♥♥♥♥ عمار يا كندا ♥♥♥♥

[Ehab Salem]

الصحف المصرية والعربية

عروض الأفلام المجانيه الصيفيه في حديقة بورت كريدت .... مسيساجا

طبعا العرض بيبدأ بعد غروب الشمس










بس خلاص

 

 

[صودا]

على ذكر عيد الهالوين الجميل ده ثبت انه اصله فرعونى محدش يقول ده عيد الكفرة وعيد مش عارف ايه.
هذا وقد عثر في عام 1916 على بعض أوراق البردي التي يعتقد بانها تعود إلى عهد الاسرة الرابعة وفيها تفصيلات عن هذا العيد الذي كان يقام مع اكتمال البدر في أول شهر قمري يلي موسم الحصاد وكان لترويج وتزويج النساء الاتي تقدمن قليلا بالعمر دون أن يحالفهن الحظ في ايجاد الشريك الملائم ,و كبادرة حنو من الفرعون كان كل من يتزوج إحدى هذه الانسات يكافأ بجزء من فوائض الإنتاج الزراعي للمنطقة. و كانت تقام مسابقات خاصة كان اكثرها شهرة مسابقة ملكة جمال اليقطين وتفوز بهذا اللقب عادة ابشع وأسمن المتسابقات ومن يتزوجها ينال حصة الاسد من فائض الإنتاج الزراعي. و مع مرور الزمن قام الاراميون بنقل هذا العيد إلى بلاد سورية فعرف بعيد الحالافين وهي اللفظة الارامية للجميلات وبقيت عادة مكافأة المتزوجين من نساء بشعات بكميات كبيرة من اليقطين عادة مميزة للعيد حتى عام 112 قبل الميلاد حيث تصادف موعد اكتمال القمر اربع عشر سنة متتالية مع ايام شؤم أو حروب أو كوارث طبيعية..فغدى السكان يربطون العيد بالشر ويشبهون الفائزات به بالسحرة ويعتقدون أن ارواح اجدادهم غضبت من استقدام هذه العادات الغريبة على واقع مجتمعهم والتي لا تنتمي لعاداتهم وتقاليدهم وفي عام 98 قبل الميلاد اعلن الحاكم الارامي غريكور الرابع تحويل العيد إلى عيد للصلاة والتواصل مع ارواح الاجداد واصدر اوامره بحبس الشريرات - على حد زعمه- اي الانسات غير المتزوجات والعوانس البشعات طيلة الليلة على ان يقمن وهن قي بيوتهن بحفر الفائض من مخزون الدولة من القرع واليقطين افتداءا للشر ووضعها على محراب الالهة بعد اضاءتها بالشمع.
ثم دخل هذا العيد روزنامة الاعياد الغريية وعرف في أوروبا ولاحقا أمريكا باسم عيد جميع القديسين أو عيد الهلوين المأخوذة من اللفظ السرياني حالافين اي حلوين.
يعنى والكلام لاخونا الداكترة اللي هما عارفين نفسيهم ونسبة 7 الى 1 يرجى التكرم بعرض للعانسات فى كندا وسوف تاخذون قطعة ارض مجانا بالزراعة اللى عليها بالنسبة كمان7 الى واحد

 

 

[Ehab Salem]

اقتباس المشاركة الأصلية كتبت بواسطة صودا على ذكر عيد الهالوين الجميل ده ثبت انه اصله فرعونى محدش يقول ده عيد الكفرة وعيد مش عارف ايه.

شكرا على التوضيح يا صودا ... بس الحقيقه .... I don't care
أريح حاجه إنك تعمل اللي إنت شايف إنه صح مش اللي الناس شايفه إنه صح أو الشيخ فلان شايف إنه صح ... ده مهم للسلام النفسي
بالنسبه لنا الهالويين ده عيد إجتماعي زي شم النسيم أو عيد الأم كده عندنا
حاجه لا علاقه لها بالدين و لا بالشياطين
و هما كمان بيحتفلوا بيه من المنظور ده مش من منظور ديني لأن معظم الناس هنا "دينليس" أساسا و ده أفضل لنا
الهالويين مناسبه لطيفه الأطفال بيفرحوا فيها و يلبسوا ملابس تنكريه و يلفوا على البيوت يلموا الحلوى وبس ....

زي "الكرنكعوه" بتاع الخليج

حد من شيوخ النفط يجرؤ يحرم الكرنكعوه

اقتباس يعنى والكلام لاخونا الداكترة اللي هما عارفين نفسيهم ونسبة 7 الى 1 يرجى التكرم بعرض للعانسات فى كندا وسوف تاخذون قطعة ارض مجانا بالزراعة اللى عليها بالنسبة كمان7 الى واحد

مش فاهم ... وضح

 

 

[Ehab Salem]

من فتره قريبه كنت كالعاده في المكتبه في الويك إند مع الأولاد و لقيت DVD وثائقي عن أفضل الإختراعات الكنديه
ال DVD كان شيق جدا ... إتفرجنا عليه كتير و نسخته على طول بالتأكيد
اللي حصل إن إحدى القنوات الكنديه أحصت 50 إختراع و فتحت التصويت للناس على موقعها لفتره من الوقت عشان يرتبوا الإختراعات دي حسب الأهميه من 50 إالى الأول
حتى في دي ديموقراطيه و تصويت ... و إحنا عندنا المحافظين و رؤساء الجامعات بالتعيين
ما علينا
إختيار المشاهدين كان فيه بعض المفأجأت ... إختراعات بسيطه سبقت إختراعات قيمه ... بس ده كان رأي الناس و تصويتهم و بالتالي هو اللي مشي في الأخر


