الهجره الى سلوفاكيا - ب 6000 يورو فقط

[khaled_sabry]

السلام عليكم
لسه امبارح سمعت عن هجره رجال الاعمال لسلوفاكيا
طبعا الواحد اول لما يسمع كلمه رجال اعمال يفتكر ال 200 الف دولار بتوع كندا - يعنى من الاخر ساويرس بس اللى يقدر عليها
لكن اتصدمت لما لاقيت انك محتاج راس مال 6000 يورو فقط !!! ده اقل من الضمان المادى للفرد الواحد فى كندا
التفاصيل حتلاقوها فى بوستات من قوله من جروب فى الفيس
انا شخصيا بدور معاكم و اول مره اسمع عن الموضوع و بالتالى مش حقدر اجاوب على اى اسئله و ياريت لو حد عنده خبره سابقه او اى معلومات يقولنا
الموضوع مجرد طرح طريقه جديده غير مكلفه و مش محتاجه ايلتس و لا حتى فلوس كتير

ملحوظه خاصه للاداره : انا مش بدعو حد للانضمام لاى حاجه انا هدفى اولا و اخيرا مصلحه الاعضاء و اللى انا شخصيا واحد منهم - ولو مش عاجبكم محتوى البوستات "المنقوله" او شايفين فيه الدعوه لاى جروب او اى حته تانيه بما يتعارض مع قوانين الجروب - يبقى ساعتها تقدمو خدمه موازيه تغنينا عن الانضمام لاى حاجه تانيه بدل ماتقفلو الموضوع ده زى ماعملتو مع موضوعى السابق و على فكره اغلاق اى موضوع فيه منفعه بيضر المنتدى اولا قبل اى حد لان المنتدى اولا و اخيرا عباره عن موضوعات اساسا و الناس بتدخل هنا علشان الاستفاده فقط

و الان مع فقره البوستات المنقوله
---------------------------------------------------
إخلع علي ... سلوفاكيا

انا باحاول في موضوع السفر من اكتر من 5 سنين الحمد لله مهنتي كانت مطلوبة في كندا و استراليا لكن المشكلة ان الموضوع كان مطلوب فيه مبالغ كتير وورق كتير و للاسف القبول مش مضمون للهجرة.
و فعلا في موضوع استراليا دفعنا حوالي 4000 دولار و بعد كدة وقفت
المهم في الاخر احنا قررنا نحاول ندور على هجرة البيزنس لغاية الحمد لله لقينا فرصة في سلوفاكيا و كان مبلغ تاسيس الشركة قليل مقارنة بغيرها
بتأسس شركة و بتاخد عليها اقامة و الميزة اللي كانت عندهم انك ممكن تدخل اكتر من شريك عشان تقلل التكاليف و احنا فعلا دخلنا 4 شركاء مع بعض البلد هنا طبعا صغيرة بس بتفتحلك الحركة و الدراسة بالتحاد الاوروبي كله و بتقدر تبدأ فعلا مشروع بمبلغ صغير لان العمالة رخيصة جدا
مبلغ تأسيس الشركة 6000 يورو و دة بتدفعه لمكتب محاماة هنا ( بياخدهم المحامي مصاريف واتعاب فتح الشركة ) و بيتقسم على الشركا وبتفتح اي نشاط انت بتختاره
و بعد كدة بتحط بحساب الشركة 20000 يورو بس دول مش رايحين دول بتوعك تقدر تسحبهم بعد ما تطلع الاقامة الميزة هنا انك مش لازم تاجر مكتب بس تقدر تاخد صندوق بريد و مش مطلوب منك تعين موظفين من اهل البلد
لكن طبعا وقت ما بتعمل اقامة لازم يكون لك عنوان سكن و الاقامة بيكون لها تكلفة تانية طبعا 3000 يورو لكل واحد من الشركاء بعد كدا كل شريك يقدر يجيب عيلته بيتكلف الواحد اقامة 150 يورو تقريباً
مهم رأس المال يكون كامل وكل شريك بيطلع الاقامة بتاعته عشان اقرار البنك للاقامة لازم يوضح قيمة راس المال كاملة في الاول
السكن ممكن لاربع افراد في حدود 500 يورو لو بره العاصمة نص ساعة من العاصمة يعني
بتاخد في البداية اقامة مؤقتة بتتجدد كل سنة او سنتين بعد 5 سنين بتاخد اقامة دايمة بعد سنتين من الاقامة الدايمة من حقك تقدم على الجنسية
اول سنة بيكون لك اعفاء ضريبي بعد كدة بتدفع 3500 يورو تقريبا كحد ادنى المهم ان شركتك تحقق كل سنة 16000 مكسب و دي طبعا في اول سنة ممكن ماتلحقش تعملها بس بتتظبط محاسبيا عشان تدفع عنهم الحد الادنى للضرايب
مافيش حاجة بيكون لها شروط صعبة غير بعض المهن زي المعماريين مثلا زيي باحتاج تصريح من مؤسسة هنا
الميزة في اي مشروع انك ممكن تشتغل علي اوروبا كلها
بالنسبة للغة هنا الماني وإنجليزي وطبعاً سلوفاكي الالماني هنا منتشر اكتر من الانجليزي و حتقدر تتعامل مع النمسا و المانيا بسهولة وفي خلال ست شهور بقينا نقدر نتصرف لوحدنا
الناس متعاونة جداً وعلي عكس ما ناس خوفوني الناس لطاف
وبالنسبة للاكل الحلال موجود كتير ورخيص في فيينا وتبعد نص ساعة
المدارس الحكومية ببلاش وبيساعدوا الولاد يتعلموا سلوفاكي علشان اللغة بتبقي سلوفاكي طبعاً
والاطفال لهم اولوية هنا في كل حاجة
واي حد محتاج محامي كويس ومتجرب نقدر نساعده علي التواصل مع المحامي
حاجة اخيرة المواصلات سهلة جداً وشبكة كبيرة وكمان العربيات رخيصة يعني عربية 1200 سي سي ب 6000 يورو
تعداد السكان تقريباً 5 مليون نسمة
-------------------------------------------------------------

