Arabic Discussion Forum with a Special Interest in Travel and Immigration

زهرة بريه · 9th November 2011, 05:44 PM

من أجمل الاوقات اللى قضيناها فى المدرسة
كان الوقت المخصص للطابور ..

من اول ماتوصل المدرسه بلهفة خايف تتأخر ع الطابور وتتهان طبعا من مشرف اليوم اهانه مابعدها اهانه.. مرورا بـ تمارين الصباح ,الاذاعه المدرسيه , الى جانب المواقف الغير متوقعه اللى كانت بتحصل اثناء العرض العسكرى (يوووه اقصد الطابور) ,

وتحية العلم , وترديد النشيد الوطنى ..

ذكريااات..!

لما بنفتكرها دلوقتى بنرجع تانى نتخيلنا طالب شايل شنطته ولابس مريلته و بيدعى من قلبه على ابتكر فكرة الطابور فى المدرسه ..

انا عندى حكايات كتيير اتمنى تشاركونى فيها
فى انتظاركم ايضا ..

دمتم بـ كل الود و..تقبلوا

بنت الشاطئ · 9th November 2011, 06:17 PM

دعوه لموضوعي

مدونه بنت الشـــــــــاطئ

ههههههههههههه

فكرتينى بذكريات مؤلمه انا كنت دايما وقت الطابور بكون واقفه متزنبه تحت الجرس لاسباب مختلفه منها

جايه متأخرة او لبسى مخالف او حاطه توكه لونها مخالف او بتكلم فى الطابور

يعنى تعددت الاسباب والعقاب واااااااااحد

سيدة مصر الاولى · 9th November 2011, 08:11 PM

انا دايما كنت بحب اقف اول واحدة فى الطابور عشان اشوف اخويا و هو بيحيى العلم و اليوم اللى مش بكون اول واحدة بكون فى الاذاعة المدرسية من الاخر كنت شاطرة و ملتزمة اوى

بمناسبة تحيا جمهورية مصر العربية جنى كانت عند بابا و اودام شارعنا فيه مدرسة و كانت واقفة هى و بابا يتفرجوا على الاطفال اللى رايحين المدرسة و يسمعوا الطابور بعد يومين لقيت جنى بتقولى عارفة العيال بتقول ايه فى المدرسة قلتلها ايه يا جوجى قالتلى (تحيا الجزمة على العربية)و فضلت مصدقة تماما ان هم بيقولوا كده لحد ما قدرت اقنعها انها سمعت غلط

زهرة بريه · 10th November 2011, 03:35 PM

اقتباس

المشاركة الأصلية كتبت بواسطة بنت الشاطئ


	ههههههههههههه فكرتينى بذكريات مؤلمه انا كنت دايما وقت الطابور بكون واقفه متزنبه تحت الجرس لاسباب مختلفه منها جايه متأخرة او لبسى مخالف او حاطه توكه لونها مخالف او بتكلم فى الطابور يعنى تعددت الاسباب والعقاب واااااااااحد

انا بقى كنت لازم اروح قبل الطابور بـ ساعه ع الاقل
وده لانى كنت بطلع فى الاذاعه
وما ادراكِ يانيفو ما الاذاعه

والكلام ده لحد 5 ابتدائى ومن اول اولى اعدادى بدأت انحرف واروح المدرسه فى نص الحصه الاولى

زهرة بريه · 10th November 2011, 03:44 PM

اقتباس

المشاركة الأصلية كتبت بواسطة سيدة مصر الاولى


	انا دايما كنت بحب اقف اول واحدة فى الطابور عشان اشوف اخويا و هو بيحيى العلم و اليوم اللى مش بكون اول واحدة بكون فى الاذاعة المدرسية من الاخر كنت شاطرة و ملتزمة اوى

انا بقى ياعليا كنت بحب جدا اقف اخر واحده فى الطابور
اولا لانى ماكنتش بحب حد من المدرسين يشوفنى وانا بعمل تمارين الصباح لانى اكيد اكيد كنت هضرب

ثانيا بقى وده الاهم كنت بقف ورا انا وصديقاتى ونقعد نرغى ونضحك براحتنا من غير ماحد ياخد باله
يمكن علشان كده عمرى ماكسبت فى مسابقه من اللى كانوا بيعملوها فى الاذاعه دى..

