حالة من النشوى

[bosy]

ودى كمان جميله على فكره علشان ماحدش يقول باحب كل المغنيين انا م باحبش خاااالص تامر عاشور بس فعلا الشريط الجديد اغانيه تحفه

 

[حشيش]

الفلاحة

 

 

[نانا]

 

 

[سمسه زوجة رجل مهم]

ههههههههههه

 

 

[هيشو]

الصورة صعبة قوي و عمري ماعملتها بصراجة لكن اكيد قعدت اسمع و النور خافت او مطفي خالص
لكن امتع وقت بسمع فيه و انا في العربية مش عارف لية

لكن مليش في الاغاني قوي انا بسمع موسيقى بس
و اكثر حاجة بحبها لياني : كيز او امجينيشان
او عمر خيرت :خللي بالك من عقلك

 

 

[Sweet Heart]

سيبني أعيش

الحقيقة ترددت كثيراً قبل أن أتخذ قراري بعرض هذا الأوبريت على سيادتكم، ولكني أخيراً إستجمعت شجاعتي وتغلبت على ما إستشعرته من حرج وقررت مشاركتكم به، هذا الأوبريت بعنوان سيبني أعيش يقوم بأدائه مجموعة من المرنمين المسيحيين، لا يحمل رسالة دينية لدين بعينه ولكنه يحمل رسالة للإنسانية جمعاء فهو يخاطب الضمير الإنساني وضمير العالم ليثور ضد العنف والظلم والعدوان، يعرض على ضميرنا ما تخلفه الحروب وما يخلفه القتل والعدوان على النفس البشرية من دمار، يعرض صورة أقرب ما تكون لما يعانيه إخوتنا الفلسطنيين بالوطن الشقيق، أرجو أن يحوز إختياري على رضائكم .

كلمات الاوبريت

-1-
أُم وحَاضنه ضَناها بحُرقه
وِبتِبكى مِن نار الفُرقَه
جَسمه مِتَلِّج جِتِّتُه زَرقه
وبينزِف ومفيش إسعاف

قبل ما يكتر ويزيد ألمه
كان فى الفَصل وماسِك قَلَمُه
فَجأة المَريَلَه شربِت دَمُّه
مات ولا حَد سِمع ولا شاف

مش فاهمين … إحنا هناخُد إيه مـ الدُّنيا غير شِبرين
يِعجِب مين … ليه فيه ناس مظلومه وناس تانيين ظالمين

القرار
دُنيا ومين هَيخَلِّد فيها
طَب ليه نِقتِل بَعض عَليها
حَتَّى كَفَنَّا مالوهشى جيوب

ياللى لا تِنعَس ولا بِتنام
ده العُمر إللى مافُوهشى سلام
عُمر وضايع مش مَحسُوب

يا مولانا إسمَع لِدُعانا .. فيه جُوَّانا سَواد وذنوب
يا سَيِّدنا ساعِدنا إسنِدنا .. وإنجِدنا وكفايه حروب

-2-
والأم دى ماتِت مِن جُوعها
جَف لَبَنها إديت له دموعها
لكن ماتت حاضنه رَضيعها
ماتت حاسَّه بنار ومرار

طِفل بيُصرُخ ويقول آه
وأبوه بيصَرَّخ ويَّاه
أصل منين هيجيب لُه دواه
وعلى الدَّوا والأكل حصار

حَد يحوش … حَد يحِن دى ناس بتإن وشَعب حَزين
إحنا وحوش …وللا بنِنسى إن إحنا أساساً بنى آدمين

-3-
أصوات إنفِجارات ومَدافِع
ناس بِتهاجِم ناس بِتدافِع
أنا مش عارِف إيه الدَّافِع
إيه بيخَلِّى الدَّم يسيل

أو ليه تِبدَأ بالعِدوان
لو إنسان طَب ما أنا إنسان
أنا من حقى أعيش فى أمان
من غير خوف ودموع وعويل

سيبنى أعيش … ماتقَرَّبش لبَلَدى وبيتى ماتِرهِبنيش
سيبنى أعيش … عايز أنام بالليل فى أمان ما تهَدِّدنيش

-4-
مين هَيوَقَّف ضَرب النَّار
حَرب ودايره ليل ونهار
وبيوت تتهد وتِنهار
وجَناين تِصبَح خَرابات

صَواريخ وقنابل ورصاص
ناس مِن ناس تانيه بتِنداس
إيد مَرمِيَّه وجَمبَها راس
وجَسَد بَقَى أجزاء وفُتات

ذنبهم إيه … ناس أبريا بتموت أنا باأسأل غِلطوا فـ إيه؟
كل ده ليه … … ناس بِتموت وِمَنِلقاش قَبر نشيلهم فيه

-5-

ليه بَقَى فيه أسلِحه نَوَوِيَّه
صِراعات وَحشِيَّه ودَمَوِيَّه
ومَفيش فى الكوره الأرضيه
حِتَّه مَفيش جُوَّاها خصام

إرحَمنا يارب إرحَمنا
هات من تانى يارَب سَلامنا
داوى جراحنا وإشفى آلامنا
إحنا فـ مِحنه كَما الايتام

فين يا ضمير .. فين يا ضمير العالَم صُوتَك ساكِت ليه
حِمل كبير … فوق ضَهرنا شايلينُه ودايماً ماشيين بيه

-6-
يا إلهنا عَشان إنتَ معانا
وإيديك ساندانا وشايلانا
عَلَشان واخِد بالَك مِننا
وسط العنف سلام يملانا

