Arabic Discussion Forum with a Special Interest in Travel and Immigration

ابن النيل الاسمر · 27th June 2013, 06:09 AM

غبت عني الليلة مالك
يوم بدونك ياحبيبي
قاسي مابيمر بدالك
اصلي مشتاقي ياحبيبي
ديمة اغرق في جمالك
انت زاهي وانت ناضر
ليه تزيد اسباب دللالك
كنت راجيك بالازاهر
قلبي مشتاق لوصالك
غبت عني الليلة مالك
×××
ياحبيب العمر انت
جيت ولي ايامي زنت
بمواهبك بمشاعرك
لما جيت في دربي بنت
سبت كل ايامي بهجة
وكيف قدرت الليلة غبت
تبقي كيف الدنيا دونك
لو ثواني ابتعدت
كيف تغيب يوم بحالو
وتسيبني في الدمعات غرقت
وبمشاعرك افتتنتا
وعارفني مابقدر بدالك
ياخي حارم وصلي مالك
وقلبي مشتاق لدلاك
غبت عني الليلة مالك
×××

mahir baik · 27th June 2013, 09:52 AM

من أجمل ما كتب محمد بشير عتيق
غناها أولا عبد الحميد يوسف ثم عثمان حسين
.
.
حارم وصلى مالك يا المفرد كمالك
مع طول إنصرامى وتعذيبى وضِرامى
ما إستهوانى غيرك وما إتبدل غرامى
أسهر ليلى وحدى أروى غناك وجدى
وبى حسن إختيالك لى قلبى إغتيالك
ولا زال شوقى نامى
استلطف منامى واستعطف خيالك
طرفى إذا تأمل
فى حِسان المواكب وضياء الكواكب

البدر المكمل

برضى أراها دونك بل وحياة عيونك
أنت لطيف وأجمل
يا حلو الأمانى ويا روح المعانى ويا لحن الأغانى
يا درة نظامى ويا زهرة ظلالك
أنا واحد غرامى وأنا شاعر جمالك

ابن النيل الاسمر · 30th June 2013, 02:48 PM

رحم الله العتيق المعتق الذي رحل عن الفانية ولم يملك شئ وهو قد صال وجال في ميداين الادب الرفيع فكان ماهرا ياماهر في نظمه رحمه الله رحمة واسعة والتقيته وانا في صباي الباكر وتعلمت منه الكثير شكرا جميلا ماهر

جني الحسن · 30th June 2013, 06:37 PM

معاني مرهفة الحس

ابدع في كلماتك الرائعة

تحياتي ابن النيل الاسمر

دمت بخير

ابن النيل الاسمر · 1st July 2013, 07:37 AM

سلمت اناملك جني الحسن وكن بالقرب نكن سعداء بالاطلاله الدائمه شكرا جميلا

ابن النيل الاسمر · 13th August 2013, 08:52 AM

مشتاقين
نشوف لمتين رموش العين
نكلم ناس هناك باسمين
يحفو دروبنا بالياسمين
مشتاقين
نعانق في دروب شوقك
ونرسم في خطي مروقك
ومنتظرين سماح عينيك
وشروقك
متين ياغالي انت تطل
ونعانق فيك شموس بتهل
رموشك كابية زي الظل
وبيك اعماقنا بتهلل
حبابك جيت
وجبت معاك سني الازهار
شتل الفل والنوار
حلاتك ياشتيل ناضر
مليتها دروبنا بالانوار
هاك عينينا ليك تذكار
وقلبونا اليك سماحة ودار
ولم تغيب قليل لحظات
بتبقي الدنيا فاقده حنان
وتبقي العين بدون انسان
نشوف من بعدك تاني شنو
ظلام الكون وفاقد امان
وحات عينيك لما تهل
بتبقي الدنيا نور وجنان
دوام خليك في جوارنا
بنسعد نحن يافنان
ونفرح بيك يافنان

Dr/mohammed · 13th August 2013, 10:54 AM

ما شاء الله كلمات رائعه
بالتوفيق

ابن النيل الاسمر · 14th August 2013, 11:54 AM

مرورك هو الاجمل دكتور محمد كن بالقرب نسعد

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
بنحبك يامصر	أدب وشعر وقراءات متنوعة	ابن النيل الاسمر	6	872	4th September 2013 09:31 PM
دنيا تشرق من جبينك	أدب وشعر وقراءات متنوعة	ابن النيل الاسمر	0	1005	31st August 2013 02:57 AM
يازاهي	أدب وشعر وقراءات متنوعة	ابن النيل الاسمر	0	966	25th August 2013 09:21 PM
عيونك دول	أدب وشعر وقراءات متنوعة	ابن النيل الاسمر	1	1227	19th August 2013 03:39 AM
بنحبك يامصر	ثورة مصر ... 25 يناير 2011	ابن النيل الاسمر	0	1161	16th August 2013 09:17 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

غبت عني الليلة مالك