هل ممكن الفلوس تفرق بين الإخوان

[شينكاوي]

الصحف المصرية والعربية

يخرب بيت أم الفلوس اللي تعمل كدا في الناس , انا زمان كنت بتمني يكون عندي اخ يكون سند لي وعزوة و لكن من فترة ومن كتر المشاكل اللي بشوفها بين الإخوان والأخوات بقيت بقول الحمد لله إني لونلي لونلي ,عاوز أسأل ممكن الفلوس بجد تفرق بين الأخ وأخوه وتخلي الإخوان يتخانقوا مع بعض جامد لدرجة إنهم ينسوا أنهم رضعوا من ثدي واحد ولهم أم واحدة وأب واحد وعاشوا في بيت واحد وممكن يكونوا لبسوا شرابات بعض , هو حصل إيه في الدنيا أنا زمان كنت بسمع إن وقت تقسيم الميراث كان ممكن الأخ يسيب لأخوه فدانين تلاته علشان ميزعلوش والنهاردة الإخوان بيتخانقوا علي حاجات سخيفة وملهاش لزمة , إن شاء الله ممكن في مداخلة جاية هحكي عن موقف أقسم بالله لا أستطيع أن انساه وعلي الرغم انه من 6 سنوات إلا أني ساعات كتير ببقي فاكره كأني شايفه وكان فيه تصرف أب لحظة تغسيل جثمان إبنه البكر وكنت حاضر للغسل وكيفية تصرف حقير من الأب

 

[شينكاوي]

انا هقول قناعتي الشخصية وهي أن رابط الإخوة والدم أسمي من كنوز الأرض مجتمعة ولكن إللي شفته خلاني بقول إن المال ممكن يخلي الإخ يقتل أخوة ويخلي الأخت تقطع رحمها مع إخوانها

 

 

[RMG]

شوف يا عزيزي
يبقى الأخ اخا إلى أن يتزوج
وبعد الزواج غالبا ما يتحول إلى شخص آخر غير الذي تربيت معه وتربى معك
والنماذج اكثر من ان تحصى

 

 

[gimy_gamaal]

ثقافة الجوع ... بس خلاص

 

 

[شينكاوي]

اقتباس المشاركة الأصلية كتبت بواسطة RMG شوف يا عزيزي يبقى الأخ اخا إلى أن يتزوج وبعد الزواج غالبا ما يتحول إلى شخص آخر غير الذي تربيت معه وتربى معك والنماذج اكثر من ان تحصى

كلامك قد يكون سليماً وحالات تدخل الزوجة في علاقة الزوج باهله معروفة للجميع ولكن اليس رابط الرجل بأخيه هو أقوي وأسمي من علاقة الرجل بزوجته ؟ طيب وفي حالة لما الإخوة يكونوا عزاب ولا زوجة ولا ولد ويصل الأمر بينهم إلي الإقتتال من اجل المال طيب ليه ؟

 

 

[شينكاوي]

اقتباس المشاركة الأصلية كتبت بواسطة gimy_gamaal ثقافة الجوع ... بس خلاص

طيب وفي حالة أن الإخوة مختلفين علي نص مليون جنيه يبقي جوع إيه إلا لو كانوا بياكلوا حوت طازج في الوجبة

 

 

[حشيش]

فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ (المائدة 30)

 

 

[gimy_gamaal]

اقتباس المشاركة الأصلية كتبت بواسطة شينكاوي طيب وفي حالة أن الإخوة مختلفين علي نص مليون جنيه يبقي جوع إيه إلا لو كانوا بياكلوا حوت طازج في الوجبة

نسبه وتناسب وزمان كانو بيقولو الفقر فى العين مش فى الجيب
والفقر انواع ... مش بس فلوس .. فقر اخلاقي ..ديني .. سياسي زي عندنا فى المحروسه
وفقر القناعه يعني طمع وفقر الحب يعني حقد وفقر الرحمه يعني قسوه وفقر الفضيله يعني كل انواع الرزيله ... وكل سنه وانت طيب

 

 

[biopasha]

تعددت النتائج ( فقر - جهل - امراض - مشاكل بين الناس بل واقرب الاقارب بسبب كل ماسبق - وهكذا ) .....
والسبب واحد .....
شعوب تخلت عن كرامتها .....
انتهي .......

 

 

[زعلان]

الفلوس بتروح و تيجي