه بيزيد مع كل سنة هو بيشتغلها.

 

 

[shawi]

باشمهندس محسن الف تحيه

لقد انتظرت ان تنضج الردود حتى اشارك

يا جماعه الباشمهندس محسن مهندس قديم غني عن التعريف ودخل التقاعد فبينقل لينا خبره جديده وهي العيشه على معاش التقاعد وليس الاعانات
وبالتالي يفترض ان هذا المعاش الذي يأتي من مساهمات تخصم من مرتبك اثناء عملك فيعطى لك حينما تتقاعد

اما الانتخه على اعانات الدوله
فاسمحوا لي ان اخالفكم الراي

هناك اناس هاجروا قبل زمن اللوائح والقوائم والأيلتس
هؤلاء ومنهم مهجرين بسبب الحروب العرقيه او القوميه او لجوء سياسي
لدى الواحد منهم سته اولاد على الاقل اتى بهم وقت الهجره #### ربما اكثر الان طالما فيه فلوس ودوله ترعاهم وهو ما وراهوش حاجه شاغلاه

وهو مدرس اصلا على سبيل المثال تاريخ وليس اقلالا من شأن المدرسين لكن مثال للتقريب
ليس له في الايلتس ولا اللغه

ولا يستطع ان يدخل في سلك التعليم مباشره ليمارس مهنه كان فيها مدرس اول قبل هجرته لانه بحاجه للغه ثم التدريب ثم الترخيص

تفتكروا اعانه 2400 دولار في بلد زي هاملتون على سبيل المثال او شبهها ارخص عن غيرها تكفيه والا لا على ما ياخد الجنسيه وبعديها يرجع البلد اللي جه منها بسبب باسبوره او يسافر بلد خليجي مفيش معوقات فيزا امامه
اربع سنين انتخه فعلا

لقد رايت افواج المتانتخين من القرن الافريقي والصومال لدرجه ان هناك مشاكل بدأت تحدث وتلقي بظلالها بشكل سيئ على هؤلاء ويعمل الان ناشطون منهم على محاوله تعليمهم ودمجهم في المجتمع الجديد ولكن بسبب لغتهم المحليه فالمعوفات كبيره

من زاروا ___العاصمه اتوا ___حكوا عن مقاهيها والشيشه والناس اللي قاعده على طول مأنتخه

انتم مش ملاحظين ان الناس اللي بتناقش وبتكتب كلهم تورنتو و مسيساجا و كيبيك وزوهيري من فانكوفر وعمنا في البيرتا كالجري

هي كندا تاني بلد مساحه في العالم بعد الاتحاد السوفيتي نقول سابقا او ماتبقى ما فيهاش غير دول

طب مالباشمهندس محسن والعبد الفقير الى الله في مانيتوبا هو ما فيش غيرنا طبعا لا.....لكن فيه ناس كثير ما بتكتبش

خدوا احصائيه زوار قسم الهجره تلاقوهم 280 طب المشاركات 10؟؟؟!!!في اليوم على سبيل المثال

اهالي المقاطعات الاخرى لا تراهم ولا يشاركون الا ما ندر؟!فلتكتبوا حتى نتعرف عليكم

عوده للكريم الباشمهندس محسن.....أكمل ...جزاك الله خيرا

 

 

[اولادي]

موضوع مفيد، خلاني يخطر ببالي سؤال عن عمل الزوجة، طبعا اتمنى اني اشتغل باسرع وقت لكن من الان شرطي هو بارت تايم وورك (يعني شحاد وبيتشرط...هاهاها) . ان شاء الله اتوفق بشغل نص دوام يعني تقريبا ارجع مع وقت المدراس. لكن هل هذا النوع من العمل يكون مدرج تحت المعاش لبعدين يعني هل الدوام البارت تايم واذا كان مؤقتا ومتقطع بين كل شغل واخر لحين ايجاد عمل مستقر يكون كله محسوب وقت سن التقاعد؟؟ وكمان هل عند عمل الزوج والزوجة تبقى معونة الاطفال سارية ام توقف عند عمل الام؟؟ تحياتي لكم جميعا.

 

 

[skhedr]

موضوع جميل جداً يا باشمهندس محسن وذكر ان الذكرى تنفع المؤمنين

 

 

[mohsen]

اقتباس المشاركة الأصلية كتبت بواسطة اولادي موضوع مفيد، خلاني يخطر ببالي سؤال عن عمل الزوجة، طبعا اتمنى اني اشتغل باسرع وقت لكن من الان شرطي هو بارت تايم وورك (يعني شحاد وبيتشرط...هاهاها) . ان شاء الله اتوفق بشغل نص دوام يعني تقريبا ارجع مع وقت المدراس. لكن هل هذا النوع من العمل يكون مدرج تحت المعاش لبعدين يعني هل الدوام البارت تايم واذا كان مؤقتا ومتقطع بين كل شغل واخر لحين ايجاد عمل مستقر يكون كله محسوب وقت سن التقاعد؟؟ وكمان هل عند عمل الزوج والزوجة تبقى معونة الاطفال سارية ام توقف عند عمل الام؟؟ تحياتي لكم جميعا.