لينا فـ قَلب العالَم ضيق
ومفيش حاجه تبِل الرِّيق
بس العالَم إنتَ غلبتُه
يَعنى هَتُفرَج لَمَّا تضيق

وقت الخُوف … مش بنخاف . جُوَّانا إيمان مِدِّينا أمان
مهما نشُوف … مهما نقابِل عَتمه هيجى النُّور ويبان

-7-
يارب إحنا كتير دَمَّعنا
وحزِننا وكِترِت أوجاعنا
على الحُب يا رَحمَن جَمَّعنا
خَضَّر تانى الأرض البُور

نَشِّف دَمعِتنا على خُدودنا
دافِع عَنَّا وإحمى حُدودنا
خَلِّى سَلامَك إنتَ يسُودنا
مَشِّى الضَّلمه وإبعَت نُور

مِد إيديك … مالناش غيرَك وَقت الضِّيقَه بنِهرَب ليك
مِد إيديك … إحنا تِعِبنا وجينا وسيبنا حمولنا عليك

 

 

[ALSWIFY]

اقتباس المشاركة الأصلية كتبت بواسطة Modest مدّاح القمر عاشق ليالي الصبر مداح القمر عشق العيون السمر غوّانى السهر لولا النهار فى جبينك لولا الورود فى خدودك لولا الأمان فى وجودك ما كنت هويت ولا حبيت ولا حسيت بطعم الحب يا عمري قدك المياس يا عمري أيقظ الإحساس في قلبي أنت أحلى الناس في نظري جل من سواك يا عمري يا شعر ليل يا ليل يا ليل وفارد ضفايرك عالقمر يا قمر يا قمر يا أبو ضحكة حلوة منورة ليل السهر يا ليل يا ليل يا قمر يالى حسنك خلى دقات القلوب بتقول آهات أه أه أه أه يا ما قالو أشعار كتيرة وحكايات وحكايات و ليلاتي بيحكوا في هوايا و كلام عن رمش اللي رماني و الليل بيطول وياهم و يقرب لي فرحة عمري قدك المياس يا عمري أيقظ الإحساس في صدري إنت أحلى الناس في نظري جل من سواك يا عمري عيني يا عيني يا عيني عيني عليكى كل القلوب بتدوب بتدوب حواليكى يا عيني أما أنا وحدي أنا باشوفك بس بعيون غير عيون الناس و احبك بكل ما في القلب من إحساس أما أنا وحدي أنا باشوف الحزن متدارى ورا الضحكة اللي فى عنيكى و باسمع فى رنين صوتك شجن وياريت اللي كتير وصفوكى كانوا ياخدوا عينيا يشوفوكى كانوا بقلوبهم حبّوكى زى ما حبيتك أنا وقلبي قدك المياس يا عمري أيقظ الإحساس في صدري انت أحلى الناس في نظري جل من سواك يا عمري موال عاشق بقيت موال وقصتي بتنقال للناس وللعاشقين قالوا فى الموال قالوا عن اللي صبر ونال قالوا من بعد صبر سنين و انا اللي قلبى خلاص ارتاح أنا أنا وبقيت فى دنيا من الافراح أنا أنا ومشيت يا ليل مشوار طويل ولا قولت مرة مستحيل ومشيت عالشوق ما رجعني لحد الحب ما طاوعني وبقيت انا والحلو حكاية عمر ما هايبقى لها نهاية طول ما انتى يا حبيبتي معايا هاتنور لي أيام عمري قدك المياس يا عمري أيقظ الإحساس في قلبي أنت أحلى الناس في نظري جل من سواك يا عمري جل من سواك يا عمري [line] إضغط هنــــــــــــــــــــــــــــا لتحميل الأغنية

من اجمل الاغاني اللي كلها مشاعر واحاسيس مرهفه
بجد عبدالحليم ابدع فيها

 

 

[haya]

اقتباس المشاركة الأصلية كتبت بواسطة حشيش أحياناً أشعر بحالة من النشوى والإسترخاء وأنا أستمع إلى أغنية معينة ..... أقوم بتخفيض الإضاءة فى الغرفة وتغطية رأسى ووجهى بغطاء سميك كما فى الصورة ا

الكيس الرومانسي ده هو اللي فكرني بحاله النشوي

اللي باحس بيها لما باسمع الاغنيه ديه لأصاله

 

 

[النجم الثاقب]

اقتباس المشاركة الأصلية كتبت بواسطة haya الكيس الرومانسي ده هو اللي فكرني بحاله النشوي اللي باحس بيها لما باسمع الاغنيه ديه لأصاله

الاغنيه دى مش عارف هيه حزينه و لا سعيده .. كلام الاغنيه يعبر عن الفرح و اللحن و جو الاغنية حزين .. بس بجد من احلى ما غنت اصاله .. لو كنت هختار كان يبقى نفس الاختيار ده

 

 

[haya]

اقتباس المشاركة الأصلية كتبت بواسطة النجم الثاقب الاغنيه دى مش عارف هيه حزينه و لا سعيده .. كلام الاغنيه يعبر عن الفرح و اللحن و جو الاغنية حزين .. بس بجد من احلى ما غنت اصاله .. لو كنت هختار كان يبقى نفس الاختيار ده

ماهوده المود االي الواحد بيبقي فيه جوه الكيس يا نجم
لا بجد بجد هيا اغنيه سعيده طبعا بس درجه من درجات السعاده الكبيره جدا الممزوجه بالراحه النفسيه الرهيبه
اللي تحسسك انها مش مجرد سعاده مؤقته لكن سعاده حقيقيه
الحب والحزن حالاتان لا تفترقان