أجمــل ايام حياتـــي ..... ذكريـــات الطفولــة بكل سذاجتــــها :-)

[ننوسه]

الصحف المصرية والعربية

انا الطفولة بالنسبالى مأساه مبحببش افتكرها

 

 

[سيدة مصر الاولى]

اقتباس المشاركة الأصلية كتبت بواسطة kodo احلي ذكرة لكل مواليد الثمانينات البنوتات فقط

انا ازاى مشوفتش الموضوع التحفة ده قبل كده
كرنبة دى صديقتى الصدوقة كنت بتنح اودام التليفزيون لما تيجى هى او كوكى كا
يااااه ايام

استاذة كودو موضوع رائع و خصوصا صورة كرنبة

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة ننوسه انا الطفولة بالنسبالى مأساه مبحببش افتكرها

ان شاء الله تكون ايام الشباب و النضوج احلي

نورتي الموضوع بمرورك يا فندم

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة سيدة مصر الاولى انا ازاى مشوفتش الموضوع التحفة ده قبل كده كرنبة دى صديقتى الصدوقة كنت بتنح اودام التليفزيون لما تيجى هى او كوكى كا يااااه ايام استاذة كودو موضوع رائع و خصوصا صورة كرنبة

حبيبة قلبي عطرتي الموضوع بمرورك و ذكريات طفولتك الجميلة

ما دام طلعتي من اصدقاء كرنبة و كوكي كاك يبقي اكيد احنا اخوات ارفعي الالقاب بقه

ربنا يسعدك و يعمر قلبك باحلي الذكريات

 

 

[Remooo]

فاكرة يا كودو برضه كان فيه مسلسل بتاع ايمان الطوخى
بتاع الساحرة الشريرة شانا الشينشانا
تفتكريه ده
انا شخصيا
كنت بحب اتفرج على انا البرادعى يا رشدى

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة Remooo فاكرة يا كودو برضه كان فيه مسلسل بتاع ايمان الطوخى بتاع الساحرة الشريرة شانا الشينشانا تفتكريه ده انا شخصيا كنت بحب اتفرج على انا البرادعى يا رشدى

ياااااه يا ريموووو ربنا يسعدك بيتهيالي المسلسل كان اسمه يحكي ان






و الله انتي مجرمة انا البرادعي يا رشدي اتفضلي يا ستي

 

 

[kodo]

دعوه لموضوعي

Canada way أخبار يومية مباشرة

ريموووو جبتلك شوية تسالي عشان تتفرجي بمزاج
الحاجات ده من ممنوعات زمان الجملة الشهيرة عشان سنانكم ما تسواس





كتير كسبت جواه الربع جنية فاكـــــــــرة







ده بقه كان اساسي في شنطة المدرسة بمبـــــــــــو





اللبان السحــــــــــري ما كنتش بحبه قوي كان ناشف جدااا






بس كنت بموووت في هارتي و البودرة اللي جواه كانت طعمه اوووي

 

 

[سيدة مصر الاولى]

بيمبو ده كان فيه منه ملفوف بورقة دهبى كده ...كان بيبقى تحفة

و اللبان السحرى كان ناشف فعلا و بعدين دايما كانت ماما تزعقلى لما بااكله عشان بطلعه من بقى اشوف لونه

طب عارفين و انا فى ابتدائى كان مصروفى ربع جنيه و بعدين لما الحاجات الحلوة غليت بقى 50 قرش و كانوا بيكفوا و الله

 

 

[Virus]

ما أجمل الذكريات...

والله العيال اليومين دول مظلومين بتوع هامتارو والهسس ده....

أنا كنت من كبار المعجبين ببقلظ..لو فاتتني حلقة كانت تبقى كارثة كارثة..وكنت مصدق تماما إن بقلظ ده حقيقي

وطبعا يوم الجمعة حتما ولا بد من ماما عفاف وسينما الأطفال سينما..دي أحلى حقيقة وأحلى خيال..

وأنا في الحضانة كنت برجع من المدرسة جري جري عشان ألحق النص التاني من بابا ماجد اللي مكنتش بحبه قوي بس كنت بحب حلقات سندباد جدا جدا..وف مرة جيت لقيته البرنامج لسه بيبدأ وكنت هطير من الفرح وأمي أقنعتني إنها كلمت التليفزيون يغيروا معاده عشاني!!!

سندباد لا يخاف سندباد..مهما تكثر الأخطار ويبعد عن بغداد...كلمات محفورة في ذاكرتي بإزميل

وبوجي وطمطم وعمو فؤاد وأغاني عفاف راضي تراث هائل شكل وجدان جيل..مش عارف هو الابداع المصري توقف للدرجة إن الواحد مش لاقي حاجة يربط بيها عياله بمصر وتراث مصر إني مور

موضوع جميل ياكودو..ولي عودة مع الاعلانات

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة سيدة مصر الاولى بيمبو ده كان فيه منه ملفوف بورقة دهبى كده ...كان بيبقى تحفة و اللبان السحرى كان ناشف فعلا و بعدين دايما كانت ماما تزعقلى لما بااكله عشان بطلعه من بقى اشوف لونه طب عارفين و انا فى ابتدائى كان مصروفى ربع جنيه و بعدين لما الحاجات الحلوة غليت بقى 50 قرش و كانوا بيكفوا و الله

الامهات كلهم نفس الدماغ

انا حاولت كتير اركز و افتكر مصروفي بس للاسف الزهايمر شغال

بس كل اللي فاكراه اني كنت بجيب شيبسي و فطيرة بالجبنة يشبة كرواسون بتاع دلوقتي

و برجع بالسندويشات او اديهم لحد من اصحاب لو عايز