آسف يا أستاذتنا للتأخير فى الإجابة.
فى الحقيقة الإجابة مش مباشرة (زى أى حاجة حكومية) الموضوع معقد شوية.
عموما أى حد بيشتغل لازم يساهم فى Canada pension plan (أيا كان دخله) و كل سنة بتشتغليها بتتحسب من ضمن سنوات المعاش بس نسبة المشاركة كل سنة (أعتقد إنها حوالى 5% و لها حد أقصى بيتغير كل سنة) بتدخل فى الحسبة.
فلو حضرتك حتشتغلى part time لغاية سن المعاش يبقى السنوات اللى إشتغلتيها حتعمل فرق. و لو إشتغلتى بعد كده full time و دخلك سمح لك إنك تساهمى بالحد الأقصى فالسنين اللى كان دخلك فيها صغير مش حتتحسب لأنها ممكن تقلل من المعاش (لأنها حتقلل متوسط المساهمة).
بس كمان لو حضرتك إشتغلتى part time و كان دخلك سمح لك إنك تساهمى مساهمة قريبة من الحد الأقصى فده حيكون فى مصلحتك.
يمكن الموقع ده يكون فيه معلومات مفيدة:

https://www.servicecanada.gc.ca/eng/s...apension.shtml

 

 

[mohsen]

اقتباس المشاركة الأصلية كتبت بواسطة shawi باشمهندس محسن الف تحيه لقد انتظرت ان تنضج الردود حتى اشارك يا جماعه الباشمهندس محسن مهندس قديم غني عن التعريف ودخل التقاعد فبينقل لينا خبره جديده وهي العيشه على معاش التقاعد وليس الاعانات وبالتالي يفترض ان هذا المعاش الذي يأتي من مساهمات تخصم من مرتبك اثناء عملك فيعطى لك حينما تتقاعد اما الانتخه على اعانات الدوله فاسمحوا لي ان اخالفكم الراي هناك اناس هاجروا قبل زمن اللوائح والقوائم والأيلتس هؤلاء ومنهم مهجرين بسبب الحروب العرقيه او القوميه او لجوء سياسي لدى الواحد منهم سته اولاد على الاقل اتى بهم وقت الهجره #### ربما اكثر الان طالما فيه فلوس ودوله ترعاهم وهو ما وراهوش حاجه شاغلاه وهو مدرس اصلا على سبيل المثال تاريخ وليس اقلالا من شأن المدرسين لكن مثال للتقريب ليس له في الايلتس ولا اللغه ولا يستطع ان يدخل في سلك التعليم مباشره ليمارس مهنه كان فيها مدرس اول قبل هجرته لانه بحاجه للغه ثم التدريب ثم الترخيص تفتكروا اعانه 2400 دولار في بلد زي هاملتون على سبيل المثال او شبهها ارخص عن غيرها تكفيه والا لا على ما ياخد الجنسيه وبعديها يرجع البلد اللي جه منها بسبب باسبوره او يسافر بلد خليجي مفيش معوقات فيزا امامه اربع سنين انتخه فعلا لقد رايت افواج المتانتخين من القرن الافريقي والصومال لدرجه ان هناك مشاكل بدأت تحدث وتلقي بظلالها بشكل سيئ على هؤلاء ويعمل الان ناشطون منهم على محاوله تعليمهم ودمجهم في المجتمع الجديد ولكن بسبب لغتهم المحليه فالمعوفات كبيره من زاروا ___العاصمه اتوا ___حكوا عن مقاهيها والشيشه والناس اللي قاعده على طول مأنتخه انتم مش ملاحظين ان الناس اللي بتناقش وبتكتب كلهم تورنتو و مسيساجا و كيبيك وزوهيري من فانكوفر وعمنا في البيرتا كالجري هي كندا تاني بلد مساحه في العالم بعد الاتحاد السوفيتي نقول سابقا او ماتبقى ما فيهاش غير دول طب مالباشمهندس محسن والعبد الفقير الى الله في مانيتوبا هو ما فيش غيرنا طبعا لا.....لكن فيه ناس كثير ما بتكتبش خدوا احصائيه زوار قسم الهجره تلاقوهم 280 طب المشاركات 10؟؟؟!!!في اليوم على سبيل المثال اهالي المقاطعات الاخرى لا تراهم ولا يشاركون الا ما ندر؟!فلتكتبوا حتى نتعرف عليكم عوده للكريم الباشمهندس محسن.....أكمل ...جزاك الله خيرا

فى الحقيقة أنا عايز أقول حاجة عن موضوع "الأنتخة" ده (و لو إنها كلمة جديدة بالنسبة لى بس أعتقد إنى فهمت معناها)

كنت باخد كورس فى الجامعة فى سبتمبر اللى فات و كان فيه واحدة بتقعد جنبى فى المعمل (شكلها مش صغير زى بقية الطلبة) بس الظاهر قالت أهه واحد شكله أكبر منى يمكن أرتاح فى الشغل معاه أكتر من الطلبة الصغيرين اللى لسة متخرجين من المدارس.

