مداخلات خارجة عن سياق المواضيع في باب كندا

[الصاعد]

الصحف المصرية والعربية

=================

 

[cherie]

اخواني الاعزاء
أنا من المعجبين و المتابعين لمغارة المهندس إيهاب
و بعتبر اللي بيكتبه بمثابة diary شخصية و بها مواقف و لنكات مهمة
و الرجل ما بيقولش حاجة غير لما تكون موثقة ب-links أو صور
و بصراحة هو أكيد بيتعب عشان يعمل كدة, دة غير تضييع وقته
و لكنني أرى انكم قمتم بمهاجمة د. الصاعد مهاجمة شديدة

و على فكرة إختلاف الرأي لا يفسد للود قضية

د. الصاعد كتب كلامه متأثراً عندما علم بمعانات أصحابه في أيامهم الاولى
في المهجر و كان يتعشم بأن تكون مساعدات المهاجرين القدامى
إيجابية أكتر لتخفيف معانات المهاجرين الجدد
طيب مش دي فكرة م. سمية في مغارة التعارف عندما قررنا جميعاً
عمل كوميونيتي حتى نتفادى معاً صعوبات الايام الاولى في كندا.
و مش دة الكلام اللي بيتناقش دلوقتي في مغارة مهندس Z
و ازاي نعمل جالية
الدكتور فقط خانته كلماته من زعله و تأثره على اصدقائه
و احساسه إنه مكبل اليدين و مش قادر يساعدهم

مهندس إيهاب ، د. الصاعد
عفا الله عما سلف

مهندس إيهاب، مستنيين باقي ال-diary

د. الصاعد، من فضلك إدخل هنا و سجل بياناتك و إنضم
لل-community الصغير بتاعنا عشان يكبر;

https://www.almatareed.org/vb/showthread.php?t=11691


تحياتي

 

 

[great expectations]

انا جيت متاخر يبدو

لكن اللي هيقرب من ايهاب سالم ليس له الا

By qenawy8, shot with Canon EOS 450D at 2010-04-01

 

 

[abysaleh]

اقتباس المشاركة الأصلية كتبت بواسطة Ehab Salem صحيح ال ٥ % هي الحد الأدنى المفروض بالقانون ... بعد ذلك كل بنك حر في طلب المقدم المناسب حسب حالة كل عميل أنا أعرف ناس أخدوا ب 5% فقط مقدم أنا دفعت أكثر من 5% برغبتي مش إجبار من البنك أولا : عشان أقلل مكسب البنك مني ثانيا : عشان أخلص من القرض و أصبح mortgage free بأسرع ما يمكنني ثالثا : عشان مدفعش مبلغ إضافي شهري كتأمين على القرض و دي معلومه جديده لو هتدفع أقل من 20% من قيمة البيت مقدم ... بيتم إعتبار القرض العقاري high risk mortgage loan و البنك بيعمل تأمين على القرض في شركة تأمين و اللي بيتحمل التكلفه الشهريه المقترض مش البنك ناس كتير بتغلط و بتختار تدفع أقل مقدم يسمح به البنك و يفضلوا يحتفظوا بالكاش الإضافي معاهم و هما مش عارفين إن الفوائد اللي بياخدها منهم البنك على مدى عمر القرض ككل تساوي ثمن بيت أخر وإن أقل مبلغ يندفع Against the mortgage في شكل مقدم أو دفعات إضافيه pre-payment بيوفر مبالغ كبيره لأن الفوائد مركبه القاعده الذهبيه هي إدفع أقصى ما يمكنك كمقدم لو توفر معاك مبالغ إضافيه شهريا أو جالك bonus من شغلك أو راتبك زاد إدفعهم فورا كدفعات مبكره pre-payment حسب إتفاقك مع البنك بعض البنوك بتسمح من 5% لحد 25% شهريا و سنويا كدفعه مبكره طبعا البنك لا يفضل الدفعات المبكره لأنها تقلل من مكسبه و لنفس السبب لا يفضل المقدم الكبير أو مدة التمويل القصيره مش عارف معلومات زي دي يعتبرها الأخ الصاعد مفيده و ألا حكاوي قهاوي

