أعز اصحاب

[زهرة بريه]

الصحف المصرية والعربية

اقتباس المشاركة الأصلية كتبت بواسطة نفرتارى تحياتى اصدقائى وصاديقاتى الحقيقه موضوع الصداقة مهم جدا لان اهم حاجه فى الدنيا هم الاصدقاء لانهم يعتبرو امرايه ال بتشوف نفسك فيها من غير زيف ولانفاق وهى المرسى ال ترتاح فيها ولذلك يجب ان يكونو على مستوى جيد على الاقل مثلك وفى الاخر معهم بتهون مشاكل الدنيا تحياتى اصدقائى مرة اخرى

نفروو..

 

 

[كلزار]

أعز اصحاب
كان لي زميله من صغري انا وهي كالتوأم
ابتدائي واعدادي وثانوي سوا
ودخلنا كليه الصيدله سوا
انا سافرت لوحدي القاهرة علشان كنا في بدايه الامتحانات في اعدادي صيدله
وهي اتاخرت
عن الامتحان رحت اتصلت بالبيت عندهم وسالت عليها قالو هي سافرت بعدك
تاني يوم كان الامتحان قلقت عليها لسه ماجاتشي دخلت اللجنه وهي بردوا ما وصلتشي
الدسك بتاعها فاضي
اتصلت عليهم بعد ما المتحان خلص
قالو هي ما وصلتشي ازاي
والبلد اتقلب وفضلوا يدورا عليها لمده شهر
انا كنت في انهيار تام
وما كنتش بحل في الامتحان
وخلاص ما كنتش بشوف ايه اللي مكتوب من البكى وكانوا محملني مسؤليه اختفائها علشان ما سافرناش سوا
في اخر يوم من الامتحانات بكتب على ورقه الاجابه الاسم وكتبت الدور التاني قفلت الورقه وقمت وسيبت اللجنه وخرجت
في اليوم دا قالولي هي ظهرت
رحت لها قلت لها كنت فين كانت متغيرة
قالت امن الدوله اخدوها
ومن اليوم دا وانا ما كلمتهاش ولا هي كلمتني
وبقينا اغراب
وبعاد
وبقالي عشر سنين ما شوفتهاش الا مرة واحده

 

 

[زهرة بريه]

اقتباس المشاركة الأصلية كتبت بواسطة كلزار ومن اليوم دا وانا ما كلمتهاش ولا هي كلمتني وبقينا اغراب وبعاد وبقالي عشر سنين ما شوفتهاش الا مرة واحده

ايه النهايات الغامضه دى ياست الكل !!
أكيد فيه سبب تانى واصدقاء الطفولة بالذات
مهما كانت عيوبهم بيبقوا اقرب للقلب من اى حد تانى
"الحب الأول يدوم.."

 

 

[كلزار]

ماهو لازم عامل التشويق موجود ومستتر
انا بسال عليها واعرف اخبارها من غير ماتعرف
لكن ما شوفتهاش

هكملك بكرة

 

 

[زهرة بريه]

من غير ماتعرف..؟

ايه الحب اللى من خلف الأسوار ده؟!!

 

 

[دموع الورد]

اجمل اصدقاء اصدقاء الطفولة لكن مش داائما وكل قاعدة وليها شواذ
وعموما الصداقة شئ رائع جداااا
على فكرة يانونة انا بمووووت فى الاغنية دى جداااا وعملاها نغمة لاصدقائى الانتيم

 

 

[زهرة بريه]

اقتباس المشاركة الأصلية كتبت بواسطة دموع الورد اجمل اصدقاء اصدقاء الطفولة لكن مش داائما وكل قاعدة وليها شواذ وعموما الصداقة شئ رائع جداااا على فكرة يانونة انا بمووووت فى الاغنية دى جداااا وعملاها نغمة لاصدقائى الانتيم

أكيد كل قاعده ليها شواذ لكن الميزة فى مرحلة الطفوله انك قابلتى كتير حبتيهم كلهم بس لما بتعدى الايام وتكبروا مع بعض بتقدرى تحددى مين الاقرب لقلبك اللى تقدرى تقولى عنه بثقه دى صديقة عمرى..
وفيه ناس مش بتكون صداقة العمر فى الطفولة ممكن بعد كده.. عادى جدا
لكن انا عن نفسى أجمل اصدقاء عرفتهم فى حياتى فى المرحلة من اولى ابتدائى لـ 3 ثانوى وطبعا كانوا هما هما نفس الاصدقاء وطبعا كل سنه بتعرفى ناس جديده ممكن يدخلو قلبك او لأ..


اما الاغنيه دى بقى يا الهام ساعات من كتر مابحبها بكرهها اول مانزلت كنت لسه فى المدينه ايام الجامعه ..
نتلم كلنا فى اوضه ونقعد نغنيها ونعيط وما يحللناش النكد بقى غير ايام الامتحانات
هييييييييه ايام يابنتى ايام

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة زهرة بريه أصدقاء الطفولة.. هم أصدقاء العمر

الصداقة,,,الحب,,,,كل الأشياء الجميلة
لا تصبح غير ذات قيمة حقيقة إلا عندما تختبر.
إختبار حقيقي قاسي قسوة الحياة .
وعندها إما تنهار فنعرف أنها مشاعر سطحية وهمية .
أو تصمد بقوة فنعرف قيمتها الحقيقة ونكتشف أصالتها وساعتها يزيد عمقها .

أما أسوأهم فتلك التى يصيبها الشروخ فلا هي تنهار ولا هي تصمد بعنفوان.

 

 

[مزاياإنسانة]

موضوع رائع يا زوزي
بس عاوز روقان عشان أفتكر الذكريات الجميلة والوحشة مع بعض

 

 

[مزاياإنسانة]

موضوع رائع يا زوزي
بس عاوز روقان عشان أفتكر الذكريات الجميلة والوحشة مع بعض

اقتباس المشاركة الأصلية كتبت بواسطة Matrix الصداقة,,,الحب,,,,كل الأشياء الجميلة لا تصبح غير ذات قيمة حقيقة إلا عندما تختبر. إختبار حقيقي قاسي قسوة الحياة . وعندها إما تنهار فنعرف أنها مشاعر سطحية وهمية . أو تصمد بقوة فنعرف قيمتها الحقيقة ونكتشف أصالتها وساعتها يزيد عمقها . أما أسوأهم فتلك التى يصيبها الشروخ فلا هي تنهار ولا هي تصمد بعنفوان.

بصراحة كلام في الصميم