الثامن من يولــــــيــــو...جمعـــــة الحســـــــــاب

[Virus]

ياجماعة المرة دي الموضوع مش هزار ياننزل كلنا نرجع ثورتنا يا كل سنة وانتم طيبين..

بعد كل اللي حصل..تكتم تام على محاكمة الريس وولاده ومحاكمات اتأجلت لقتلة المتظاهرين وناس اتضربت واتهامات للشهداء وأهالي الشهداء بالبلطجة وضرب الناس في ميدان التحرير...

بعد كل ده لو مخرجتش مليونية هادرة تزلزل ميدان التحرير وتخلي المجلس يخاف تاني ويتلم..

يبقى خطتهم نجحت ونقابلكوا في الثورة الجاية إن شاء الله...

لما كنا بنعترض من الأول على حركات المجلس القرعة كان الكل بيقلك بلاش تشتيت للقوى..وكده كده الناس عرفت طريق ميدان التحرير!!!

فين ده؟؟

هي الناس نسيت طريق الميدان ولا إيه؟؟

ولا في لسه حد ساذج مصدق إن المظاهرات بتوقف عجلة الانتاج والهبل ده...في حين إنه لما المجلس يسيب البلد على صفيح ساخن كده حماية لمبارك والقتلة يبقى ده دفع لعجلة الانتاج!!!

امبارح سمعت أبو أحد الشهدا بيقول....في كل الناس اللي قعدوا يقولوا احنا معاك ومش هنسيب حق الشهدا؟؟ أنا مش شايف حد واقف جنبنا يعني من كل الملايين دي؟

أرجوك أرجوك...اعمل حاجة..انزل ميدان التحرير يو 8 وخد كل اللي تعرفهم ... دي لحظة حاسمة في مسار الثورة..متقولش ان ملحقتش المليونية دي نبقى نلحق المرة الجاية..

لأنه مش هيكون في مرة جاية غالبا...هيقعدوا يسرسبونا كده شوية شوية وهنقعد نشحت طلباتنا شوية شوية..

وياريت ادارة المنتدى زي ماتبنت الدعوة ليوم 27 مايو...تتبنى كمان الدعوة ل 8 يوليو..

نكون أو لا نكون

 

[Virus]

اسمع كويس قوي قوي الناس اللي ليهم شهداء حاسين بإيه..

قعدنا كلنا واتجعصنا قوي وتفاخرنا بثورة المصريين السلمية الحضارية والتاريخ والهام العالم وكل الكلام ده..

سلمية وفي ناس كانت بتموت كل يوم لأنها فقدت أعز من تملك..

وطلعنا خمسمية موضوع وخمسمية أغنية للشهدا..

بس كده..

ده اللي عملناه..

مش قادرين حتى نحاكم -مش نعدم- نقدم بس الظباط القتلة للمحاكمة..

يا الله..يا الله..

وياريت بس كده..دي في ظباط لسه بيمارسوا عملهم عادي جدا جدا..

ومش بس كده كمان..ده كمان متسابين يضغطوا على أهالي الشهدا ويساوموهم ويضغطوا عليهم ويهددوهم

بالذمة في كده!!! هو احنا هنّا على نفسنا قوي كده..

اسمع أبو الشهيد اسلام..مؤذن الأوقاف..بيقول عيالنا ماتت خرفان ثورة مش شهداء ثورة..ده احنا والله اللي خرفان ياشيخ صالح..

بيقولك الفاصل بينا وبينهم يوم 8 يوليو..

هتخذله؟

هتخذل نفسك؟

 

 

[حشيش]

اقتباس المشاركة الأصلية كتبت بواسطة Prof اقترح تثبيت الموضوع ده لأهميته.

تم

 

 

[Virus]

من مدونة ماعت وحملة جمع التوقيعات الالكترونية

أرجو قراءته بعناية..