صراحة معلومات دقيقة ومفيدة جدا ومش اي حد يقدر يقولها وخصوصا ان ناس كتير ممكن ينخدعوا زي ماحضرتك قلت ويدفعو اقل مقدم ولكن يدفعوا بعد كدا دم قلبهم
جزاك الله كل خير وفي انتظار تفاصيل اكتر عن المساكن وانواعها ومميزات وعيوب والفروق بينها ......الخ
والتعليم كمان يارب يخليك

 

 

[أكسيلانس]

مساء الخير يا بشمهنجس

أنا يا دوب أنقطعت يومين تلاته - ألاقي كل كل الحرب ديه - واضح أن الاخ - صاعد- الرجل لارستقراطي المنشأ , الشعبي الانتماء , الخليجي العمل , الكندي مسقبلا, عنده مشكله هويه مبكره - حتي أنه لا يفرق بين الصالح و الطالح - الي جانب أنميا الاتصال و التواصل - أذا كنت حزين علي زمرة أصدقائك الذين هاجروا و لم يجدوا من يساعدهم ,, و أعتصرتهم ظلمة الهجره الموحشه بلا رفيق أو صديق - أقول له يا أخ صاعد - ولهذا السبب نحن هنا - فأنا لن أتردد لحظه بالاتصال بأي أخ أو أخت من زملاء المنتدي لطلب المساعده أو حتي النجده أذا لزم الامر - و كلي ثقه أن من كان بمقدوره منهم المساعده فلن يتأخر - و لوكنت معاليك يا مون شير ,, متابع جيد منذ سنه كما تدعي ,, كنت ألممت بالكثير من المواقف الايجابيه و المجهود الجبار الذي يبزله الكثير من الزملاء للمساعده

منهم من وضع خلاصة مجهوده لأجتياز محنة المعادلة في الهندسه او الصيدله او المحاسبه ,, منهم من يوفر لك جهد أيام من البحث فيمدك بعشرات الللينكات للسكن و التعليم و الرخصه ,, العمل الكاجول - يا راجل ده الدكتور محمد (ميو) وضع أسماء مدراء و تليفونتهم لتسهيل الامر علي الناس ,, زملاء علي الاستعدلد لاستقبال أخوان لهم و توفير سكن مؤقت ,,

لكن عموما كويس أني مكنتش موجود في العركه ديه - أنا أي نعم أكسيلانسسسسسسسس قديم -- أقدم منك بكتير يا صاعد - لكن عندي عرق أتاكه تركي - بينأح عليه ساعات ,,, \لاكن يالهههه حصل خير صحيح يعني ,,

و رجاء للبشمهندس أيهاب و الاخ حمودي من الاشراف أذا لم يكن لديهم مانع من حذف كم المداخلات الكثيره في هذا الجدال - حتي نعيد التماسك لموضوع ايهاب بك - فسوف ياتي أخرين بعد شهور أو سنين يقرأو هذه المداخلات ,, و لا أعتقد أنه من الائق تشتتيت القارئ بما يزيد عن 5 صفح من الحديث العرضي


بشمهندس أيهاب -- حديثك عن البيت شيق للغايه - و خصوصا أن الشهر الماضي فقط أنتهيت من أقساط بيتي بالغردقه - و حلفت ما أنا داخل في قسط تاني ( بكرهه جدا ) لكن أتمني أن لا تشاهد المدام موضوع البيت ده حاليا لحد ما أفوق - لحسن أنا حاسس أني هكمل باقي عمري أدفع في أقساط بيوت

متابع يا فندم

 

 

[abysaleh]

اقتباس المشاركة الأصلية كتبت بواسطة أكسيلانس و رجاء للبشمهندس أيهاب و الاخ حمودي من الاشراف أذا لم يكن لديهم مانع من حذف كم المداخلات الكثيره في هذا الجدال - حتي نعيد التماسك لموضوع ايهاب بك - فسوف ياتي أخرين بعد شهور أو سنين يقرأو هذه المداخلات ,, و لا أعتقد أنه من الائق تشتتيت القارئ بما يزيد عن 5 صفح من الحديث العرضي بشمهندس أيهاب -- حديثك عن البيت شيق للغايه - و خصوصا أن الشهر الماضي فقط أنتهيت من أقساط بيتي بالغردقه - و حلفت ما أنا داخل في قسط تاني ( بكرهه جدا ) لكن أتمني أن لا تشاهد المدام موضوع البيت ده حاليا لحد ما أفوق - لحسن أنا حاسس أني هكمل باقي عمري أدفع في أقساط بيوت متابع يا فندم

