شطب احمد العزبي من نقابة الصيادلة

[أحمد باشــا]

الصحف المصرية والعربية

قررت اللجنة التأديبية للنقابة العامة للصيادلة شطب الدكتور أحمد العزبى صاحب صيدليات العزبى الشهيرة من سجلات النقابة لامتلاكه سلسلة من الصيدليات فى مخالفة لقانون النقابة الذى لا يسمح بامتلاك أكثر من صيدليتين.

كانت هيئة التحقيق بالنقابة العامة للصيادلة أحالت "العزبى" إلى مجلس تأديب لما نسب إليه بشأن شراء أسماء صيادلة وامتلاكه سلسلة من الصيدليات المنتشرة فى العديد من محافظات مصر بالمخالفة للمادة 30 من القانون 127 لسنة 55 والخاص بمزاولة المهنة، واعتبار ذلك ترسيخا للاحتكار.

من اليوم السابع

اللي اعرفه ان العزبي كان بيحاول ينشأ نقابة جديدة للصيادلة ليتلافى هذا الموقف

السؤال الآن ما مصير صيدليات العزبي ؟؟؟؟ هل سيتم غلقها ؟؟

طيب غير العزبي فيه سيف و خليل و ربما أسماء اخرى ... هل يتم بحث حالاتهم ايضا ؟؟؟

 

[حسام]

العزبي؟
يتشطب؟
كدة البحر بقى فوق القلعة
يانهاااااااااااااااااااااااااااااااااااار
انا لسة بحاول أفهم الموضوع

 

 

[أحمد باشــا]

الظاهر ان الثورة غيرت فعلا

عمرنا ما شفنا حوت حد يقدر يؤنبه حتى

موش شطب و تأديب

 

 

[Prof]

طب ما فيش خلفيات منافسة تجارية ورا القرار ده؟
أو تكون اللجنة التأديبية دي ليها مصالح شخصية ضد العزبي؟

 

 

[Virus]

نقيب الصيادلة اللي نجح مؤخرا معروف عنه مواقفه المضادة لكل سلاسل الصيدليات الكبرى واللي كلت الصيديليات الصغيرة وخلقت منافسة غير متكافئة..

وطبعا كل مجتمع الصيادلة غير اللي بيشتغلوا عند العزبي هيفرح ويرقص لو اتاخدت قرارات حقيقية ضد كسر الاحتكار اللي الصيدليات دي بتمارسه..ايقاف العزبي في حد ذاته مش حل لمن لازم يكون في حل جذري فعلا..مهنة الصيدلة بتموت لصالح شلة حيتان العزبي وعلي وعلي وسيف ونورماندي والخ الخ..

يامسهل

 

 

[أم محمد إيهاب]

دعوه لموضوعي

مش موضوعي لكنه مهم جدا جدا... بداية النهاية هل اقتربت ؟؟؟ د. مصرية جزاها الله خيرا

اقتباس المشاركة الأصلية كتبت بواسطة Prof طب ما فيش خلفيات منافسة تجارية ورا القرار ده؟ أو تكون اللجنة التأديبية دي ليها مصالح شخصية ضد العزبي؟

يااااااااااااااه ده احنا بقينا بنشك في كل حاجة دلوقتي سوااااااء كويسة أو مش كويسة

صحيح اللي اتلسع من الشوربة ينفخ في الزبادي

وإحنا بقى لنا 30 سنة دلوقتي ربنا وحده اللي أعلم بحالنا



تحياتي

 

 

[سهى يافا]

اتعودو على التغير للافضل
ممتاز علشان تكون فرصة لغيره

 

 

[Prof]

اقتباس المشاركة الأصلية كتبت بواسطة أم محمد إيهاب يااااااااااااااه ده احنا بقينا بنشك في كل حاجة دلوقتي سوااااااء كويسة أو مش كويسة صحيح اللي اتلسع من الشوربة ينفخ في الزبادي وإحنا بقى لنا 30 سنة دلوقتي ربنا وحده اللي أعلم بحالنا تحياتي

غريبة أوي.. أمال مفروض نبصم على بياض ونصفق من غير ما نفهم التفاصيل والخلفيات؟

 

 

[بنت البلد]

دعوه لموضوعي

عدسة بنت البلد

لكن فهمونى أيه المشكله لو كان للصيدلى أكثر من صيدلتين أنا بتكلم بعيد عن الحيتان اللى زى العزبي

 

 

[أحمد باشــا]

اقتباس المشاركة الأصلية كتبت بواسطة بنت البلد لكن فهمونى أيه المشكله لو كان للصيدلى أكثر من صيدلتين أنا بتكلم بعيد عن الحيتان اللى زى العزبي

موش هيسيب فرصة لغيره

هيفضل يكبر و يتضخم لحد ما يبلع نص صيدليات البلد

في الآخر موش هيبقى فيه منافسة و المواطن هو الخسران