ستكمالا لكتاباتي عن الهجرة .. من احد طرق الهجرة الي اتكلمت عنها قبل كده و كان فيه اسئلة كثيره عنها وانا مكنتش فاضي وقتها اجاوب علي معظم الناس .. هو انك تهاجر لبعض البلاد الي بتسمح لك بالتملك فيها او انك تفتح "شركة" او business فيها .. بعض الدول دي موجود في اوروبا زي البرتغال و المجر و سلوفاكيا و اليونان و بعضها بره اوروبا زي ماليزيا و سنغافورة و دول ثانيه ... هنا هتكلم علي امثله كثير واخص منها سلوفاكيا الي ممكن تاخد فيها اقامة بتكلفة خياليه ممكن توصل في بعض الحالات لاقل من 5 الاف يورو :) قبل ماتكلم علي الدول دي و شروطها .. عاوز اوضح علي مفهوم معين و هو ان لما بتكلم علي اقامة او اقامة دايمة لشخص .. فاسرته بالكامل بتتمتع بنفس حقوقه في اوروبا .. يعني لو انت اخدت اقامة اوروبيه .. زوجته و اولادك كلهم هياخدوا نفس الاقامة بكل حقوقك .. فمش محتاج تسال عن تفاصيل الاسره التي تعولها :) بس مش معني ان لهم الحق انهم ياخدوا اقامة .. انهم هياخدوها بشكل تلقائي .. في معظم الدول دي بتحتاج تقدم لاسرتك علي الاقامة و كل الي بتحتاجه وقتها اثبات القرابه بينك وبين اسرتك.
في دوله زي البرتغال ممكن تاخد اقامة هناك و هي دولة اوروبيه وبالتالي تدخل اوروبا في اي وقت وتستفيد من مييزات الاقامة هناك وبعد عدد معين من سنوات الاقامة تاخد اقامة دايمه وبعد كده الجنسية .. بس المشكلة انك علشان تعمل كده بتحتاج تشتري عقار ثمنه لا يقل عن 500 الف يورو. النوع ده بيسموه Golden Visa في البرتغال ..
في دوله زي المجر ممكن لو اشتريت عقار في حدود 40 الف يورو او ازيد تقدر تاخد اقامة هناك .. بس المشكلة انها مش اقامة عمل .. يعني هيبقي مسموح لك تعيش هناك وبعد عدد سنوات معين "7-9 سنوات" تاخد الجنسيه مع شروط ثانيه ..
احد اكتشفاتي في رحلة البحث دي كانت سلوفاكيا :)
سلوفاكيا من دول وسط/شرق اوروبا .. ومن الدول الصاعده بقوة باقتصاد قوي جدا والسبب في كده انها دولة اوروبيه انضمت للاتحاد الاوروبي من اكثر من 10 سنوات وفيها بنية تحتية قويه جدا ولو عرفت تاخد فيها اقامة هيبقي لك حرية التنقل في دول الاتحاد الاوروبي وهتستفيد من المميزات الاجتماعيه الي بتوفرها الحكومة للمقيميين علي ارضها.
ببساطه جدا علشان تاخد اقامة في اوروبا "سلوفاكيا" ممكن بكل سهولة تاسس شركة وبعدين من خلال الشركة دي تدي اقامة لنفسك كصاحب/مدير الشركة .. علشان تاسس شركة في سلوفاكيا بتحتاج يكون معاك راس مالها الي هو 5 الاف يورو وعلشان تقدر تقدم لنفسك علي اقامة من خلال الشركة بتحتاج ترفع راس المال ده ل20 الف يورو .. المبلغ كبير صح !!؟ الجميل في الموضوع ده انك ممكن تدخل شركاء في الشركة بتاعتك وتقسموا المبالغ دي علي بعض .. والاجمل ان الفلوس دي مش مصاريف تاسيس الشركة !! وانما راس مال الشركة الي هيتحط في حساب الشركة ومش هيتصرف وتقدر تدير بيه الشركة بعد كده وتفتح بيه النشاط بتاع شركتك او حتي انك تسحب الفلوس دي لو احتجت ..