اضم صوتي لصوت أ/اكسيلانس بحذف المداخلات .... اللتي تسببت في انحراف المسار الطبيعي للموضوع الاصلي
وذلك حرصا منا جميعا على ترابط الموضوع وعدم تشتت القارئ ـــوخصوصا الجديدـــ
وشكرا

 

 

[الأهلاوي الأصيل]

معلش يا إيهاب...يمكن المشاركة دي تاهت وسط المشاركات...

اقتباس المشاركة الأصلية كتبت بواسطة الأهلاوي الأصيل إيهاب عايز أسألك على costco إيه نظامه بالظبط وأسعاره شكلها إيه؟ وهو صحيح فعلاً ما أقدرش أشتري منه غير لما أعمل اشتراك ب 50 دولار في السنة وهل الوفر اللي هيحصل يستاهل...مستني ردك في الموضوع ضروووووووووووري جدا

 

 

[الأهلاوي الأصيل]

بجد ألف شكر ليكي..وانتي طيبة...كلك ذوق والله ودي مش حاجة غريبة عليكي
بمناسبة التورت والحلويات امبارح كنت سهران أذاكر كالعادة فحسيت إني هاموت وآكل حاجة حلوة نزلت اشتريت آيس كريم من Couche Tard الساعة 3 صباحاً... (دي عبارة سلسلة محلات بقالة فاتحة 24 ساعة بتبقى دايما جنب محطات البنزين Couche Tard للي ما يعرفش فرنساوي معناها نام متأخر ).
آه صحيح...ألف مبروك على نتيجة الأيلتس...سمعت إن فيه صواريخ ومفرقعات وحاجات كده...ما شاء الله...وربنا يكملهالك على خير إن شاء الله
ياريت تفتحي مغارة جديدة هنا وسط اخواتك...إن شاء الله المكان يعجبك هنا

اقتباس المشاركة الأصلية كتبت بواسطة Soso R مساء الخير: بعد إذن باشمهندس إيهاب ...أنا ممكن أرد على باشمهندس محمود الأهلاوى... أولا كل سنة و حضرتك طيب ...هابى بيرث داى...والسنة الجاية تكون حققت كل ما تتمنى وتكون الظروف بقت أحسن بكتير ثانيا كوسكو عنده تورت حلوة قوى ممكن تروح تجيب واحدة للأحتفال ثالثا... ممكن ما تعملش عضوية لو تعرف حد معاه عضوية وتروحوا سوا كل مرة تعمل شوبنج... أو تعمل عضوية و يطلع كارت ليك وآخر للمدام فيه تلات أنواع للعضوية: واحد ب 50 $ ده للى عندهم محلات أو مشروع تجارى واحد ب 55 $ للأفراد العاديين واحد ب 100 $ للأفراد برضه بس بيحسب لك نسبة على مشترياتك بحيث يرجعلك فلوس آخر السنة...تفريبا 2 % فيه نوع ماستر كارد حضرتك أقرا هنا هتلاقى كل التفاصيل اللى أنت عايزها و أنا من رأيى إنه ممتاز و يستاهل لأنه بيوفر جدا الحاجات كلها بالجملة...وجودتها ممتازة وفيه من الأبرة للصاروخ بس ما تشتريش منه خضار و فاكهة أرجو إنى أكون رديت على سؤالك أنا كنت ناوية أكتب عنه حلقة بالتفصيل الممل...بس منه لله الى كان السبب... كشفت راسى و دعيت عليه تحت المطر

 

 

[ehabtaher]

