إزاى العربية بتدور فى تلج كندا الصبح؟!

[GSoleiman]

الصحف المصرية والعربية

اقتباس المشاركة الأصلية كتبت بواسطة مفيش فايده كالجاري بندر برضه يا عم حشيش و عايمين على البترول عوم (تاني أكبر إحتياطي في العالم بعد السعوديه) اللهم لا حسد يا عم جورج بس الدنيا عندهم أبرد لإنهم فوق في الشمال شويتين

فعلاً كالجري بندر... أنا بصراحة عجبتني أكتر من mississauga إلي عايشة فيها أختي من 8 سنين...

هنا الناس أقل والطبيعة حلوة أوي عشان ال-rockies... والأحلى طبعاً البترول... ربنا يديمها نعمة بقى...

انما بردو الجماعة بتوع ال-IT Consultations عيني عليهم باردة... كام software على database على interface على مش عارف إيه تاني بصراحة... وعبي يا ريس بالشوال...

أنا طبعاً مش باقر يعني ولا أي حاجة...


ربنا يزيدك يا هندسة ويسعدك...


تحياتي

 

 

[ramyfathalla]

اقتباس المشاركة الأصلية كتبت بواسطة حشيش أنا عارف إن حمودى والريس جناوى وبايو حيلقحوا الموضوع ده فى الأرشيف بس بصراحة أنا مستغرب إزاى العربية بتدور الصبح فى كندا فى الشتاء ودرجة الحرارة ممكن تكون 20 تحت الصفر؟! ... يعنى بتدور على طول ولا بتقعد تترعش وبعدين تبطل؟ ... يعنى بتغلبكم الصبح على ما بتدور؟ ... إعدلونى بقى عالقبلة قبل ما الموضوع يتحذف

كل اللى شغل تفكيرك ازاى العربية بتدور فى البرد يا حشيش
أومال الناس اللى هناك دايرة ازاى ده لما باشوف التلج باترعش
ده الواحد لما بيطول فى اللعب فى الفريزر بتاع الثلاجة شوية عظامه بتوجعه
و ده ايه درجة حرارة -15 بالكتير قوى
ما بالك -22 ايه ده الناس بتمشى ازاى فى الشوارع
عن اذنكم لأحسن جالى برد من الكلام

 

 

[ehabtaher]

اقتباس المشاركة الأصلية كتبت بواسطة مفيش فايده كالجاري بندر برضه يا عم حشيش و عايمين على البترول عوم (تاني أكبر إحتياطي في العالم بعد السعوديه) اللهم لا حسد يا عم جورج بس الدنيا عندهم أبرد لإنهم فوق في الشمال شويتين

حاجه غريبه
هو البترول ده يا موجود فى حته حر بدون تفاهم يا برد بدون تفاهم
مافيش وسط يعنى ..

 

 

[ana_3enady]

دعوه لموضوعي

RobertInole

ياسطى بيولعوا تحتها فحمايتين وهي تسخن

 

 

[الأهلاوي الأصيل]

قبل ما آجي كندا كنت مرعوب من موضوع البرد وإن الواحد أول ما يتعرض للهواء الخارجي هيتجمد فوراً
هو أسبوع واحد بس والواحد اتعود ، يعني لما تبقى درجة صفر ولا ناقص 2 ولا تلاتة يقول الجو حلو النهاردة ويلبس هدوم خفيفة (مش خفيفة قوي)...لدرجة إني بقيت أشك إن المقياس اللي بيقيسوا بيه درجة الحرارة في كندا غير اللي كانوا بيقيسوا بيه درجة الحرارة في مصر.
بخصوص العربية ، الحمد لله ...ما شاء الله يعني...بتدور كويس الصبح بغض النظر عن درجة الحرارة وعمر ما صادفتني مشكلة في تدويرها

 

 

[ana_3enady]

دعوه لموضوعي

RobertInole

على الهامش ..

شيشو .. انت ناوي تخلى بخالتي أم شارلز وتخلع على كنكا

 

 

[دنتستاوي]

اعتقد ان حل المشكله دي سهل جدا بتضرب على البطاريه بطوبه ضربتين حلوين وتدور الكونتاك ويكون معاك اتنين كنادوه من اصل افريقي يزوقوا معاك العربيه كام متر كدا لغايه ما تمشي وماتنساش تكتب على ضهر العربيه الحلوه عليها اقساط منعا للحسد ............. :)

 

 

[حشيش]

أقصى درجة برودة صادفتها كانت 6 درجات تحت الصفر وهى رقم غير معتاد فى شتاء بريطانيا بصفة عامة حيث لا تتعدى الحرارة درجتين أو ثلاثة تحت الصفر فى بعض الأيام فقط طوال موسم الشتاء مش طول الشتاء ... لكن 22 تحت الصفر مش متخيلها وبرده مش عارف كمية الوقت اللى بتحتاجها علشان تسيح التلج من على الزجاج الأمامى وتفتح الأبواب وتسخن الزجاج الخلفى وغيره ... فيه عندى الـ Anti-Freeze لكن ساعات الأبواب والشبابيك مش بترضى تتفتح لما الحرارة بتكون تحت الصفر ... يعنى الريموت بيشتغل لكن الباب مش بيرضى يتفتح

 

 

[ana_3enady]

دعوه لموضوعي

RobertInole

اللي باستغربله .. ازاي العربيات بتدور في الخليج

 

 

[Ehab Salem]

اقتباس المشاركة الأصلية كتبت بواسطة حشيش .. فيه عندى الـ Anti-Freeze

متفكرنيش .... أنا مره حبيت أوفر و زودت مية المساحات ميه عاديه ... كنا في الصيف و قلت هأستهلكهم قبل الشتا و نسيت ...جه الشتا و دق البيبان و خزان مية المساحات إتجمد يا معلم و بقت حوسه ... روحت جبت جنكن أنتي فرييييز و جبت دفايه و حطيتها تحت العربيه عند تانك مية المساحات و كل ما يسيح شويه أطردهم بره و أزود أنتي فرييز ... لحد ما طلعت كل الميه العاديه ... كانت حوسه لأن الميه العاديه لما بتتجمد بتتمدد و كان ممكن تكسر الخزان و الأنابيب