الجواز .. لو رجع بيك الزمن هتعمل أيه؟؟

[biopasha]

الصحف المصرية والعربية

بخصوص موضوع الجواز ..
للمتزوجين..
لو رجع بيك الزمن هتعمل ايه؟؟
تتجوز علي سن كام؟؟
تستني تقابل فتاة احلامك ولا تتجوز جواز صالونات؟؟
ياريت يكون كلام من القلب وبصراحه بدون رتوش ..
لو حد خايف من مراته تشوف تعليقاته .. يبعتلي تعليقه في رسالة وانا هانزله في الموضوع بدون ذكر اسمه ..

 

[عالي مستواها]

عايز تخرب بيوتهم

 

 

[ysma]

الحمد لله مش متجوز.. ... حالياً ..

 

 

[biopasha]

ماهو عشان كده قولت اللي مش عاوز حد يشوفه يبعت لي ع الخاص

 

 

[biopasha]

اوك .. طيب شايف ان سن الجواز كام !؟؟ وايه رايك ؟؟

 

 

[NazeeH]

لما تكون عايز حد يفضفضلك ..يبقى لازم الأول تحكي عن نفسك ..
فضفض اللي في نفسك الأول .. قول عن انطباعاتك الشخصية وتجربتك .. يعني خد وهات ..

متزوج ولك تجربة احكي عنها .. لسة على وش جواز أو بتفكر وعايزنا نفكر معاك بصوت عالي .. قول .. أفصح .. أبن ..

هيك بيكون الحكي وبيمشي الحال يا زلمة ..

 

 

[NazeeH]

اقتباس المشاركة الأصلية كتبت بواسطة biopasha اوك .. طيب شايف ان سن الجواز كام !؟؟ وايه رايك ؟؟

شوف في النقطة دي بالذات مفيش سن محددة للجنسين .. بس من وجهة نظر شخصية ومن خلال تجربتي في الحياة أقدر أقول وبكل أريحية
"the sooner the better" أو خير البر عاجله طبعا ده بيعتمد على وجهة نظر كل واحد للزواج ..
الهدف من الزواج .. العفة و الذرية ..
بالنسبة للهدف الأول هو مقصد اي انسان طبيعي أو هدف غريزي وضعه الخالق سبحانه في مخلوقاته ويتبعه بطبيعة الحال الهدف الثاني ...
((أي اتنين صغار في السن بيستمتعوا بالحياة ويعرفوا يلعبوا مع بعض ويمرحوا أفضل بكتير ممن هم في منتصف أو خريف العمر..))
''the younger the merrier" أنا حرفتها من
"the more the merrier"

الهدف التاني والأهم من وجهة نظري هو الدافع الأسمى للتعجيل .. بمعنى
لما تخلف بدري أطفالك بيستفيدوا منك أكتر من جميع النواحي بداية من طفولتهم .. يعني لما يكون الوالدين صغار في السن بيكون لهم مجهود وطاقة أكبر بيستفيد منها الطفل الذي ليس له هم سوى اللعب والأكل ..
وإذا وضعنا جانبا الناحية المادية والتي يجب ان لايكون منها شاغل بطبيعة الحال لكل من يريد الاستقرار وتكوين أسرة ..
أقول الأطفال في حاجة دائمة للعب والمرح في مراحلهم الأولى والفسح والرحلات بعد ذلك وليس هناك أفضل من الوالدين لمشاركتهم في كل ذلك، وكل ذلك يحتاج لمجهود والذي يكون متوافر أكثر في والدين شابين عنه في من هم في منتصف العمر...
هذا في البداية .. في مرحلة لاحقة من العمر سيشعر من تزوح في سن مبكرة بسعادة أكبر عندما يجد أولاده قد وصلوا لسن الشباب وهو مازال شابا مثلهم ...
السعادة هنا ستكون متبادلة للإبن والأب ... عن تجربة ..
يعني لما يكون الأب في سن الأربعين والإبن في سن العشرين أفضل من أن يكون الأب في السبعين والإبن في العشرين ..
---------------
كفاية كده كبداية .. لو فضلت اكتب لتاني يوم مش هنخلص

 

 

[biopasha]

بس الجواز بدري ساعات بيكون له اضرار اكبر .. زي عدم الحكمه في تربية الاولاد .. ممكن طلاق وتفكيك الاسره .. وو

بالنسبه لي انا لسه مش متجوز وعشان كده احب اسمع خبرة المتجوزين ..

 

 

[NazeeH]

اقتباس المشاركة الأصلية كتبت بواسطة biopasha بس الجواز بدري ساعات بيكون له اضرار اكبر .. زي عدم الحكمه في تربية الاولاد .. ممكن طلاق وتفكيك الاسره .. وو بالنسبه لي انا لسه مش متجوز وعشان كده احب اسمع خبرة المتجوزين ..

انت قولتها بنفسك " ساعات بيكون له اضرار اكبر "
ساعات ..يعني مش دايماً .. نفس الكلام ممكن يقال على الزواج في سن متأخر ..
الزواج في حد ذاته تجربة شخصية .. لا تتكرر .. مفيش منه استنساخ .. انت ونصيبك ..
إذا كنت ناوي .. وزي ما أنا ذكرت فوق .. اعملها بدري بدري .. التأخير كله أضرار ومفيش منه فايدة .. أكبر عدو للزواج هو التردد ..
معظم المتزوجين "من أعرفهم على الأقل" وأولهم أنا .. كنت أتمنى لو أني اتخذت الخطوة في سن مبكرة ..

في السن الصغيرة كل شاب بيحب الانطلاق وعدم التقيد .. وده شعور طبيعي ..
أنا عن نفسي كنت صارف نظر نهائياً في البداية ..على الرغم من وجود زملاء لي تزوجوا من أيام ثانوي ... وفي الجامعة أيضا كان البعض من زملائي متزوجون ..
بل ان صديقي الحميم "لايفصلنا في السن سوى اسبوع واحد، هو ولد يوم ثلاثاء وأنا ولدت في الثلاثاء التالي، أي نكاد نكون توأمان" أقول أن صديقي هذا قد خطب مرتين وتم فسخ الخطبة في المرتين، وأنا لم أفكر مجرد تفكير في الارتباط ..
السبب اني كنت ناوي "أكت" .. أيوة موضوع الهجرة كان في تفكيري منذ سن مبكرة وكنت ناوي أرتبط في بلد المهجر .. "خواجاية يعني" .. والحمد لله إن الموضوع لم يتم كما خططت له .. أقصد الهجرة والزواج في الخارج ..
بالنسبة لتربية الأولاد .. لا تعتقد أنك ستربي أولادك بالمسطرة أو على مزاجك .. هذا لن يحدث أبدا ..و خصوصا في بلاد المهجر .. أصبح هذا الأمر غير يسير في بلدك الأصلي .. فما بالك بالخارج ..
على كل حال الأمر ليس مستحيلا .. أنت تبذل ما في وسعك وهم صغار .. وتأمل أن يستمعوا لك وهم كبار ..
لذلك عندما تتزوج صغيرا ويكبر الأولاد معك .. قد تكون هناك فرصة لصداقة من نوع خاص ...
و دعنا نأمل للأفضل ..
keep your fingers crossed

 

 

[حشيش]

أشكر السيد رئيس الجمهورية والسيد المحافظ والسيد وكيل أول الوزارة

الجدع ده باين عليه داسوس ... عايزنا نفضفض عشان يودينا فى داهية!