اقتباس المشاركة الأصلية كتبت بواسطة Soso R مساء الخير: بعد إذن باشمهندس إيهاب ...أنا ممكن أرد على باشمهندس محمود الأهلاوى... أولا كل سنة و حضرتك طيب ...هابى بيرث داى...والسنة الجاية تكون حققت كل ما تتمنى وتكون الظروف بقت أحسن بكتير ثانيا كوسكو عنده تورت حلوة قوى ممكن تروح تجيب واحدة للأحتفال ثالثا... ممكن ما تعملش عضوية لو تعرف حد معاه عضوية وتروحوا سوا كل مرة تعمل شوبنج... أو تعمل عضوية و يطلع كارت ليك وآخر للمدام فيه تلات أنواع للعضوية: واحد ب 50 $ ده للى عندهم محلات أو مشروع تجارى واحد ب 55 $ للأفراد العاديين واحد ب 100 $ للأفراد برضه بس بيحسب لك نسبة على مشترياتك بحيث يرجعلك فلوس آخر السنة...تفريبا 2 % فيه نوع ماستر كارد حضرتك أقرا هنا هتلاقى كل التفاصيل اللى أنت عايزها و أنا من رأيى إنه ممتاز و يستاهل لأنه بيوفر جدا الحاجات كلها بالجملة...وجودتها ممتازة وفيه من الأبرة للصاروخ بس ما تشتريش منه خضار و فاكهة أرجو إنى أكون رديت على سؤالك أنا كنت ناوية أكتب عنه حلقة بالتفصيل الممل...بس منه لله الى كان السبب... كشفت راسى و دعيت عليه تحت المطر

مافيش مشكله

احنا قررنا بما انك عندك خبره كنديه فى موضوع الشوبينج أن احنا كلنا نلح عليكى بفتح موضوعك المستقل عن الشوبنج هنا .. على فكره ده مش من ارائى لوحدى ده راى اللى بيروحو هناك ويلاقو الريح بتصفر فى شبا بيك القهاوى القديمه

 

 

[somayasaleh]

اقتباس المشاركة الأصلية كتبت بواسطة Ehab Salem صحيح ال 5 % هي الحد الأدنى المفروض بالقانون ... بعد ذلك كل بنك حر في طلب المقدم المناسب حسب حالة كل عميل أنا أعرف ناس أخدوا ب 5% فقط مقدم أنا دفعت أكثر من 5% برغبتي مش إجبار من البنك أولا : عشان أقلل مكسب البنك مني ثانيا : عشان أخلص من القرض و أصبح mortgage free بأسرع ما يمكنني ثالثا : عشان مدفعش مبلغ إضافي شهري كتأمين على القرض و دي معلومه جديده لو هتدفع أقل من 20% من قيمة البيت مقدم ... بيتم إعتبار القرض العقاري high risk mortgage loan و البنك بيعمل تأمين على القرض في شركة تأمين و اللي بيتحمل التكلفه الشهريه المقترض مش البنك ناس كتير بتغلط و بتختار تدفع أقل مقدم يسمح به البنك و يفضلوا يحتفظوا بالكاش الإضافي معاهم و هما مش عارفين إن الفوائد اللي بياخدها منهم البنك على مدى عمر القرض ككل تساوي ثمن بيت أخر وإن أقل مبلغ يندفع Against the mortgage في شكل مقدم أو دفعات إضافيه pre-payment بيوفر مبالغ كبيره لأن الفوائد مركبه القاعده الذهبيه هي إدفع أقصى ما يمكنك كمقدم لو توفر معاك مبالغ إضافيه شهريا أو جالك bonus من شغلك أو راتبك زاد إدفعهم فورا كدفعات مبكره pre-payment حسب إتفاقك مع البنك بعض البنوك بتسمح من 5% لحد 25% شهريا و سنويا كدفعه مبكره طبعا البنك لا يفضل الدفعات المبكره لأنها تقلل من مكسبه و لنفس السبب لا يفضل المقدم الكبير أو مدة التمويل القصيره مش عارف معلومات زي دي يعتبرها الأخ الصاعد مفيده و ألا حكاوي قهاوي

معلومة جديدة جدا علينا.....ومفيدة في نفس الوقت.....احنا مقررين من الاول اكتر من ال20 ٪ المقدم....لنفس اسباب حضرتك ده.....بس ما كناش نعرف كمان حكاية التامين؟؟؟


ربنا يبارك لحضرتك يا باشمهندس