أعلن عن نفسك

[سهى يافا]

الصحف المصرية والعربية

انا ولا واحدة من دول
انا و الحمد لله مسلمة سنيه

 

 

[savary]

حبيبى و الله دكتور تكسير


أحلى حاجة تتقال على الاستطلاع دا


بص شوف
تكفير ع المكشوف !



حد بقى من الريبراين يعمل استفتاء كرد على الاستفتاء دا

 

 

[Matrix]

دعوه لموضوعي

أطلق العنان لمشاعرك ، كن إنسان.

موضوعك ده يا تكسير يترد عليه بترليون دشليون طريقة ,,,لدرجة الواحد مش عارف يكتب أيه ولا إيه.

شوف يا تكسير هو الكلام بتاع ليبرالي علماني مسيحي إسلامي ومش عارف إيه ده ما تلاقيش الإهتمام الكبير بيه غير في المجتمعات المنغلقة ودول العالم الثالث اللي لسه تفكيرها سطحي ومحدود ولا تمارس ثقافة الإنفتاح على الأخرين.
الناس التانية كل واحد عايش حياته بطريقته ومش واجعين دماغهم بالحوارات اللي إحنا بنعملها هنا ليل ونهار,,,,يعني مش هتلاقي أتنين إصحاب بيقطعوا هدوم بعض علشان مختلفين على علمانية الدولة أو دينيتها,,,,لأن الناس دي حسمت القصص دي من زمان وتفرغت للبناء والعمل والإنتاج والتقدم.

طيب نرجع لحالتنا إحنا ,,,,هيفيد في أيه تفتيت المجتمع للأصناف الحلوة اللي أنت حاططها فوق دي ,,,,لأ ده وممكن كمان نعمل تفتيت أصغر تحت كل مسمى من اللي أنت حاططهم فوق دول وفي الأخر بقى كل واحد يقعد لوحده وبلاها دولة,,,,,,,بلا دولة بلا مجتمع مدني بلا كلام فاضي خلينا نرجع قبائل أحسن ذي زمان ,,,,,لأن ده يؤدي لده.

قلنا كتير المرجعية لازم تكون للمصلحة العامة وللعدالة الإجتماعية وتبادل السلطة مش لسطحية فهمنا وتطبيقنا لأيدولوجياتنا ,,,,يعني نتفق كلنا الأول مثلاً إننا عاوزين ننمى مجتمعنا ونستأصل منه الفساد ونحقق عدالة توزيع الثروة وبعد ما نتفق على ده ,,مش هتلاقيه مختلف لا مع الإسلام ولا العلمانية ولا حتى الشيوعية ,,,,يبقى إيه المشكلة ؟؟؟؟
أقولك أنا أيه المشكلة ,,,,,, إن نصنا متنطع والنص الأخر متفزلك ,,,,,النص المتنطع متعصب لمرجعيته الدينية بلا فهم للأليات التي يعمل بها العالم من حوله,,,,,,مع أنه لو قرأ بتعمق بسيط تاريخ فترة حياة الرسول والخلفاء الراشدين من منظور تفاعلهم مع الأحداث السياسية من حولهم ,,,هتلاقي إن كان فيه إبداع شديد في التعامل مع هذه المواقف,,,,,مشكلتنا أننا مش بنبص للإبداع نفسه ونقلده ,,,,,لأ إحنا بنبص للنتيجة اللي وصلها الإبداع وعاوزين نقلدها بشكل أعمى,,,,,,,فاهمني ,,,,هأحاول ألفلك مثال يوصل الفكرة .

يتبع

 

 

[Matrix]

دعوه لموضوعي

أطلق العنان لمشاعرك ، كن إنسان.

المثال اللي أنا عاوز أضربهولك:
لو فيه إتنين أخوات تلاميذ في المدرسة ,,,واحد فيهم ذكي جدا جدا وعنده مقدرة يحل أي مسألة رياضيات مهما كانت معقدة ,,,,بيقعد ويركز ويعرف يجيب لكل مسألة طريقة حل ذكية جدا,,,,,,أخوه التاني مش مركز وسطحي ومش بيعرف يحل المسألة,,,,,الوالد لاحظ فرق الدرجات اخر السنه,,,,,,جه ومسك التلميذ اللي مش مركز وقاله لازم تعمل ذي أخوك حاول تتعلم منه وتقلده,,,,,,,,,طبعا الولد علشان غبي راح يقلد أخوه بالمسطره في خطوات طريقة الحل ,,,,يعني كل مايلاقيه حل مسألة بطريقة معينه يروح يحفظ طريقة الحل بتاعته ولكن طبعا كل المسائل اللي بتيجي بتكون جديدة ومحتاجه فكرة جديدة ,,,,وبالتالي أخونا الغبي ده بيفشل في حل كل مسألة جديدة لأنه لم يتعلم من أخوه الإبداع وتنمية طريقة تفكيره وتنظيمها ولكن تعلم طريقة الحل نفسها يعني بيحاول ينسخ اللي بيعمله اخوه في مسأله ويطبقه على مسالة تانية خالص وبالتالي كل مرة بيفشل بالظبط ذي ما بيفشل الإسلاميين في كل المواقف السياسية الجديدة اللي بتقابلهم ويفشلوا في فهمها وتقييمها في وقتها ويفشلوا في أيجاد طريق مبدعة للتعامل معها ,,,أنا اعرف ناس وقت الثورة منهم كانت بتقول على الثورة فتنة وطنين الذباب ولما نجحت الثورة برضه مش فاهمين يتعاملوا معاها إزاي وعاوزين يركبوها,,,,,,,,,هي دي المشكلة عدم الإبداع والفهم المتاخر دائما.