يتبقي خطوات فتح الشركة دي و اختيار الكيان التاسيسي لها و انهاء اجراءات الحكومية للتقديم علي الاقامة وفتح حساب في البنك للشركة .. علشان تعمل الموضوع ده .. ممكن تبحث ببساطه علي الاجراءات دي او انك تتابع هاش تاج #goSlovakia او انك تدخل علي جروب Investment in Slovakia ودي صفحة خاصة بالمستثمرين الي اسسوا شركات هناك وعايشيين هناك بالفعل من العالم العربي.
الهاش تاج و الجروب بادارة شركة Mindset International وهي شركة بتاخد اتعاب مقابل الرد علي استفساراتك وتاسيس شركتك من الالف للياء لحد ماتوصل للحصول علي الاقامة وفي حالة انك محتار في مزاولة انشطه و بيزنس معين .. هم بيساعدوك في ادارة انشطه شركتك مقابل شراكه بينك وبينهم او حتي بيديروا لك الشركة بالكامل بالشراكه مع مستثمرين اخريين ..
مش محتاج اتكلم علي الحكومة الالكترونية والتعامل مع الجهات الحكومية هنا عامل ازاي ولا سرعات الانترنت و البنية التحتية شكلها عامل ازاي :) ولا علي نضافة البلد و الناس وتعاملهم .. الناس الي عاوزه تهاجر فاهمة انا بتكلم علي ايه !! لو بتفكر في الهجرة والعمل في اوروبا .. فاسهل الطرق المتاحه انك تحط راس المال الصغير ده في شركة هناك بالشراكه مع اصحابك او شركاءك وبعدها هيبقي لك حرية التنقل والاستفادة بكل مميزات انك مقيم في الاتحاد الاوروبي :) البوست ده هيبقي مفتوح للتعليقات/الاستفسارات الي هيرد علي اغلبها Mindset Officer وانا هحاول ارد بقدر المستطاع علي الاسئله الي عندي خبره فيها ..
لو عاوز تزور سلوفاكيا علشان تتعرف اكثر علي البلد فده احد الخيارات المتاحه من خلال شركة Mindset انهم بيخلصوا لك كل حجوزاتك "طيران وفنادق" في البلد و بيستقبلوك في رحلة في البلد علشان تتعرف اكثر علي البلد و شكل المعيشه فيها قبل ماتقدم علي خطوة مهمة زي دي ..
ساعد ان البوست ده يوصل لكل الناس المهتمة بالهجرة و بتدور علي طرق امنة للهجرة الي اوروبا باقل التكاليف وباكرم وسيلة .. ساعد ان البوست ده يوصل لصحابك و اعمله شير واعمل تاج لاصحابك علشان يعرفوا ان الموضوع سهل فعلا !!
#محدش_بياخد_فيزة_حد #هاجر #هجرة #اوروبا #سافر #سفر #تاسيس_شركات #ادارة_اعمال #ريادة_اعمال #شير_في_الخير #اسهل_هجرة