في النهاية لايمكن لأحد أن يسرق ارادة الجماهير أو يتسلق عليها..لو حاول جماعة الدستور أولا رفع شعاراتهم فليس عندي أي شك أن الجماهير ستتصدى لهم..ولو حاول الإخوان رفع شعاراتهم فتسكتهم الجماهير أيضا..

فلنتحد فقط..فهذه هي الطريقة الوحيدة التي نجحت وعلينا أن نعود اليها بعد أن فشلت كل الطرق الأخرى!!

اقتباس نــداء إلى كل من شارك فى ثورتنا إلى كل من لازال يحلم بوطن ينعم ابناؤه جميعا بالكرامة والحرية والعدالة الضربات تتوالى كل يوم على ثورتنا وعلى ثوارنا: كل يوم يأتينا خبر تعيين أحد رجال العهد السابق فى موقع من مواقع المسئولية كل يوم نسمع باستمرار ذات السياسات التى ثار المصريون من أجل تغييرها كل يوم يأتينا خبر انتهاك جديد تقوم به الشرطة - مدنية أو عسكرية فان اعترضنا وعلا صوت اعتراضنا قوبل بالوعود التى لا تنفذ القتلة والمجرمون من كبار رجال الداخلية لازالوا من كبار رجال الداخلية حتى لو تم تبديل مناصبهم وزير الداخلية يدافع عن ضباطه مدعيا أنهم قتلوا الثوار دفاعا عن النفس وها هم يُرجئون المحاكمات إلى آجال بعيدة و يفرجون عن القتلة فُرقتنا هى التى تضعفنا فُرقتنا هى التى تمَكِّن لأعداء الثورة ماذا يفيد الجدل حول الدستور أولا أم الانتخابات أولا؟ لن نحظى بأى منهما: فالشعب سوف يفقد ايمانه بثورته وينفض عنا جميعا ماذا يفيد الجدل حول شكل الدولة إن كانت ستستمر تظلم الفقراء وتقمع المعترضين وتسبح فى فلك القوى الدولية المعادية لنهضتنا؟ أمامنا اليوم فرصة للخروج من عثرتنا هناك دعوة للتظاهر والاعتصام يوم الجمعة ٨ يوليو هل نخرج معا دون ان يرفع أي منا شعارا خلافيا؟ خلافنا موجود، لا نستطيع تجاهله، لكننا نستطيع أن نرسل رسالة واضحة: أيا كان خلافنا فهو لن يجعلنا نتسامح مع النظام الذى اسقطناه معا، ولن يجعلنا نتهاون فى التخلص من بقاياه أيا كان خلافنا فحين تأتى الضربات من أعدائنا سنتحد لمواجهتها وردها هذه رسالتنا ندعوا المجلس الوطنى، والجمعية الوطنية للتغيير، وكل من ينادى بالدستور أولا، ألا يصروا على أن يكون مطلبهم هو شعار يوم ٨ يوليو ندعوا الإخوان، وكل من ينادى بالانتخابات أولا، الى المشاركة يوم ٨ يوليو لنُظهر للجميع اننا لازلنا قادرين على العمل معا فيما يجمعنا، وأن تطهير مؤسسات الدولة - خاصة وزارة الداخلية - من الفاسدين، والقصاص من القتلة، وناهبى ثروات شعب مصر، لازال هدفنا جميعا

 

 

[fatfouta]

«أبناء مبارك» يتأهبون لـ«الغضب الثانية» بالتزامن مع «اعتصام التحرير» 8 يوليو

Sat, 02/07/2011 - 17:32

أكدت مجموعة من مؤيدي الرئيس السابق حسني مبارك، يطلقون على انفسهم «أبناء مبارك»، أنهم الآن بصدد التجهيز لـ«ثورة غضب أبناء مبارك الثانية»، في 8 يوليو بميدان مصطفي محمود، بالتزامن مع «اعتصام التحرير»، الذي يدعو لاستكمال مطالب الثورة.

