فكرينها كده.... وطلعت كده

[مودة]

الصحف المصرية والعربية

دعوه لموضوعي

مدونة مودتي بلا حدود

في مبدا مهم ان العقل بيستقبل الشيء كاول مره وينطبع فيه
حتى لو غلط
ومهما تحاول تصلح الخطأ ده بيفضل كده
الانطباعات الاولى تدووووووم

من ذكريات الطفولة كلمات فضلت في الذاكرة وهي غلط
ولما كبرت احاول اصلحها بس على مين

اذكر وانا صغيرة كنت بسمع اغنية صفاء ابو السعود اهلا بالعيد
فيها كلمة ساعتي نبيها يارب يخليها
او سعده نبيهه واقول اشمعنى سعده هانم يعني
لا خليها ساعتي
وطلعت
سعدنا بيها بيخليها ذكرة جميلة

او اغنية لمحمد منير فيها مقطع
شجر الموز طرح ظلل على عيدانه
كنت اسمعها شجر المظطلح
واتخيله
نوع من اشجار بتنبت على كوكب بلوتو

ولا اغنية الف ليلة وليلة
كانت نجلاء فتحي بتقول لشهريار
حخليه في حلة بهار
وهي
حخليه في حالة انبهار

في الاذان بقى كنت اسمع حي على الصلاح
حي على الفلاح

ولا الظواهر الكونية
دايما كنت متخيلة الكون بينتهي عند اخر حته وصلتلها في شارعنا وبعد كده مافيش حاجه الدنيا خلصت على كده
والمطرة اكيد في حنفيات كتيير بتتفتح في السما
والشمس لما بتغرب بتنزل في البحر

اكيد لكل واحد منكم ذكريات قولوا ماتتكسفوش كلنا ستر وغطا على بعض
وحرجع تاني لما افتكر حاجات تانية

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة مودة في مبدا مهم ان العقل بيستقبل الشيء كاول مره وينطبع فيه حتى لو غلط ومهما تحاول تصلح الخطأ ده بيفضل كده الانطباعات الاولى تدووووووم من ذكريات الطفولة كلمات فضلت في الذاكرة وهي غلط ولما كبرت احاول اصلحها بس على مين اذكر وانا صغيرة كنت بسمع اغنية صفاء ابو السعود اهلا بالعيد فيها كلمة ساعتي نبيها يارب يخليها او سعده نبيهه واقول اشمعنى سعده هانم يعني لا خليها ساعتي وطلعت سعدنا بيها بيخليها ذكرة جميلة او اغنية لمحمد منير فيها مقطع شجر الموز طرح ظلل على عيدانه كنت اسمعها شجر المظطلح واتخيله نوع من اشجار بتنبت على كوكب بلوتو ولا اغنية الف ليلة وليلة كانت نجلاء فتحي بتقول لشهريار حخليه في حلة بهار وهي حخليه في حالة انبهار في الاذان بقى كنت اسمع حي على الصلاح حي على الفلاح ولا الظواهر الكونية دايما كنت متخيلة الكون بينتهي عند اخر حته وصلتلها في شارعنا وبعد كده مافيش حاجه الدنيا خلصت على كده والمطرة اكيد في حنفيات كتيير بتتفتح في السما والشمس لما بتغرب بتنزل في البحر اكيد لكل واحد منكم ذكريات قولوا ماتتكسفوش كلنا ستر وغطا على بعض وحرجع تاني لما افتكر حاجات تانية

دانتي علاجك عاوز شغل بعد الظهر


وبعدين يا ناصحة .. لو كانت الشمس بتنزل في البحر .. أكيد كانت هاتعمل (تِش) يا ناصحة


أما بخصوص سعد ابن نبيهة .. كلنا هذه الفتاة

انا بس ماكانش بيغيظني غير ان والأرض تدور .. احنا ما بنتشقلبش لييييييييييه .. ثابتين مكاننا ما بنقعش .. وبعدين يقولك الأرض كرويتون .. والواحد طول ماهو ماشي على الطريق شايفها مستقيمة .. انتم بتشتغلونا يا جدعان

