إستفتي قلبك وإستغل صوتك لتجعلني أراك بوضوح .

[هاني عليّ الدين]

الصحف المصرية والعربية

لا توجد حُجة لأحد بأن يمتنع عن إبداء رأيه
فاللإستفتاء له ثلاثة جوانب لا رابع له وأعتقد أن من صور الديمقراطية أن ألتزم بآداء صوتي حتى لا نتعامل بسلبية واقعنا المر وإهدار حقي وصوتي كمواطن حُر رأيه له وزنه

 

 

[Farida]

انا كنت قررت ابعد عن المواضيع الشائكه و اريح دماغى لكن اعمل ايه فى نفسى يالا بسم الله

اقتباس المشاركة الأصلية كتبت بواسطة هاني عليّ الدين طب الحمد لله على كل حال وأتمنى أن يؤخذ بعين الإعتبار تقدير نتائج الإستفتاء والقيام الديمقراطي المتحضر في تلبية رغبة الأغلبية التي ستعلن عنها النتيجة بعد قضاء الأسبوع وإنتهاء الإستفتاء والله ولي التوفيق ممنون للإدارة للإعادة السريعه

يا عزيزى أمير مافيش حاجه اسمها رأى الأغلبية يمشى هنا حتى اسأل ملك الهاكات و الفراوله ده هارينا هاكات و حركات و لو قلنا بم او مش عايزين ولا الهوا يعنى ...هنا مافيش قانون الا قانون الأسطى حشيش ..............لأ بجد مامعنى تلبية رغبة أغلبية الأعضاء و اى اعضاء بتتحدث عنهم يا عزيزى هانى و حاأعطى مثال و اعذرنى حضرتك من الأعضاء و اللى كتبوا موافقه لكن معدل مشاركات حضرتك ايه فى المطاريد ....تعرف المشكله ان البعض فاكر ان المطاريد بيدور فى فلك منتديات صديقه و هذا غير صحيح للأسف فيه هنا اعضاء جدد جاءوا بعد المشاكل اللى مر بها المنتدى فى الأول فى السنه الأولى اللى ابتدت بدخول عدد لا نهائى من الشخصيات بيدخلوا يسفهوا من المكان هنا و يشتموا الأعضاء و يلاحقوهم فى كل المواضيع سخريه و تبجح و قله ادب و يهروهم رسائل على الخاص تحثهم على العودة من حيث اتوا و على ضرورة غلق المطاريد لما جابوا لنا صداع لكن اصرارنا على السمو بالمكان و الأرتقاء به كان دافع ورانا بجد اقسم بالله احنا مرت علينا ايام هنا و مواضيع و شخصيات و مشاركات و ملاحقات لا اول ولا اخر فيه ناس هنا ما تعرفش حاجه عن المواضيع دى ولا يهمها من قريب او بعيد مثل هذه المواضيع ....لو عايز رأى الأغلبيه اللى بجد يبقى لازم يكونوا اغلبيه فاعله و لها مواضيع و مشاركات مؤثره مش كل حين و حين لما يشرفونا بالزياره و بيعتبروا المكان هنا محطة فقط للتلاقى لما يتوهوا من بعض
قلت لحضرتك قبل كده ايه الفايده من تلبية رغبه منتدى صديق امنتدى صديق اخر لو الفايده كلنا نرجع مكان واحد يبقى الحق بقه نقفل اى مكان تفرع من المحاورات و نرجع كلنا المحاورات و نرتاح كلنا

اقتباس المشاركة الأصلية كتبت بواسطة هاني عليّ الدين لا توجد حُجة لأحد بأن يمتنع عن إبداء رأيه فاللإستفتاء له ثلاثة جوانب لا رابع له وأعتقد أن من صور الديمقراطية أن ألتزم بآداء صوتي حتى لا نتعامل بسلبية واقعنا المر وإهدار حقي وصوتي كمواطن حُر رأيه له وزنه

