Arabic Discussion Forum with a Special Interest in Travel and Immigration

biopasha · 12th August 2009, 07:09 AM

شكرا اوي علي اجابتك السريعة والوافية .....
سؤال كمان ..
بالنسبة للدراسة ... لو واحد عنده حب للدراسة في تخصصه والتفوق فيه ... ممكن الجامعة تساعده .... وهل في وقت يقدر يشتغل عشان يجيب مصاريفة ويدرس في نفس الوقت .... ولا الدراسة ممكن تعوقه عن العمل ام ان هناك مساعدات للدارس ....

Mzohairy · 12th August 2009, 07:31 AM

اقتباس

المشاركة الأصلية كتبت بواسطة biopasha


	شكرا اوي علي اجابتك السريعة والوافية ..... سؤال كمان .. بالنسبة للدراسة ... لو واحد عنده حب للدراسة في تخصصه والتفوق فيه ... ممكن الجامعة تساعده .... وهل في وقت يقدر يشتغل عشان يجيب مصاريفة ويدرس في نفس الوقت .... ولا الدراسة ممكن تعوقه عن العمل ام ان هناك مساعدات للدارس ....

هنا في برتش كولومبيا في جامعات كتير
و المساعدات بتنقسم لنوعين

نوع اسمه قروض الطلاب و بتبقى قروض بدون فوائد لغاية ما تخلص و تسدد لما تشتغل
و القرض بيبقى لتسديد الرسوم المطلوبه للدراسه + جزء من تكاليف معيشتك الشهريه
يعني لو الرسوم الدراسيه الشهريه مثلا 500 دولار يقوم يدفعلك في حدود 1300 شهريا مثلا

و النوع التاني بتبقى منح لا ترد (و الحصول عليها صعب شويه و حسب الاولويات و الظروف)

بينما في ولاية كيبك مثلا هناك مساعدات شهريه من الحكومه حسب ما عرفت من الأخ جادوللو و ليس عندي تفاصيلها

HAMOUDI · 12th August 2009, 08:05 AM

اقتباس

المشاركة الأصلية كتبت بواسطة Mzohairy


	لا اعتقد ان كندا معموله عشان تحوش فيها ابدا مخلوقه عشان تعيش فيها و تتبسط و بس من غير تحويش تعليم ولادك مجاني و علاجك و اسرتك مجاني و بيدولك بوكت ماني للولاد شهريا فمفيش حد بيحوش تقريبا الأعزب ممكن يسكن ب 600 او 700 و زيهم تقريبا مصروف يعني تقريبا 1500 دولار الى 2000 دولار يبقى ممتاز الراتب الشهري بدون معادلة الشهاده بيكون بالساعه في الوظايف الكاجوال و دي مرتبها من 8 الى 20 دولار في الساعه وانت و حظك الاسبوع فيه 40 ساعه يعني الشهر 160 ساعة عمل لا توجد اي حزازيات مع الشعب الكندي الأليف و المتمرن على الانخراط مع الآخر لأنه ببساطه هو الآخر يعني خليط من كل البلاد و بالتالي لا يمكن ان تجد سوء معامله او تكبر او رزاله ابدا كل الناس سواسيه

بالنسبه لــ700 دولار مصروف شهري في فانكوفر مش مبالغ فيه شويه اذا قارناه بكيبك سيتي مثلا يعني الزملاء هنا مقدرين متوسط التكلفه الاسبوعيه للتغذيه للفرد 50 $ ممكن يزيدوا شويه يقلوا شويه نضيف ليه ممكن متوسط 50$ اخرى متوسط لبقية المصاريف والتى لن يتسخدمها كل افراد الاسره مثب الموبيل او المواصلات . اتمنى ان احنا نعرف رايك في النقطه الحيويه دي

Mzohairy · 12th August 2009, 08:15 AM

الموضوع مش اكل بس يا حمودي
عندك مواصلات و تليفونات و تأمين صحي و هدوم و جرايد و انترنت و اي حاجه تانيه

انا قلت قبل كده ان اسره من اربع او خمس افراد تحتاج للعيش عيشه كريمه 3000 دولار شهريا