وتطالب مجموعة «أبناء مبارك» بعدم محاكمة الرئيس نهائياً، بالإضافة إلى تكريمه عسكرياً .
وقالت سحر حامد أحد مؤيدي مبارك وعضو حملة عدم إهانة الرئيس، لايجب أن يهان رمز الدولة فهو قائدنا وله الكثير من الانجازات لا يمكن أن تمحي من التاريخ، وذلك تأكيداً لمقولته «سوف يحسم التاريخ مالنا وماعلينا»، متساءله: «ماذا يريد ميدان التحرير؟، فهو تسبب في خراب الأمن، وانهيار الاقتصاد وتدمير السياحة».
وأكدت حامد، أن ما يحدث الآن من قبل «ثوار التحرير»، قد يفجر «الأغلبية الصامتة» التي تعترض دوماً على ما جاءت به ثورتهم من اضطرابات أمنية واقتصادية تضر بنا جميعاً.

واستكملت حامد: «نحن نعلم جميعا أن الشهيد هو من يدافع عن الوطن من الشرطة، والجيش، فهل يعقل أن يحسب «مخرب» متعدي على الشرطة والممتلكات العامة شهيد، فمن يطلق عليهم شهداء هم خارجين عن القانون».
وقال يسري عبد الرازق، عضو ائتلاف مصطفي محمود، الذي يضم أعضاء مؤسسين لصفحة آسف يا ريس، إن النزول لثورة غضب أبناء مبارك الثانية بالتوازي مع «اعتصام التحرير»، مؤكداً أنه إلى الآن لم يتفق على مكان إقامة المظاهرة.
وأشارت أحلام بكري، أحدى مؤيدي مبارك إلى أن مطالب «ثورة غضب أبناء مبارك» ستصب كلها في مطلب عدم محاكمة مبارك، وإلغاء قرار رفع اسمه من المنشآت العامة، وأضافت «طالما اعتصام التحرير موجود، سنظل في اعتصامنا بمصطفي محمود، ففض الاعتصام مقترن بفض اعتصام ميدان التحرير».
وأضافت أحلام: «إن هناك مسيرات سوف تتحرك من ميدان المطرية، ومن السيدة زينب، بالاضافة إلى المشاركيين من الأقاليم نحو ميدان مصطفي محمود ليستقر الاعتصام هناك».


المصرى اليوم


https://www.almasryalyoum.com/node/473680

 

 

[إكرام يوسف]

كتبت الكلام ده يوم 17 يناير أيام الدعوة لـيوم الغضب 25 يناير

اقتباس المشاركة الأصلية كتبت بواسطة إكرام يوسف مجموعة أخرى ظهرت تدعو للخروج يوم 25 يناير حاملين شعار مبارك هو الأمان.. أو حاجة زي كده:lol: الجماعة دول ما بيعرفوش يفكروا لوحدهم..أنصار البرادعي يجمعوا توقيعات يقوم يطلع مجدي الكردي يجمع توقيعات لجمال مبارك.. التيارات المعارضة تعلن يوم 25 وقفة احتاجية في عيد الشرطة للاحتجاج على ممارسات الشرطة وتعذيب المواطنين.. يقوموا يخرجوا همه كمان يوم 25.. شغل عيال فعلا

مش ممكن هو.. هو.. نفس الغباء.. مافيش أبدا تفكير ولا تجديد.. مكسلين حتى يفكروا في تسمية جديدة..الثوار يشكلوا ائتلاف شباب الثورة يقوموا همه يعملوا ائتلاف مصطفى محمود.. الله يرحمك يا مصطفى محمود زمانك بتتقلب في تربتك .. الثوار يدعوا لمليونيات متعددة وينظموها.. دول بقالهم ست شهور بيهددونا بمليونات.. ورغم الفلوس المدفوعة، وجهود الفلول في التنظيم لغاية دلوقت مش عارفين يلمولهم كام مية ياولداه.. ربنا يهدي.. على فكرة دول برضه باعتبرهم من ضحايا المخلوع والفلول اللي قاعدين مرتاحين في مكانهم وبيستخدموهم.. بس ياترى بقى اشمعنى دول الحكومة مش بتفرقهم بالقنابل المسيلة للدموع والخرطوش والرصاص هه؟

