الكوبايه دي فيها ايه يا مرسي !!

[aymanology]

الصحف المصرية والعربية

اقتباس هههه شكرا أيمن على "نقلك" للخبر ليس إلا ... العفو يا تامر .. دا واجب عليا بس للأسف في ناس بتنشر أخبار من باب العيار اللي ميصبش يدوش... ياباشا الخطاب بتاريخ 19 يوليو يعني من اكتر من 3 شهور .. وهنا في مصر ولا حس ولا خبر .. ولا حتي جابو سيره السفير ولا اسمه .. في حين ان المجتمع الاسرائيلي بيعتمد علي الصراحه والوضوح .. مش زينا بأه بالذمة ده نص رسالة حقيقية ؟؟ يعني في حد مصدق ان دي رسالة دبلوماسية بجد؟؟ اه في حد .. دي رساله بتتبعت مع السفير لتقديم اوراق اعتماده وبتكون بصيغه وديه .. لكن مش لدرجه صديقكم الوفي !! للأسف طول ما المعرضة "ضعييييفة" الى هذه الدرجة ، مفيش حاجة حتتصلح... وطائج النهضة مش حيطير أصلا ولا حيتمشى حتى! مش عارف فين المعارضه هنا ؟؟ وايه علاقه المعارضه بخطاب من مرسي لصديقه الوفي بيريز ؟؟ هو الذي نشر الخبر جورنال معارض؟؟ ولا يمكن قصدك بالمعارضه الضعيفه انا ؟؟ عموما..."أنا مش من الإخوان.. بس بأقول لازم نديله فرصته"

وماله يا باشا .. اديله فرصه واتنين وعشره كمان .. وخلينا نتفرج

 

 

[جرديز]

طب فين صورة طبق البغاشة اللي اتبعت مع الخطاب .

 

 

[مصطفى العمدة]

رسالة الرئيس مرسي إلى جنكيز خان ..

وماحدش يقولي فوتوشوب لأن مكانش فيه فوتوشوب أيام المغول

اى خدمة علشان احنا بنصدقى اى حاجة فى اى حاجة عن اى حاجة

 

 

[مصطفى العمدة]

ولو عاوزين كمان رسايل مرسى لهتلر وهولاكو وكفار قريش كله موجود

 

 

[مصرى فقط]

يا جماعه ممكن نرسى على بر
جماعة مرسى يتدافع عن الرسالة مرة بنشكك فى الرسالة وعملولنا رسائل لهولاكوا العظيم صديق مرسى من ايام الجيزة
ومرة قالوا ان الرسالة صحيحة ولكن ده نص بروتوكولى الناس الى زينا مايفهموهوش
ولكن الكل متفق على انهم مش اخوان ولازم نديله اللى نقدر عليه وهانيالك يافاعل الخير والثواب

 

 

[aymanology]

علي فكره الرساله انا مش شايف فيها حاجه غلط ..

اطلاقا ..

الغلط هو في الفكر العنتري والجهجصه علي الشعب .. لكن ساعه الجد .. مفيش فرق بين مبارك ولا مرسي ولا حتي الجن الازرق


العيب مش في الجواب ..

العيب في اللي مفهم الناس اننا خلاص هنولع في اسرائيل وهنلغي كامب ديفيد .. لكن في جوابتنا ليهم نقول لهم .. وبكل وكسه وانكسار " صديقكم الوفي" !!

 

 

[مصرى فقط]

والله ياجماعة جماعة احنا مش اخوان دى غلابناه اوى مع الناس بتوعها
مرة يطلع بلكيمى(انا عارف انه مش اخوان) وتتصدى له بالدفاع بما اتويت ممن كي بورد ويطلع مثل بينوكيو كل ما يكذب مارخيره تطول قال يعمل عميلة ويرتاح
مرة اسد الاسلام حازم حير الناس معاه دى امريكية لأ
ده جيرن كارد لأ ده كرات اخضر
دى مسجلة فى الانتخابات لأ كل واحد يعبر اميركا حتى ترانيزت بينتخب
دلوقتى الصورة دى اتعملت بعد صورة هولاكو
طيب خد الخبر ده
https://new.elfagr.org/Detail.aspx?nw...2#.UIBtE6mTt_9

 

 

[تومى]