زهرة بريه · 10th November 2011, 03:50 PM

اقتباس

المشاركة الأصلية كتبت بواسطة سيدة مصر الاولى


	بمناسبة تحيا جمهورية مصر العربية جنى كانت عند بابا و اودام شارعنا فيه مدرسة و كانت واقفة هى و بابا يتفرجوا على الاطفال اللى رايحين المدرسة و يسمعوا الطابور بعد يومين لقيت جنى بتقولى عارفة العيال بتقول ايه فى المدرسة قلتلها ايه يا جوجى قالتلى (تحيا الجزمة على العربية)و فضلت مصدقة تماما ان هم بيقولوا كده لحد ما قدرت اقنعها انها سمعت غلط

والله ياعليا ضحكتينى من قلبى..
ربنا يخليلك جنى ويسعدك بيها ويسعدها بيكى يارب

دموع الورد · 10th November 2011, 05:01 PM

وبعدين بقى

مصرة تطلعى المواهب يعنى
انا كان اكره ماعندى انى احضر الطابور ده
وداائما كنت احب اخر الطابور ونفضل نرغى ونضحك وياسلام لو نأزأز لب

وكنت بستغلس التمارين الهبلة دى بس داائما كان المدرسين يقفشونى وانا فى اخر الصف وانا بلعب وهما بيعملوا التمارين

فكرتينى بتمرين رخم رخامة كانوا بيلفوا كده 4 مرات فى مرة الاستاذ قفشنى وانا بلف حولين نفسى وبسقف

ده فى ابتدائى او اعدادى اما الثانوى فى اولى كنت بروح بس غالبا متاخرة وداائما كنت اعمل فى البنات اصحابى المقلب ده فى الاذاعة لانهم كانوا داائما يدبسونى فيها وانا مش بحبها ابدااا
اما فى الثانوية تانية وتالتة فـ ماكناش بنروح المدرسة الا يادوب الاسبوعين اللى فى الاول بالكتير ده اذا كملناهم اصلا
بعد كده بقى تفاريح
والايام اللى ب تكون فيها اللجنة جاية من الوزارة مثلا ومنبهين علينا وبردووووووووووووو كنت بروح متاخرة واحيانا بعد الحصتين الاولى والتانية

Amro Elsayed · 10th November 2011, 05:27 PM

موضوع جميل جدا انا بقي اللي كنت بحي العلم في الابتدائي و الاعدادي وتحيا جمهوريه مصر العربيه وكنت لازم احضر الطابور في ثانوي عشان بابا الله يرحمه كان مدرس في نفس المدرسه فلازم ياخودني معاه الصبح بدري بس بعد كده قضيتها في البيت

ههههه موضوع رائع طلعوا المواهب بقي و ١ ٢ ٣ ٤ فوق ٢ ٣ ٤

دموع الورد · 10th November 2011, 05:30 PM

اقتباس

المشاركة الأصلية كتبت بواسطة Amro Elsayed


	موضوع جميل جدا انا بقي اللي كنت بحي العلم في الابتدائي و الاعدادي وتحيا جمهوريه مصر العربيه وكنت لازم احضر الطابور في ثانوي عشان بابا الله يرحمه كان مدرس في نفس المدرسه فلازم ياخودني معاه الصبح بدري بس بعد كده قضيتها في البيت ههههه موضوع رائع طلعوا المواهب بقي و ١ ٢ ٣ ٤ فوق ٢ ٣ ٤

ايوووووووووووووة هو ده التمرين اللى بحكى عنه والاستاذ قفشنى فيه

مدى · 11th November 2011, 12:30 AM

يعني ايه تحيوا العلم..!

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
تأجيل التأجيل	منقوووووووووووولات	دكتور مهندس جمال الشربيني	2	1598	27th August 2012 12:41 PM
الطرطور والقرطاس	منقوووووووووووولات	زهرة بريه	0	927	15th December 2011 11:01 AM
زياد العليمي يكتب في التحرير: مصر التي سنبنيها	منقوووووووووووولات	nash	1	1163	9th December 2011 03:43 PM
قالّك «الشعب واعى»!	منقوووووووووووولات	زهرة بريه	0	828	3rd December 2011 04:44 PM
نداء للإخوة البلطجيه..!	منقوووووووووووولات	ممدوح56	3	1114	13th November 2011 06:56 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دستور جمهورية مصر العربية.!!!	Badroora	إستشارات قانونية	30	6th January 2023 03:54 PM
سامح عاشور مرشحاً لرئاسة جمهورية مصر العربية	SindBad	إنتخابات الرئاسة	8	21st September 2011 12:32 PM
نص دستور جمهورية مصر العربية	KANE	شؤون مصر الداخلية	5	1st February 2011 08:48 PM
قريباً.."جمهورية,الضفة,الغربية,العظمى,"	ALEXANDER	شؤون عربية ودولية	0	29th April 2010 06:14 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ذكريات الطفولة

طابور المدرسة "تحيا جمهورية مصر العربية"