لأ انا عندى حجه ................كلمة الأستفتاء عن تجريح او سب منتدى صديق كلمة مطاطه كيف يمكننا تقدير ان موضوع ما او مشاركه ما فيها سب و تجريح لمنتدى صديق مين اللى يحدد ده انا هنا و لا هم هناك ولا الناس المشتركه بين المنتديين و بعدين ازاى المنتدى ككيان بيتعرف انه اسئ له او انه راضى و مبسوط بناءا على اراء مين هل باعضاؤه كافة ولا بالقائمين عليه ولا بهيئه اداريه معينه فيه ولا يكفى عضو واحد انه يقول انه مستاء يبقى كده المنتدى كله يبقى مستاء انا باضرب مثل ...مين اللى يحدد اذا كان موضوع ما او مشاركه ما فيها تجريح و اساءه انت يا عزيزى اعلم منى بان هذه كلمة مطاطه و وواسعه جدا الا اذا تم اللجوء لهيئه دوليه مثلا تخصص منتديات او هيئه حكوميه تفصل بيننا .........يعنى فيه حاجات كانت بتضايقنى جدا الكثيرون لا يروها كذلك و حاجات تضايق غيرى انا لا اراها كذلك بمعنى و بعد الأستفتاء ده ايه النتيجه هل تضمن ان المطاريد يحوذ الرضا السامى و تتوقف المهاترات هنا و هناك و تصفو النفوس و تبطل الشخصيات الصغيره اللى بتثير القلق و بتتكلم بلسان غيرها و تنتهى للأبد المدونات مثلا و لا فى النهايه ينضم المنتديان مرة اخرى ولا تبقى ادارة فيدراليه مثلا ؟؟؟؟؟؟؟؟؟؟؟
ولكن و بامانه تعالى نتكلم بصراحه انا - مش فريده لأ اى حد تانى و ليكن مثلا احدث عضو هنا بندقه مثلا - اخترت مكان اكتب فيه بيوفر لى القائمون عليه احترام و تقدير و بيئه صالحه للكتابه و مناقشات على مستوى عالى من الثقافه و المعرفه بغلاف من الود و الأحترام وفى نفس الوقت البساطه و التواضع و الحميميه و زملاء اعزاء متوافقين معى التقى بهم و افضفض معاهم ايه اللى يخلينى استجيب لتقييم غيرى حتى لو كان منتدى صديق و به زملاء اعتز بهم و خاصه ان من يريد تقييمى و يبدى ضيقه أغلبه لا يكتب هنا و لم يفكر فى الأشتراك هنا و لن يفكر يبقى ايه المطلوب بالتحديد

و بعدين انت بتتكلم عن الواقع المر واقع مين المر يا عزيزى و مين اللى بيمرر الواقع لو بتكلمنى مثلا عن غلاء الأسعار و اللحمه اللى ب 100 جنبه او عن تفشى الجهل و الأميه او عن تعامل الأمن مع المتظاهرين او او اقولك فعلا ده واقع مرير لازم يكون لنا فيه رأى وقيمه ووزن لكن للأسف بتتكلم عن واقع البعض يراه مرا و الأكثريه لا يروه هكذا ولا يهمه فى شئ رأى الأخرين فيهم مش باتكلم عن نفسى لأنى مازلت عضوة اعتز بعضويتى فى اكثر من منتدى لكن الكثيرين ليسوا كذلك ولا يهمه فى قليل او كثير رأى الغير فيهم ..........
الواقع هو ما انطبق على الجميع و للأسف هذا الواقع المرير لا يشعر به المطاريد ولا يهمهم من قريب او بعيد اللى عنده واقع مرير يحل مشكلته هو بنفسه فى المكان الذى يراه مرير ببساطه بالا يفتح صفحته على النت نهائيا و يلغيه من قائمه الfavourites اما هنا لا يوجد واقع مرير يوجد جو اسرى بسيط غير متكلف الجميع يحترمون بعضهم بعضا و لا مكان فيه الا لمن يريد ان ينضم للأسره الكبيره غير ذلك يبقى المكان ليس مكانه و يبقى جه عنوان غلط ووقتها كلنا - و سبحان الله و يا للغرابه بنحس بيه و بنرفضه تلقائيا -
تحياتى لك يا عزيزى هانى و لكل المطاريد و الواحتيه و المحاوراتيه الشرفاء

 

 

[هاني عليّ الدين]

والله يا مدام فريده لو سياسة المطاريد هي إنتا مين وعدد مشاركاتك كام علشان نعتبر صوتك سليم ,
وكمان لأن المنتدى يدار بيد فردية فهذا يعني أن الإستفتائات ما هي إلا مضيعه في الوقت ,
فما عليّ إلا الإنسحاب في هدوء وسلام من هذه المبادرة وإعتبارها وكأنها لم تكن .
ولكن ما يبقى لي أن أقول :
هذه المبادرة ليست نداء لأي شخص ليعود من حيث أتى فالعضو حر أين ومتى يشترك ولا سلطان عليه , أنا كنت أقصد أو أتمنى أن يترفع أصحاب المنتديات من أفعال الأعضاء ولا يخلطوا الحابل بالنابل .
أشكر كل من ساهم في محاولة الرقو بالآداء الحرفي لمنتديات توصف نفسها بالديمقراطية والحرص على الرقو والإلتزام ..