اسم جدتها

[سهى يافا]

الصحف المصرية والعربية

السلام عليكم ورحمة الله وبركاته
هنا في فلسطين عندهم عادة الابن الكبير
بيسمي اول ولد على اسم ابوه و اول بنت على اسم
امه ابني الكبيرعادي عجبه الاسم مفيش مشكلة .
المشكلة مع بنتي الكبيرة مش عجبها الاسم
مع انه عجبني جدا لما سميتها و كمان الاسم قليل جدا في مصر ................
تفتكروا ليه كانوا بيسموا اسماء غريبة زي ست الدار
ست ابوها او بخاطرها
اسم بنتي سهيلة بالذمه مش حلو

 

[كلزار]

في كمان

ست اخواتها

والست
فوز
ام ابراهيم

ازاي وهي لسه صغيرة


خلاص خليها تسميها كلزار مش هتلاقي اغرب من كدا

تحياتي يا سها ايه رايك في مرٍحه

 

 

[سهى يافا]

اقتباس المشاركة الأصلية كتبت بواسطة كلزار في كمان ست اخواتها والست فوز ام ابراهيم ازاي وهي لسه صغيرة خلاص خليها تسميها كلزار مش هتلاقي اغرب من كدا تحياتي يا سها ايه رايك في مرٍحه

اسماء عجيبة ايه رأيك في جلفدان هانم
نورتي يا عسل

 

 

[مغتربة]

اسم حلو جدا ربنا يبارك لك

 

 

[مزاياإنسانة]

يعني يا سها بنتك زعلانة عشان سميتوها سهيلة ؟؟
والله سهيلة حلو جداً خاصة في لهجو الشوام بينطقوه أحلا مننا
قولي لها تحمد ربنا أنو مش عمشى ولا بتاعة ولا حاجة مضحكة
بس هو عادتن الوحدة بتزعل لمال تعرف أنها سموها على جدتها وأخواتها لاء أختاروا لهم أسماء تانية
حتى لو إسمها أحلا من اساميهم بس فكرة أن أنا سموني على جدتي إجباري بس
ولاحظت الحتة دي عند البنات بيعقدوا نفسهم بيها
أما الولاد عكسهم تلاقيه يفخر بإسمه لجده

على فكرة العادة دي برضه موجودة عند كثيرمن السعوديين تلاقي الأولاد كلهم لازم يسموا على أبوهم وعلى أمهم وبصراحة أنا ضد الموضوع ده بجد
لأنه بصراحة مثلا تلاقيهم طابور ستة عيال كلهم إسمهم مثلا إبراهيم أو محمد
ولما تندهي واحد منهم يردوا الستة مع بعض هههههههههههه
أخواتي الآن 3كلهم مسميين على إسم والدي كده مع أن والدي ماطلبش بس برضه لما سألوه إبتسم
يعني مارفضش

بس أنا قلت لبابا حرام عليك كفاية كده أنا حأقطع شعري
ليه ندور في دائرة واحدة ونعمل العيال طقم زي طقم الألمونيا
كفاية أول واحد يسمي والباقي خلاص هو حلا يعني الكل يسمي !!؟؟

من ناحيتي ماسميت على أبو زوجي ولا على أمه حتى ولا على أي حد
حتى لنا جبت رورو كتير قالوا حتسميها على إسم والدتك ؟؟
قلت لا هو البر بالأسماء لو كان كده كان سبقنا له نبينا محمد صلى الله عليه وسلم أو حتى أوصانا به
بس يا ستي
مع أن إسم والدتي نفس إسم زوجة إبراهيم عليه السلام ووالدي إسمه على إسم أحد الأنبياء
ومع أن إسم والدة زوجي ووالده أسماء حلوة بس أنا عندي أسماء عاوزة
أسميها مش مجبورة أسمي على حد ربنا يوسع علينا وإحنا نضيق على نفسنا ليه ؟؟!!

 

 

[نووووور]

جميل جدا اسم سهيله
ربنا بخليها ويحفظها ليكىىىىىىى

 

 

[Gatita]

ايوة حلو اسم سهيلة قوليلها هو فيه احلى من كده تقولك و احنا نرد عليها

 

 

[سهى يافا]

الله يخليكم ليه يا رب و الف شكر يا غاليين
عموما هي قررت ما تعمل
زي و سمت ابنتها ملك و ابنها عمر
مش على اسماء جدتهم ولا جدهم

 

 

[Gatita]

و اسمك كمان حلو بالنسبة لي احلى من ملك مع انه ملك اسم جميل كدالك

 

 

[سهى يافا]

اقتباس المشاركة الأصلية كتبت بواسطة Gatita و اسمك كمان حلو بالنسبة لي احلى من ملك مع انه ملك اسم جميل كدالك

الله يسعدك بس سهى اسم بنتي التانية مش
اسمي الحقيقي