1000 سكن تقريبا
و 2000 مصروف شامل شهريا

المبلغ ده يعيشهم عيشه جيده
و كل ما تقلل كل ما تحرم نفسك اكتر
و هكذا

hoppa · 12th August 2009, 08:30 AM

اقتباس

المشاركة الأصلية كتبت بواسطة Mzohairy


	لا اعتقد ان كندا معموله عشان تحوش فيها ابدا مخلوقه عشان تعيش فيها و تتبسط و بس من غير تحويش تعليم ولادك مجاني و علاجك و اسرتك مجاني و بيدولك بوكت ماني للولاد شهريا فمفيش حد بيحوش تقريبا

ازاى؟
لو فرضنا ان كندا مثل الولايات المتحدة
هناك بيعانوا الامرين للادخار لتعليم ابناءهم تعليم جامعى
التعليم الجامعى هناك يقصهم الظهر و القروض على اختلاف انواعها طلابية اوغيره لا تكفى و الآباء يضطروا للاستدانة و كمان الأبناء نفسهم بيشتغلوا للاستكمال التعليم الجامعى

HAMOUDI · 12th August 2009, 08:36 AM

اقتباس

المشاركة الأصلية كتبت بواسطة hoppa


	ازاى؟ لو فرضنا ان كندا مثل الولايات المتحدة هناك بيعانوا الامرين للادخار لتعليم ابناءهم تعليم جامعى التعليم الجامعى هناك يقصهم الظهر و القروض على اختلاف انواعها طلابية اوغيره لا تكفى و الآباء يضطروا للاستدانة و كمان الأبناء نفسهم بيشتغلوا للاستكمال التعليم الجامعى

هوبا بنفسها هنا سابت اسوان وطارت معانا يااهلا وسهلا
ده ترحيب بس واترك الميكروفون للزهيري

HAMOUDI · 12th August 2009, 08:50 AM

هل سن دخول الاطفال في المدارس يحسب من 1/9 ؟ والا تاريخ اخر ؟ وهل الامر يختلف من مقاطعه الى اخرى ام انه قانون فيدرالي؟
واعلم ان المصاريف رمزيه للمدارس فكم تبلغ هي هذه المصاريف؟

hoppa · 12th August 2009, 09:07 AM

ميرسى كتييييييييير حمودى اكيد انا مش بعرف زيكم بس المعلومة اللى قلتها دى بلاحظها فى البرامج الأمريكية فمش عارفة يمكن الوضع مختلف فى كندا
بس تعرف انا نفسى اهاجر اشوف بس بلاد برة دى شكلها ازاى و ارجع تانى

HAMOUDI · 12th August 2009, 09:11 AM

اقتباس

المشاركة الأصلية كتبت بواسطة hoppa


	ميرسى كتييييييييير حمودى اكيد انا مش بعرف زيكم بس المعلومة اللى قلتها دى بلاحظها فى البرامج الأمريكية فمش عارفة يمكن الوضع مختلف فى كندا بس تعرف انا نفسى اهاجر اشوف بس بلاد برة دى شكلها ازاى و ارجع تانى

صدقيني اذا شفتيها مش هاترجعي الا لمجرد الروابط الاسريه والحنين للوطن

Mzohairy · 12th August 2009, 09:19 AM

اسمحولي اجاوب على باقي الاسئله بكره الصبح بتوقيتنا هنا

الساعه عندنا دلوقتي 2 و تلت صباحا

تصبحوا على خير

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الهايدرو سييدينج و الصعيدي في فانكوفر	Mzohairy	الهجرة إلى كندا	21	6th September 2011 11:25 PM
جنة الله علي الأرض ( هاواي )	بريف هااارت	معرض الصور والفنون الجميلة	7	1st July 2011 08:10 PM
اغضب فإن الله لم يخلق شعوباً تستكين .... وأن الأرض تـُحنى رأسها للغاضبين	د. يحي الشاعر	تاريخ مصر	0	28th January 2010 11:09 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مقاطعات كندا

فانكوفر- بريتش كولومبيا- جنة الله على الأرض