المثال ده أنا بأضربهولك علشان أحاول أوصلك ان فيه حاجات عظيمة وكبيرة ممكن نتعلمها من الإسلام ونطبقها ,,ما ينفعش أروح لموقف كان بيتصرف فيه الرسول (صلى الله عليه وسلم) وأروح انسخ التصرف ونتائجه نفسهم نسخ من غير ما أفهم وأقلد عملية الإبداع نفسها اللي أدت لهذا الحل,,,,,,,,فاهمني يا تكسير ؟؟

طيب دول المتنطعين فماذا عن المتفزلكين؟؟؟

يتبع

 

 

[Matrix]

دعوه لموضوعي

أطلق العنان لمشاعرك ، كن إنسان.

المتفزلكين دول ومش عاوز اطول كتير - قول طول - كل واحد قراله كم كتاب وكم رواية من ناحية ومن الناحية التانية عنده شوية عقد من مواقف دينية مجتمعية متنطعة وعادات إجتماعية موروثة خلته يلاقي الحل في الليبرالية والعلمانية من غير ما يفهم قوي يعني برضه الكلام ده عامل إزاي ,,,,هو حافظ برضه شوية كتب حلوين كده ويقعد يهاجم في مرجعية المجتمع الدينية وخلاص (نتيجة عقد شخصية عنده ) ,,,,,اهي حاجة حلوة وثكافة وكده يعني اننا نهاجم الإسلام ونروح نقعد كده في الندوات ونألف لنا كم كتابه ونبقى مثكفين ويمكن ناخد جائزة الدولة التشجيعية ولا حاكة...

يبقى كده بقى عندنا فيصلين ,,,الفصيل الأول متعصب لثقافة المجتمع ومرجعيته بدون فهم عميق ليها ودول بيسموا نفسهم إسلاميين ( حط بقى إخوان ,,,,سلفيين,,,,,جماعات إسلامية,,,,,,,صوفية,,,,,إلخ)

والفصيل التاني عكسه على طول الخط عنده عقد شخصية من ثقافة المجتمع وعاوز يغيرها وخلاص من غير ما يفهم برضه إن حتى أوروبا لما راحت للعلمانية بس المجتمع مازال مخلص ويحترم مرجعيته وطقوسه المسيحيية وبقينا نشوف سياسيين يديروا بلادهم من منظر ديني ذي بوش الإبن مثله..ةمش قادرين يفهموا ان محو ثقافة ومرجعية الشعب المصري الإسلامية والهجوم الدائم عليها ومحاولة تغيير هويته هي تضييع وقت وكلام فاضي لا يؤدي إلى شئ.

طيب نطلع بإيه من الكلام ده

يتبع ( فوت مشاركة مزايا اللي بعدي وكمل كلامي وبعد كده إرجعلها ) ..

 

 

[مزاياإنسانة]

معليش يا تكسير
أعتقد الخيارات مش مضبوطة
لأنه فيه خلط بين المذاهب الدينية والمذاهب الفكرية

نحن كمسلمون أو كمسيحيون جميعا لكن
هناك هو متشدد أو متعصب أو متساهل بطبعه وليس لأنه يتبع فكر معين لكنه طبيعته التشدد أو التعصب أو التساهل
عادتن الشخص المتساهل في أمور الصلاة وبعض أوامر الدين زي الحجاب مثلا مثال يعني
دائماً يوصف أنه مش ملتزم أو علماني أو ليبرالي
فبصراحة مش عارفة هل هذه التصنيفات صحيحة أو لا
من وجهة نظري أنها غير صحيحة
لأنه فيه كثير مسلمين مثلا تلاقيهم مظهرهم يدل على الدين والإلتزام لكن داخلهم والعياذ بالله
وناس ظاهرهم لا يوحي بالإلتزام لكن داخلهم قمة الإيمان بالله
وهذا شيئ ممكن تكتشفه مع معاشرتهم

 

 

[Matrix]

دعوه لموضوعي

أطلق العنان لمشاعرك ، كن إنسان.