لحماية الملكية الفكرية
الموضوعين منقولين عن
أستاذ مروان بهجت
والأستاذ طارق ناجي
الإدارة

 

[Admin]

الزميل الفاضل khaled_sabry

وعليكم السلام ورحمة الله وبركاته

أولاً أتوجه لك بالشكر على الموضوع وعلى حرصك على إفادة غيرك من الزملاء جعله الله فى ميزان حسناتك

تعليقى على الإقتباس الذى ورد فى مشاركتك أعلاه هو أن إدارة المنتدى لا تقوم بإغلاق أى موضوعات إلا لمخالفات متكررة بها لقواعد المشاركة بالمنتديات. لم يتم إنشاء هذا المنتدى منذ أكثر من ثمانية أعوام إلا لتبادل المعلومات والخبرات المفيدة بين أعضاءه حتى يعم نفعها الجميع أعضاءً وزواراً وليس بغرض تبادل أرقام الهواتف وعناوين البريد الإلكترونى كما حدث فى موضوعك الذى قامت الإدارة بإغلاقه بعدما تكررت به تلك المخالفات!

المطاريد لا يعترض على نقل أى معلومات مفيدة من مواقع التواصل الإجتماعى ولدينا أبواب كاملة مخصصة لموضوعات فيسبوك وتويتر وفيديوهات يوتيوب وخلافه لذلك لا أجد أى سبب لإتهامك لإدارة المنتدى بأنها لا ترحب بنقل معلومات من مجموعات على فيسبوك!

لدينا أيضاً صفحة كبيرة للمطاريد على فيسبوك وننشر عليها الموضوعات المتميزة بالمنتدى وسبق لنا أن قمنا بنشر موضوعات لك عليها:

https://goo.gl/2C0kiI

عدد الموضوعات بالمنتدى كما يظهر لك بالإحصائيات تخطى المليون موضوع وعدد ما قامت الإدارة بإغلاقه منها لا يكاد يُذكر وللأسباب التى أوضحتها لك.

ختاماً نرجو عدم تهديد إدارة المنتدى بأنها الخاسر الأكبر من إغلاق موضوعك حيث أن المنتدى حريص أكثر من أصحاب الموضوعات الجيدة أنفسهم على نشرها لهم والدعاية لها!

تحياتى لشخصك الكريم

اقتباس ملحوظه خاصه للاداره : انا مش بدعو حد للانضمام لاى حاجه انا هدفى اولا و اخيرا مصلحه الاعضاء و اللى انا شخصيا واحد منهم - ولو مش عاجبكم محتوى البوستات "المنقوله" او شايفين فيه الدعوه لاى جروب او اى حته تانيه بما يتعارض مع قوانين الجروب - يبقى ساعتها تقدمو خدمه موازيه تغنينا عن الانضمام لاى حاجه تانيه بدل ماتقفلو الموضوع ده زى ماعملتو مع موضوعى السابق و على فكره اغلاق اى موضوع فيه منفعه بيضر المنتدى اولا قبل اى حد لان المنتدى اولا و اخيرا عباره عن موضوعات اساسا و الناس بتدخل هنا علشان الاستفاده فقط المصدر: منتديات المطاريد ... لقراءة المزيد إضغط على الرابط https://www.almatareed.org/vb/showthr...#ixzz4MCzrXqRd Follow us: @Almatareed on Twitter

 

 

[AlNagar]

السلام عليكم،
أنا مشيت في حوار سلوفاكيا من شهر نوفمبر 2015، وأسست شركة أنا و اثنين من شركائي، لكن للأسف بسبب جشع المصريين ونصبهم على بعض وخلافاتهم مع السفارة والقضايا اللي رفعوها على بعض كل ده خلى الدنيا قفلت على المصريين تحديدا، وما بيدوش إقامات غير بشروط تعجيزية (تكون رجل أعمال ومستثمر فعلا عندك شغل)
معظم المصريين بيأسسوا الشركة ب 5 تلاف يورو، مع إنك ممكن تأس ب 350 يورو ل 500 يورو، والإقامة ب نفس السعر أو أقل،
الخلاصة انسوا سلوفاكيا، المصريين هناك نصابين وجعانين وحرامية، وبينتهزوا أي فرصة يمصوا دمك!
لما شركة تتأسس ب 500 يورو وياخد هو 10 أضعاف 5 تلاف يورو! ده يبقى إيه

