Arabic Discussion Forum with a Special Interest in Travel and Immigration

بنت شعنونة · 30th March 2009, 09:42 PM

دي احدث سلسلة من "بنات" افكاري

والله يا جماعا الست المصرية دي ليييييييييييييها الجننننننننننننننة

اخطبوووووووط ب راسين و 60 دراع فعلا
يعني بتاكل وتشرب وتشتغل وتحمي العيال وتنكد ع الراجل وعلى نفسها وتطبخ وتكنس وتغسل و تزعق للواد و تذاكر للبت وتنكش شعرها وتفشول وكله ببببببببببببببببببلاش كديه
واخرة اليوم يا عيني يا ولداه تحط راسها على المخدة كا "القطة" الوديعة ولا حمد و لا جميييييييييييييلة
وبرضه بتاكلها ب دقة وماشي

صللوا ع النبي بقى...

بنت شعنونة · 30th March 2009, 09:46 PM

صفحة 1

يالهو بالي؟
اتاري تربية العيال مش بالساهل؟؟
يعني اييييييييه اجيب لنفسي شبر ونص ويمكن اقصر عشان تنككككككككككككد على اللي جابوني عيشتهم؟
لا عارفا اكل ولا اشرب ولا اناااااااااااااااااااااااااام طيييييييييييب
ولو رحت السينما اتعامل معاملة الذبااااااااابة
كل خمس دقايق تسمع حد يقولك
ششششششششششششششششت

الله؟ ما انا عمالة اسكت البت اهو؟

واااااااااااء

ششششششششششششششششتتتتتتتتتتتتتتتتت

بس يا ماما يهديكي ربنا... هوووووووه هووووووه ههههههههوووووووووووه

وااااااء

ششششششششششششششتتتتتتتتتتت انتي يا مداااااااام مش عارفين نسمع الفيلم
اضطر اخد بعضي زي الدبانة كدا واشيل البنت واتنيل اقف بيها على باب السيما واقضي الفيلم سماااااااااااعي بس

واخرت المتمة عملوا سينما ممنوع دخول الاطفاااااااااال؟؟؟؟؟؟؟؟

طب اروح بيها فيييييييييييييييييييييييييييييين
اولع في نفسييييييييييي

حشيش · 30th March 2009, 09:48 PM

اقتباس

المشاركة الأصلية كتبت بواسطة بنت شعنونة


	دي احدث سلسلة من "بنات" افكاري والله يا جماعا الست المصرية دي ليييييييييييييها الجننننننننننننننة اخطبوووووووط ب راسين و 60 دراع فعلا يعني بتاكل وتشرب وتشتغل وتحمي العيال وتنكد ع الراجل وعلى نفسها وتطبخ وتكنس وتغسل و تزعق للواد و تذاكر للبت وتنكش شعرها وتفشول وكله ببببببببببببببببببلاش كديه واخرة اليوم يا عيني يا ولداه تحط راسها على المخدة كا "القطة" الوديعة ولا حمد و لا جميييييييييييييلة وبرضه بتاكلها ب دقة وماشي صللوا ع النبي بقى...

ربنا يديكوا الصحة

Excellence · 30th March 2009, 09:54 PM

عليه الصلاة والسلام..

صح وأكبر صح...

...كمان المصرية بتتميز بالروح الحلوة.. وخفة الدم.. والجدعنة.. بصراحة مافيش زيها... زي العسل..

مدام/ إكسلانس واقفة جنبي ... وبتسلم عليكي..

بنت شعنونة · 30th March 2009, 09:56 PM

شيشوووووووو
جبته لنفسك
استلم دي بقى

صفحة 2

حفلة لطيفة خفيفة و اقاربي كلهم فيها و الحياة جميلة وفيها اهم حاااااااااااجا في العالم
اراجوووووووووووز
احمدك يارب
ضمنت ان بنتي تركز في حاجا غير انها "تلزق" في ديلي

لابسا ومتشيكة وركبت العربية مع جوزي

زززززززززززووووووووووووو "صوت العربية"

وفجأة قررت بنتي الفاضلة انها تمشي برجلها على كل هدومممممممممممي
ف عملت موضت شبشب "طبيعة" على كل الفستان
اللي كان حظي هبااااااااااب ولونه اسسسسسسسود

يالهوووووووووووووووووووووي ( صرخة هستيرية)
- مالللللللك في ايه ( جوزي ب عصبية)
- ما انت شايف بنتك؟؟؟؟ دي عيشة قرررررررررف
- بقولك ايييييييييه احنا لسا ما رحناش المشوار.. استهدي بالله كدا ومش عاوزين نكد