 

 

[Rapt]

وهمية طفولتك مودة هانم رائعة
تقريبا اطفال كتير كانو كدة فعلا الادارك فى الطفولة غريب جدا
اشكرك على اتاحة الفرصة لنا لمعرفة ذكريات الطفولة

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Rapt وهمية طفولتك مودة هانم رائعة تقريبا اطفال كتير كانو كدة فعلا الادارك فى الطفولة غريب جدا اشكرك على اتاحة الفرصة لنا لمعرفة ذكريات الطفولة

دخول التوبيك ده مش زي الخروج منه .. خلي بالك في جوز مخبرين واقفين على باب التوبيك وانت خارج .. يعني تعترف وتقر بالذوق

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة ana_3enady دخول التوبيك ده مش زي الخروج منه .. خلي بالك في جوز مخبرين واقفين على باب التوبيك وانت خارج .. يعني تعترف وتقر بالذوق

يعني لازم تبين طيبة قلبك دي
انا كنت داخلة اجيب السيخ المحمي
والكرسي الكهربائي
وخلاعة الضوافر
اختارلك وسيلة من دول لو مش حتحكي

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة ana_3enady دانتي علاجك عاوز شغل بعد الظهر وبعدين يا ناصحة .. لو كانت الشمس بتنزل في البحر .. أكيد كانت هاتعمل (تِش) يا ناصحة أما بخصوص سعد ابن نبيهة .. كلنا هذه الفتاة انا بس ماكانش بيغيظني غير ان والأرض تدور .. احنا ما بنتشقلبش لييييييييييه .. ثابتين مكاننا ما بنقعش .. وبعدين يقولك الأرض كرويتون .. والواحد طول ماهو ماشي على الطريق شايفها مستقيمة .. انتم بتشتغلونا يا جدعان

اه يابني
انا كان شاغلني قوي ازاي المية مش بتقع من البحر والارض زي الكورة

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة Rapt وهمية طفولتك مودة هانم رائعة تقريبا اطفال كتير كانو كدة فعلا الادارك فى الطفولة غريب جدا اشكرك على اتاحة الفرصة لنا لمعرفة ذكريات الطفولة

تقصد ايه ماكنش عندي ادراك
طب احكي احكي
ولا اختار اختار
ماهو يتحكي ياتختار
طمورة جهز عدت الشغل يابني
وشغل مزيكة ريا وسكينة

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة مودة تقصد ايه ماكنش عندي ادراك طب احكي احكي ولا اختار اختار ماهو يتحكي ياتختار طمورة جهز عدت الشغل يابني وشغل مزيكة ريا وسكينة

 

 

[سعد الفخم]

اقتباس المشاركة الأصلية كتبت بواسطة مودة اذكر وانا صغيرة كنت بسمع اغنية صفاء ابو السعود اهلا بالعيد فيها كلمة ساعتي نبيها يارب يخليها او سعده نبيهه واقول اشمعنى سعده هانم يعني لا خليها ساعتي وطلعت سعدنا بيها بيخليها ذكرة جميلة

يااااااااه هيه طلعت - سعدنا بيها -

--
فيه اغنية لفيروز
بتقول فيها
غنينا اغاني عورا
غنية لواحد مشتاق
وديما في الاخر فيه اخر في وقت فراق

اقول يا ربي إزاي اغنيه عورا بعين واحدة يعني

طلعت - اغاني عا اوراق -

 

 

[Remooo]

مش بس واحنا اطفال
انا لحد ما بقيت ماشاء الله كده فى اعدادى باين
وكنت اعرف ان فيه اغنية لعبد الوهاب بيقول
"جفنه... علم الغزل"
وانا كان كلى قناعة ان جفنه ده شخص...وشخص مرموق كمان فى عالم الحب والغرام
بدليل انه هو اللى علم الناس الغزل
فاكيد ده راجل ميه ميه يعنى
وقررت فى يوم اسأل بقى عشان ازداد شرف

وكانت المفاجأة


ومن ساعتها عرفت انى هاكون شخصية مرموقة برضه...
بس فى عالم السذاجة