إستفدت ثلاث حاجات من مشاهدة ال DVD ده

أولا : إن الإختراع مش لازم يكون شئ تكنولوجي ... إحنا عندنا الإختراع لازم يكون شئ علمي ... هما تعريفهم للإختراع إنه أي إبتكار أثر في حياة عدد كبير من البشر و أحدث فارق إيجابي تسبب في سعادتهم
و طبقا للتعريف ده ... حاجات كتير إحنا ممكن نعتبرها تافهه (عشان إحنا مكلكعين) هما بيعتبروها إختراع
أنا هأحاول أستعرض الإختراعات دي في المشاركات القادمه

 

 

[Ehab Salem]

الإختراع رقم 50


Separable Baggage Check

المخترع : John Mitchell Lyons
سنة : 1882

هو ببساطه فكرة عمل tag من جزئين ... جزء يثبت على الشنطه و جزء يبقى مع المسافر لعمل مطابقة عند الوصول للإستلام و لضمان معرفة وجهة الحقيبه عند فقدها



طبعا ده في نظر كتير مننا مش إختراع ... بس من وجهة نظرهم .. ده إبتكار مطبق من سنة 1882 و حتى الأن و أثر إيجابيا في حياة عدد كبير من البشر

 

 

[Ehab Salem]

الإختراع رقم 49


Caulking Gun

المخترع : Theodore Witte
سنة : 1894

مش محتاج شرح ... إستعمالات متعدده ..

 

 

[Ehab Salem]

اقتباس إستفدت ثلاث حاجات من مشاهدة ال DVD ده أولا : إن الإختراع مش لازم يكون شئ تكنولوجي ... إحنا عندنا الإختراع لازم يكون شئ علمي ... هما تعريفهم للإختراع إنه أي إبتكار أثر في حياة عدد كبير من البشر و أحدث فارق إيجابي تسبب في سعادتهم

ثانيا : إن كتير من الإختراعات الكنديه نسبت لأمريكا لأن من إخترعها كان كندي يعمل في شركه أمريكيه ... ضمن ما يعرف بمشكلة Brain Drain
على سبيل المثال ... لغة البرمجه جافا ... منسوبه لشركة Sun Microsystems الأمريكيه و من إخترعها هو مهندس برمجيات كندي كان يعمل هناك

ثالثا : بعض الإختراعات نسبت لغير مخترعيها لأنهم باعوها لأخرين لعدم وجود مقدره ماليه لديهم لتطوير الفكره لمستوى صناعي
مثل المصباح الكهربائي ... حيث باع الكندي فكرته لتوماس إيديسون و الذي كان يمتلك المال لتطبيق الفكره صناعيا و نسبها لنفسه

 

 

[Ehab Salem]

الإختراع رقم 48


Crash-Position Indicator-CPI

المخترع : Harry Stevinson
سنة : 1957

و هو جهاز كان موجودا بالطائرات ... عند سقوط الطائره .. يقوم بإرسال إشارات لاسلكيه لتحديد موقعها .. و تم تصميمه بحيث يتحمل الصدمات و الحرائق و مياه المحيط
تم تطوير الفكره للصندوق الأسود حاليا

 

 

[Ehab Salem]

الإختراع رقم 47


Automatic Lubricating Cup

المخترع : Elijah McCoy
سنة : 1827

زمان أيام القطارات البخاريه ... كان لازم العامل (العطشجي) ينزل كل محطه و معاه المزيته



و يقوم بتزييت محاور عجل القطار ... مما كان يتسبب بتعطيل القطار و جهد من العامل نفسه

(فاكرين فيلم محمد فوزي و فاتن (لامؤاخذه) حمامه )...

حتى قام Elijah McCoy


بإختراع المزيته الميكانيكيه و هو جهاز يقوم بتزييت العجل أليا من خزان للزيت عن طريق ربطه بحركة العجل نفسه
الإختراع لم يقتصر تطبيقه فقط على القطارات و لكن تم تطبيقه في مختلف الأنشطه الصناعيه

اقتباس it was a device that fed oil to machine bearings and revolutionized the mechanical industry

الجانب الإنساني في القصه أن المخترع ولد في أونتاريو ... والده كان من عبيد أمريكا و فر لكندا بحثا عن الحريه ... حيث كانت العبوديه ممنوعه في ذلك الوقت في كندا و لم تكن كذلك في أمريكا
لو بقي والده في أمريكا ...لما حظي إيلاجيا بتعليم و لا أصبح مخترع و لكان عاش و مات عبد ... و في ذلك عبره

 

 

[Ehab Salem]

الإختراع رقم 46


Ardox Spiral Nail

المخترع : Allan Dove
سنة : 1954

المسمار الملولب Spiral Nail جمع بين مزايا المسمار العادي والمسمار القلاووظ في سهولة الإستعمال و سرعة الطرق عليه بالشاكوش العادي دون الحاجه لمفك و أيضا ثبات التوصيل held firmly in wood

إختراع هذا المسمار حل مشكلة عدم ثبات المسامير العاديه في ظل ظروف تمدد و إنكماش الخشب في درجات الحراره المتباينه طوال العام و أصبح بعد إختراعه المسمار المعتمد في البناء بالخشب في جميع أنحاء العالم