"عقلي الباطن قالي لمي الدور ومش مشكلة ماحدش ها ياخد باله ان شاء الله"

وصلنا المكان

وكان البوفية ابتدى
هاااااااااااايل
عشان انا ها اموت من الجووووووووووووع

ووووووواااااااااااااااااااااءءءءءءءءء

والنبي يا احمد امسكها على بال ما اجيب اكل
- لالالالالالالالالالا يا ماما امسكي بنتك ماليش دعوة بيكوا

ماشي

شيل يا اخطبوطة البنت وروحي عبي طبق السلطة

طريق العودة للترابيزة طوييييييييييل
قررت اخده هرولة قبل ما ادلق الطبق على اللبس و تبقى بزرميطة بقى

وهوبااااااااااااااااااااااا

شلوت بسيط من الكتكوتة اللي على كتفي قلب الطبق كله عليا و اندلق واتكسر ع الارض

وهوبااااااااااا الاقي سهم ناري خرق من عين احمد واخترق قلبي الضعيف محمل بتوقيع

ها تدفعي تمن الطبق انتي يا حلوة

مصرية · 30th March 2009, 10:11 PM

إنتي زي العسل بجد كملي يومياتك بتفكريني بذكريات جميلة أوي أوي أوي الحقيقة.

بنت شعنونة · 30th March 2009, 10:27 PM

تييييتاااااااااا
تيتا
تيتا
تيتا

منظر شعنونة ب اذرعها ال 60- بتحااول تبعد ايد "يوشي" عن الكيبورد عشان اعرف اكتب السطر دا...

شكرااااااااااا يا مصرية يكرمك ربنا يا بنتي "وش بيعيط من الفرحة اني كتبت الكلمتين بعد ربع ساعا خنااااااااااااااااااااااااق"

nash · 30th March 2009, 10:57 PM

الله الله الله

من أولها يوميات جامده كده؟

مستمتعه جدا وانا بقراها ....

فكرتيني بالذي مضي

أكملي يا فتاة

بنت شعنونة · 31st March 2009, 12:04 AM

هوا ايه ياختي النظام دا؟
كل واحدا تدخل ترميلي الذي مضى و تمشي؟؟
مافيش واحدا الذي حضر خااااااااالص

هوا انتوا لسا شفتوا حاجاااااااااااااااااااااااا

لسا اليوميات طوييييييييييييييييييييييييييييييييييييلة

haya · 31st March 2009, 05:52 AM

اقتباس

المشاركة الأصلية كتبت بواسطة بنت شعنونة


	هوا ايه ياختي النظام دا؟ كل واحدا تدخل ترميلي الذي مضى و تمشي؟؟ مافيش واحدا الذي حضر خااااااااالص هوا انتوا لسا شفتوا حاجاااااااااااااااااااااااا لسا اليوميات طوييييييييييييييييييييييييييييييييييييلة

علشان خاطرك بس يا شانا ..فكرتيني بالذي يحدث و اللي لسه هايحدث في المستقبل

....إستمري يا فتاة ..

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
حازم صلاح ابو اسماعيل..عيب على شيبتك!	شؤون مصر الداخلية	د. يحي الشاعر	409	32074	3rd April 2012 09:34 PM
حشيش..مش نافع كدا على فكرة وانا ابتديت اتنرفز..!!	إقتراحات ... مشاكل تقنية	Rapt	27	3956	31st March 2012 04:25 AM
"حظ سعيد" خدت قفا على سهوة..!	صحافة ... إعلام ... سينما ومسرح	بنت شعنونة	0	1534	29th March 2012 09:05 PM
اضحك..كركر..او..الطم مع مرشحين الرئاسة!!	موضوعات عامة ... موضوعات خفيفة ... منوعات	rgydaa	83	14215	10th March 2012 07:21 PM
عايزة مساعدة عااااجلة :))	موضوعات عامة ... موضوعات خفيفة ... منوعات	بنت شعنونة	8	5559	2nd March 2012 01:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جائعون للحرية "1" .."مذكرات أسير"	أسامة الكباريتي	فلسطين أرض الرباط	0	14th December 2011 05:38 AM
مذكرات صلاح نصر ... "الــصــعــود"	د. يحي الشاعر	المخابرات والتجسس والجاسوسية	2	12th March 2010 09:44 AM
الأمن يصادر مذكرات قاضى "الجهاد الكبرى"	فــيــروز	منقوووووووووووولات	18	15th January 2010 09:56 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مواضيع شخصية

مذكرات"انثى" مصرية!!