 

 

[Fly bird]

اقتباس المشاركة الأصلية كتبت بواسطة AlNagar السلام عليكم، أنا مشيت في حوار سلوفاكيا من شهر نوفمبر 2015، وأسست شركة أنا و اثنين من شركائي، لكن للأسف بسبب جشع المصريين ونصبهم على بعض وخلافاتهم مع السفارة والقضايا اللي رفعوها على بعض كل ده خلى الدنيا قفلت على المصريين تحديدا، وما بيدوش إقامات غير بشروط تعجيزية (تكون رجل أعمال ومستثمر فعلا عندك شغل) معظم المصريين بيأسسوا الشركة ب 5 تلاف يورو، مع إنك ممكن تأس ب 350 يورو ل 500 يورو، والإقامة ب نفس السعر أو أقل، الخلاصة انسوا سلوفاكيا، المصريين هناك نصابين وجعانين وحرامية، وبينتهزوا أي فرصة يمصوا دمك! لما شركة تتأسس ب 500 يورو وياخد هو 10 أضعاف 5 تلاف يورو! ده يبقى إيه

كلامك مظبوط تماما من الجشع انه ياخد منك رسوم 7500 يورو ومش بس كدا يعمل معاك عقد انك لا تمارس نشاطة مع ان دا غير قانوني.

 

 

[khaled_sabry]

اقتباس المشاركة الأصلية كتبت بواسطة Admin تعليقى على الإقتباس الذى ورد فى مشاركتك أعلاه هو أن إدارة المنتدى لا تقوم بإغلاق أى موضوعات إلا لمخالفات متكررة بها لقواعد المشاركة بالمنتديات. لم يتم إنشاء هذا المنتدى منذ أكثر من ثمانية أعوام إلا لتبادل المعلومات والخبرات المفيدة بين أعضاءه حتى يعم نفعها الجميع أعضاءً وزواراً وليس بغرض تبادل أرقام الهواتف وعناوين البريد الإلكترونى كما حدث فى موضوعك الذى قامت الإدارة بإغلاقه بعدما تكررت به تلك المخالفات!

العزيز Admin
حضرتك لو راجعت نص الموضوع حتلاقى انى قولت ان الفضل الاول بعد الله سبحانه فى معرفتى بان ساسكتشوان فتحت هو لجروب الواتس اب - لكن ماقولتش لحد ينضم اليه و لا حد يبعتلى ارقام تليفوناته على العام و اللى كان عاوز كنت بقوله ابعتلى على الخاص - لكن المشكله برضه فى الاعضاء الجدد اللى لسه ماكملوش 100 مشاركه و بالتالى برضه مش قادرين يبعتولى
و بالتالى حط نفسك مكان العضو الجديد اللى مش عارف حاجه و عنده اسئله كتير اوى ععاوز يعرف اجابتها بسرعه
دول قدامهم يإما يحطو مشاركات وهميه مخترقا قواعد المنتدى - او وضع ارقامهم الشخصيه على العام و برض مخترقين قواعد المنتدى و معرضين الموضوع نفسه للايقاف و هو ماحدث فعلا
طبعا من حكم فى ماله فما ظلم - المنتدى منتداكم و انتم احرار فى الاسلوب الامثل لإدارته
تحياتى

اقتباس المشاركة الأصلية كتبت بواسطة AlNagar السلام عليكم، أنا مشيت في حوار سلوفاكيا من شهر نوفمبر 2015، وأسست شركة أنا و اثنين من شركائي، لكن للأسف بسبب جشع المصريين ونصبهم على بعض وخلافاتهم مع السفارة والقضايا اللي رفعوها على بعض كل ده خلى الدنيا قفلت على المصريين تحديدا، وما بيدوش إقامات غير بشروط تعجيزية (تكون رجل أعمال ومستثمر فعلا عندك شغل) معظم المصريين بيأسسوا الشركة ب 5 تلاف يورو، مع إنك ممكن تأس ب 350 يورو ل 500 يورو، والإقامة ب نفس السعر أو أقل، الخلاصة انسوا سلوفاكيا، المصريين هناك نصابين وجعانين وحرامية، وبينتهزوا أي فرصة يمصوا دمك! لما شركة تتأسس ب 500 يورو وياخد هو 10 أضعاف 5 تلاف يورو! ده يبقى إيه