نطلع من الكلام ده ان لا ده نافع ولا ده نافع
ولازم ندمج الحالتين ومااحناش نافعين من غير دمج الحالتين دول

حالة الإبداع والرغبة في التطوير اللي موجودة عند الليبراليين والعلمانيين مع حالة إحترام والإخلاص لمرجعية المجتمع الإسلامية للمسلمي والمسيحية للمسيحين.

صعبة علينا الحكاية دي مش قادرين نعملها ليه ؟؟؟ وقاعدين نفتت ونقسم في بعض ليه ؟ انا شايف ان التفتيت والتقسيم هو نوع من الجهل العميق وعدم القدرة على الإدارك,,,,إدراك الواقع والظروف والمحيطة والتعامل معها بعقلية مبدعة تجعل لنا قيمة ووجود مسط العالم تماماص كما تتعامل الصين واليابان وأوروبا وأمريكا مع الظروف العالمية المحيطة ويبدع كل منهم حلول لجعله يتقدم على الأخر ونجحوا في دمج حالة الإبداع مع حالة الإخلاص لثقافة مجتمعاتهم وبالتالي لم يتصادم الجديد مع الحدث وأنطلقت الناس في سابع سما بينما أحنا لسه قاعدين مقسمين نفسنا نصين ,,,,نص عاوز يرجع لورا جري ونص عاوز يسيبه ويجري بالجنب ,,,,لازم نتفق ونجري مع بعض نحو هدف واحد ومحدد ووحيد.

يتبع,,,,,,أعمل أيه والله نفسي أفهمك.

 

 

[Matrix]

دعوه لموضوعي

أطلق العنان لمشاعرك ، كن إنسان.

طبعا انت ممكن ما تفهمش ولا كلمة من اللي انا كاتبه وتقولي ياعم انت بتلف وتدور علشان مش عاوز تجاوب على السؤال,,,,,هأقولك بإختصار لأن مفيش ولا حاجة من اللي فوق دي تعبر عني
أنا راجل فخور بإنتمائي الإسلامي والعروبي والمصري ,,,,أمال ,,هو فيه ثراء في التاريخ والشخصية أكتر من كده.......وفي نفس الوقت هذا الفخر لا يجعلني متعصب اعمى او منغلق على نفسي ولكني بعد الإطلاع على ثقافات الأخرين,,,,,,,إطلاع إطلاع يعني مش كلمتين على الماشي في كتاب ولا حتى عشر كتب ,,,,,,لقيت أننا نتلاقي مع حضارات كتير جدا جدا في كل حاجة تقريبا ماعدا حاجات صغيرة جدا وشايف اننا ممكن نطبق الحرية والعدالة الإجتماعية والتنمية والديموقراطية وكل الكلام الحلو ده بمرجعية إسلامية ,,,,,,,,,,شفت بأه أن الإستطلاع بتاعك قاصر وسطحي وكان المفروض تفهم الكلام ده الأول قبل ما تعمله..


بس خلاص

 

 

[Matrix]

دعوه لموضوعي

أطلق العنان لمشاعرك ، كن إنسان.

كمية أخطاء إملائية بالعبيط ,,,معلهش كتبت بسرعة ومالحقتش ارجع أعدل

 

 

[Matrix]

دعوه لموضوعي

أطلق العنان لمشاعرك ، كن إنسان.

بعض التصحيحات الإملائية

اقتباس المشاركة الأصلية كتبت بواسطة Matrix نطلع من الكلام ده ان لا ده نافع ولا ده نافع ولازم ندمج الحالتين ومااحناش نافعين من غير دمج الحالتين دول دمج حالة الإبداع والرغبة في التطوير اللي موجودة عند الليبراليين والعلمانيين مع حالة إحترام والإخلاص لمرجعية المجتمع الإسلامية للمسلمين والمسيحية للمسيحين. صعبة علينا الحكاية دي مش قادرين نعملها ليه ؟؟؟ وقاعدين نفتت ونقسم في بعض ليه ؟ انا شايف ان التفتيت والتقسيم هو نوع من الجهل العميق وعدم القدرة على الإدارك,,,,إدراك الواقع والظروف والمحيطة والتعامل معها بعقلية مبدعة تجعل لنا قيمة ووجود وسط العالم تماما X كما تتعامل الصين واليابان وأوروبا وأمريكا مع الظروف العالمية المحيطة ويبدع كل منهم حلول لجعله يتقدم على الأخر ونجحوا في دمج حالة الإبداع مع حالة الإخلاص لثقافة مجتمعاتهم وبالتالي لم يتصادم القديم مع الحديث وأنطلقت الناس في سابع سما ,,,,,بينما أحنا لسه قاعدين مقسمين نفسنا نصين ,,,,نص عاوز يرجع لورا جري ونص عاوز يسيبه ويجري بالجنب ,,,,لازم نتفق ونجري مع بعض نحو هدف واحد ومحدد ووحيد. يتبع,,,,,,أعمل أيه والله نفسي أفهِمك.