المهم سألتنى أنا بادرس ليه قلت لها مجرد تسالى. و سألتها نفس السؤال قالت لى إنها بتعمل الكورسات المطلوبة عشان تدخل كلية ال Nursing. و بعدين قالت لى إنها كانت مش بتشتغل ال 15 سنة اللى فاتوا لأنها كانت stay home mom (أم قاعدة فى البيت) و حاولت ترجع تشتغل تانى السنة اللى فاتت و ما جالهاش و لا حتى مكالمة واحدة عشان interview.

فاللى عايز أقوله هو إن قعدة البيت بتضر. و إن دى واحدة كندية (يعنى عشان ماحدش يتهم الكنديين بالعنصرية) و مش لاقية شغل لأنها قعدت فى البيت 15 سنة و فى نفس الوقت (يبدو إنها فى الأربعينات - عشان ما حدش يقول أنا كبرت على التعليم) قررت إنها ترجع تدرس من الأول عشان ابناءها كبروا و حيسيبوا البيت فى خلال السنوات القليلة القادمة و هى مش عايزة تقعد ما تعملش حاجة بقية حياتها (عشان ما حدش يقول هو أنا لسة حابتدى من الأول؟).

تفاءلوا تجدوا ما يسركم

 

 

[OmarDent]

أولا تحياتي لحضرتك يا باشمهندس
بصراحة انا بقالي زمن مش بشارك بس لما قرأت موضوع حضرتك بصراحة عجبني جداً و خصوصا إني من الواقع اللي أنا شايفه في البلد مقتنع تماماً بكل كلمة حضرتك بتقولها.
ببساطة اللي يأنتخ هو اللي خسران لانه بإمكانه بشوية تعب انه يرفع مستوي معيشته هو و أسرته و فعلا يعيش زي الناس اللي في البلد عايشة انما النوم مش هيجيب حاجة. و بصراحة حتي لو الواحد معاه شوال فلوس بيصرف مش هيكون مرتاح نفسيا لانه الشوال في سبيله للزوال و ساعتها هتكون خسارته كبيرة و بالشكل دة غالبا هيكون فشل في التأقلم مع المجتمع يعني هيضطر يرجع و لما يرجع من غير الشوال هيلعن كندا و اللي بنوها. و التأقلم مع المجتمع هنا لا اقصد انه يعرف يمشي في الشوارع و يقول الناس Have a nice day ، لا أنا أقصد انه يكون عنده طريقة يعيش بيها لو حب يكمل في البلد و دخل و خطة مستقبلية حتي لو بإمكانيات متوسطة مش لازم يكون شغال CEO or COO عشان يعيش. و بعدين لو حصل و دة وارد جداً انهم يلغوا بعض المعونات او يقللوها هيعمل ايه ؟
علي فكرة انا لا ألوم من يستخدم معونة الاطفال كعامل مساعد لكن بتكلم ان الواحد ما ينفعش " من وجهة نظري" ان خطته كلها تكون قائمة علي المساعدات و المعونات و ما الا ذلك.
عموما دة رأي مبني علي تجربة قصيرة يا دوب تقترب من 3 شهور يعني مش عاوز أطول أوي في الكلام لربما أغير رأيي
ليا بس تعليق علي احد الأخوة بيقول مش عاوزين تفسد كندا زي ما مصر فسدت عاوز اطمنه ان لو هو بيعتبر دة فساد فكندا غرقانة في الفساد. البلد مليانة عواطلية و ناس غير مؤهلين لأي حاجة في الدنيا غير انهم يربطوهم في سواقي يولدوا منها كهرباء دة ان عرفوا كمان. و دول في رأيي من أسوء ما رأيت في كندا حتي الان.
أسف للإطالة
تصبحوا علي خير

 

 

[samurad]

والله ياجماعة عجبنى التوبيك دة قوى ... بس عايز اقول على حاجة ... فى بعض الناس بيكون هدفهم 3 سنين باى شكل يخدوا الجنسية ويخلعوا ... هم بيكون معاهم قرشين محوشنهم من برة كندا ... وبيروحوا كندا يخدوا معونة الاطفال + ويل فير على اساس انه يقلل الفلوس الى حيدفها من جيبه الخاص لحد مربنا يعدى 3 سنين دول باى شكل وخلاص ... انا مبقولش دة صح وله غلط .. بس انا بقول ان دى من احدى الخطط الى ناس كتير بتتبعها ... بس بيخسر برضه كتير .. كفاية ان ال 3 سنين دول بيكتب قى CV انه عاطل !!!!

انما الى عايز يعيش على طول بكندا .. مينفعش معاة النظام دة خالللللص لان فلوسه حتخلص مهما كان محوش