اقتباس المشاركة الأصلية كتبت بواسطة aymanology قام الرئيس مرسي بتعين سفير مصري "عاطف سالم" سفيرا لمصر في اسرائيل !! وقام السفير بزياره رئيس وزراء اسرائيل بيريز في منزله .. وقدم له خطابا هاما من مرسي !! وطبعا خلال الزياره تناولوا كأسا من الماء المثلج ما علينا .. الاخطر من دا كله .. هو الخطاب الذي حمله السفير المصري الجديد من مرسي الي بيريز السيد الرئيس .. الذي لم يذكر اسرائيل بتاتا علي لسانه !! يقول في خطابه : لما له من شديد الرغبه في اطراد علاقات المحبه التي تربط بلدينا وفي مقطع اخر يقول : بان يعرب لفخامتكم عما اتمناه لشخصكم من السعاده ولبلادكم من الرغد وفي نهايه الخطاب : ايها الصديق العزيز .. صديقكم الوفي .. محمد مرسي المصدر

بسم الله الرحمن الرحيم
طيب و فيها أيه يعنى لما يبقوا أصدقاء و هى دى حاجة تزعل و عشان كدا إسرائيل هى الدعمت الرئيس/محمد مرسى فى الإنتخابات و بما أن الإسلاميين تربطهم علاقات صداقة و محبة مع الدولة الإسرائيلة دعمناه .
الإسلاميين كدا يا جماعة بيحبوا إسرائيل و دى حاجة منقدرش نخبيها .
بس بردو الريس/مرسى حيفضل فى الحكم الفترة بتاعته كامله حتى لو التيارات المدنية أو الليبرالية أو الثوار مدهوش فرصة .

 

 

[تووت]

اقتباس المشاركة الأصلية كتبت بواسطة aymanology مش عارف فين المعارضه هنا ؟؟ وايه علاقه المعارضه بخطاب من مرسي لصديقه الوفي بيريز ؟؟ هو الذي نشر الخبر جورنال معارض؟؟ ولا يمكن قصدك بالمعارضه الضعيفه انا ؟؟

لأ يا أيمن باشا مش قصدي "انت" بالمعارضة الضعيفة...

المعارضة الضعيفة هي المعارضة الي تمسك في الحاجات الصغيرة...
أو تلفق أخبار لما ماتقليش حاجة تملى بيها صفحاتها أو ساعات الإرسال

مواضيع زي المانجا ، وأهلي وعشيرتي ، ولما فتح الجاكته ، ولما لف جوا الإستاد... الخ...

ممكن تقول بسهولة ان هذه الأشياء الصغيرة لها دلالتها ومدلولاتها الخطيرة... حقك ، وبراحتك...

بس المشكلة ان البلد مش حتتحرك سم واحد للأمام ، طول ما احنا بنبقى سعدااااااء أوي بحركات/كلمات بسيطة (سواء ايجابية أو سلبية).

وعلطوووول هاتك يا Tweet و Retweet
وفيس بوك وطنيطر

شوف المعارضة بتمسك ايه على الحكومات والرؤساء في الدول الأخرى؟

 

 

[تووت]

الكلام ده (أدناه) مش موجه لك شخصيا يا أيمن...

للأسف في ناس مرسي مش على هواهم (قبل وأثناء وبعد انتخابه)...
وعندهم الوضع يفضل فيه بلبلة ولخبطة أحسن ألف مرة من ان مرسي أو حكومته تعمل أي حاجة جيدة.

عموما ، مفيش حد معصوم من الأخطاء...
وده دور المعارضة "القوية" تعال اسأل عن التعليم والمساكن
والصحة والكهربا والغاز,,,الخ
كلها حاجات في غاية الأهمية ، والحكومة بتعالجها بسياسات غير واضحة... دي حاجات لازم المعارضة تتناولها باستمرار ،
علشان يكون في شيء من التوجيه للحكومة لتحسين أدائها.

انما نفضل ماسكين في الحاجات الهبل بتاعت الفيس بوك...
وأخبار ملهاش مصدر!!
مش حنخلص وحنفضل في دوامة لن تنتهي.

وبرضه مرسي حيكمل السنوات بتاعته ..
وكمان محتمل اللي بعده يبقى برضه اسلامي...

اذا الجماعة "الربراريين" حيفضلوا يشتغلوا فيس بوك
وطنيطر وفوتو شوب...

للأسف الحاجات دي مش هي اللي بتملأ
التصويتات لمرسي في الصناديق!