ايه السواد ده ياعم
انا معرفشى تجربة حضرتك كانت ازاى - لكن صاحبة البوست الاول موجوده فى سلوفاكيا بقالها سنه هى و زوجها و اطفالها و اسسو شركتها مع 3 تانين بمساعده من شركه اسمها Mindset International بتاعت مصريين برضه لكن متخصصه فى التعامل مع الحكومه و تأسيس الشركات
اما بالنسبه لمبلغ ال 6000 يورو فانا شايفه مبلغ قليل اصلا و حتى لو كانت الشركه الوسيطه بتاخد مبلغ - ماحقها برضه
انتا من الاخر بتعمل الموضوع ده علشان يبقى معاك اقامه فى سلوفاكيا اللى هى تبع الاتحاد الاوروبى يعنى اوروبا مفتوحه قصادك كمان مقابل 6000 يورو ليك و لكام واحد صاحبك كمان !!! قارن المبلغ ده بال POF بتاع كندا (12 الف دولار لو كنت عازب - و بتوصل ل 27 الف لو متجوز و عدك 4 عيال )
ياريت ماتعممشى تجربتك السيئه لان واضح ان حضرتك وقعت فى شركه نصابه - و فيه اهه ناس سافرو فى نفس توقيتك و سعداء بحياتهم هناك

 

 

[khaled_sabry]

برضه بوست منقول
-----------------------------

نا حاطط ملف اكسيل كنت عامله لنفسى بس عدلته على عشان يناسب الناس هنا فى الجروب فيه كل المصاريف المطلوبه لانشاء الشركه فى سلوفاكيا واصدار الاقامه ياريت تلاحظوا الاتى

1- ان فيه تكلفه اجماليه لو واحد حابب يعمل شركه لوحده وفيه تكلفه لشركه فى حاله 4 شركاء زى اخونا Sameh Mohamed بس ممكن يتغير الرقم حسب عدد الشركه بس ياريت محدش يزود عن 4 عشان شكل الشركه ميبقاش وحش قدام بوليس الاجانب هنا عشان 4 كمان كتير

2- الاسعار دى اسعار بشكل عام يعنى كل واحد ورغبته بمعنى ان لو حد عاوز ييجى سلوفاكيا يعمل الاقامه هنا اهلا وسهلا بس يضيف على الكلام ده مصاريف رحلته

3- الاسعار غير شامله اكيد السكن فى سلوفاكيا وده زى ما قلت قبل كده ح اخصص ليه بوست لوحده عشان فيه شويه تفاصيل بس شامل ورقه السكن اللى ح تطلعهالك الشركه

4- فيه شويه فلوس ممكن تتسحب من راس مال الشركه وده انا موضحها
5- فتره الاجراءات هى فترات تقريبيه
6- انا عملت بدايه الاجراءات من 15 اكتوبر اللى عاوز يحسبها على قبل التاريخ ده او بعده يغير اول تاريخ بس يخليه التاريخ اللى هو عايزه حتتغير معاه باقي التواريخ

https://www.*******.com/file/16bM8ueF..._reg_fees.html

 

 

[AlNagar]

بصوا يا شباب، خلاصة الموضوع لأني لسه معجون فيه
بتأسس شركة بأي عدد من الشركاء ( قانونا لغاية 50 شريك في شركة واحدة) لكن الناس بتأسس لفردين وتلاتة عشان الجديدة
أقل رأس مال بتأسس بيه شركة ب 5 تلاف يورو (رأس مال الشركة بتاعك)، أو ممكن تشتري شركة جاهزة ready made
عشان تقدر تقدم على الإقامة لازم محضر إجتماع من الشركاء جميعا بالموافقة على تعيين الشخص مدير للشركة، وعلى الأساس ده هتقدم على الإقامة كمدير لشركتك Managing Director
للتقديم على الإقامة لازم يكون في رأس مال الشركة مبلغ لا يقل عن 20 ألف يورو
لازم في حساب الشخص المتقدم لا يقل عن 2500 يورو