 

 

[Tornado]

اقتباس المشاركة الأصلية كتبت بواسطة fatfouta «أبناء مبارك» يتأهبون لـ«الغضب الثانية» بالتزامن مع «اعتصام التحرير» 8 يوليو Sat, 02/07/2011 - 17:32 أكدت مجموعة من مؤيدي الرئيس السابق حسني مبارك، يطلقون على انفسهم «أبناء مبارك»، أنهم الآن بصدد التجهيز لـ«ثورة غضب أبناء مبارك الثانية»، في 8 يوليو بميدان مصطفي محمود، بالتزامن مع «اعتصام التحرير»، الذي يدعو لاستكمال مطالب الثورة. وتطالب مجموعة «أبناء مبارك» بعدم محاكمة الرئيس نهائياً، بالإضافة إلى تكريمه عسكرياً . وقالت سحر حامد أحد مؤيدي مبارك وعضو حملة عدم إهانة الرئيس، لايجب أن يهان رمز الدولة فهو قائدنا وله الكثير من الانجازات لا يمكن أن تمحي من التاريخ، وذلك تأكيداً لمقولته «سوف يحسم التاريخ مالنا وماعلينا»، متساءله: «ماذا يريد ميدان التحرير؟، فهو تسبب في خراب الأمن، وانهيار الاقتصاد وتدمير السياحة». وأكدت حامد، أن ما يحدث الآن من قبل «ثوار التحرير»، قد يفجر «الأغلبية الصامتة» التي تعترض دوماً على ما جاءت به ثورتهم من اضطرابات أمنية واقتصادية تضر بنا جميعاً. واستكملت حامد: «نحن نعلم جميعا أن الشهيد هو من يدافع عن الوطن من الشرطة، والجيش، فهل يعقل أن يحسب «مخرب» متعدي على الشرطة والممتلكات العامة شهيد، فمن يطلق عليهم شهداء هم خارجين عن القانون». وقال يسري عبد الرازق، عضو ائتلاف مصطفي محمود، الذي يضم أعضاء مؤسسين لصفحة آسف يا ريس، إن النزول لثورة غضب أبناء مبارك الثانية بالتوازي مع «اعتصام التحرير»، مؤكداً أنه إلى الآن لم يتفق على مكان إقامة المظاهرة. وأشارت أحلام بكري، أحدى مؤيدي مبارك إلى أن مطالب «ثورة غضب أبناء مبارك» ستصب كلها في مطلب عدم محاكمة مبارك، وإلغاء قرار رفع اسمه من المنشآت العامة، وأضافت «طالما اعتصام التحرير موجود، سنظل في اعتصامنا بمصطفي محمود، ففض الاعتصام مقترن بفض اعتصام ميدان التحرير». وأضافت أحلام: «إن هناك مسيرات سوف تتحرك من ميدان المطرية، ومن السيدة زينب، بالاضافة إلى المشاركيين من الأقاليم نحو ميدان مصطفي محمود ليستقر الاعتصام هناك». المصرى اليوم https://www.almasryalyoum.com/node/473680

دول ولاد ....................

 

 

[fatfouta]

إسمعوا أم شهيد مع بلال فضل انا شوفتها امبارح والله وطول الليل بفكر فيها

معها رصاصة وقعت من صدر ابنها وهو بيتغسل وهى اخدتها عشان ريحة ابنها فيها

لا حول ولا قوة إلا بالله

 

 

[Virus]

بنسبة 67% ..أعضاء صفحة خالد سعيد يصوتون مع النزول يوم 8 يوليو..يلاحظ إن في 5% لسه محسموش رأيهم..محتاجين جهد أكبر في الحشد من شباب الائتلافات..

أموت واعرف اللي مش عايز ينزل مش عايز ليه..عشان بابا بديع قال كده ولا عمو العوا..

ماعلينا..

 

 

[fatfouta]

الابنودى فى قصيدة رائعة لازم ننزل للناس