وأرجع وأقول لكم كان لغاية شهر يناير 2016 الدنيا تمام، ولغاية شهر مايو 2016 الناس كانت بتسافر بفيزا سياحة وتقدم عادي، من مايو قفلت خالص ضبة ومفتاااااااااااااااح!
والسبب يرجع للشيت بتاع المصريين ونصبهم على بعض والزنبقة في بعض والمشاكل مع السفارة وبوليس الأجانب هناك، وللعلم الجالية المصرية هناك ما تعديش 30 فرد وعملوا كل القرف ده!

والمصريين اللي بيسأسسوا الشركة وبياخدوا أتعاب على تأسيسها 5 تلاف يورو، حضراتكم ممكن تتواصلوا مع مكاتب محاماة تخلص ده ب 300 أو 500 يورو فقط لا غير!
المصريين نصابين وضاربين الأسعار في 10 و 20 ضعف استغلالا لحاجة الناس للسفر بأي وسيلة!

دمتم بود

 

 

[Remon.soliman]

دعوه لموضوعي

مطاريد الكويت

اقتباس المشاركة الأصلية كتبت بواسطة AlNagar بصوا يا شباب، خلاصة الموضوع لأني لسه معجون فيه بتأسس شركة بأي عدد من الشركاء ( قانونا لغاية 50 شريك في شركة واحدة) لكن الناس بتأسس لفردين وتلاتة عشان الجديدة أقل رأس مال بتأسس بيه شركة ب 5 تلاف يورو (رأس مال الشركة بتاعك)، أو ممكن تشتري شركة جاهزة ready made عشان تقدر تقدم على الإقامة لازم محضر إجتماع من الشركاء جميعا بالموافقة على تعيين الشخص مدير للشركة، وعلى الأساس ده هتقدم على الإقامة كمدير لشركتك Managing Director للتقديم على الإقامة لازم يكون في رأس مال الشركة مبلغ لا يقل عن 20 ألف يورو لازم في حساب الشخص المتقدم لا يقل عن 2500 يورو وأرجع وأقول لكم كان لغاية شهر يناير 2016 الدنيا تمام، ولغاية شهر مايو 2016 الناس كانت بتسافر بفيزا سياحة وتقدم عادي، من مايو قفلت خالص ضبة ومفتاااااااااااااااح! والسبب يرجع للشيت بتاع المصريين ونصبهم على بعض والزنبقة في بعض والمشاكل مع السفارة وبوليس الأجانب هناك، وللعلم الجالية المصرية هناك ما تعديش 30 فرد وعملوا كل القرف ده! والمصريين اللي بيسأسسوا الشركة وبياخدوا أتعاب على تأسيسها 5 تلاف يورو، حضراتكم ممكن تتواصلوا مع مكاتب محاماة تخلص ده ب 300 أو 500 يورو فقط لا غير! المصريين نصابين وضاربين الأسعار في 10 و 20 ضعف استغلالا لحاجة الناس للسفر بأي وسيلة! دمتم بود

كل كلمة قالها الراجل ده طلعت صح
posted via mobile device

 

 

[The Queen]

اقتباس المشاركة الأصلية كتبت بواسطة Remon.soliman كل كلمة قالها الراجل ده طلعت صح posted via mobile device

استاذ ريمون ممكن تفاصيل اكتر
posted via mobile device

 

 

[AlNagar]

فيه كمان إضافة ما حدش هيقولك عليها، الشركة اللي هتأسس لك الشركة، طبقا للقانون التجاري السلوفاكي لازم يكون مدير الشركة Konatel أو Managing Director يكون جنسية إتحاد أوروبي أو حد معاه إقامة في سلوفاكيا، وبالتالي هو هيكون مدير شركتك وإيده على كل فلوسك، وحصل حوارات نصب كتيييييييييييير في الموضوع ده وقضايا على بعض!
اللي يدفع لشخص 6000 يورو لتأسيس شركة (ممكن يأسسها ب 300 أو 500) ويحط تحت إيد شخص تاني 20 ألف يورو عالأقل يحط، وبراحتكم