عندى مشكلة

[maagdyounn]

الصحف المصرية والعربية

اولا سلام للجميع وشكر واجب للمجهود الجبار وخاصة قسم كندا
عندى مشكة المنتدى بطئ للغاية وخاصة عند الدخول على اى صفحة فرعيى فى قسم كندا
انا استخدم موتزيلا فاير فوكس وويندوز سفن
ارجوكم افيدونى بالحل وارجو ان ينال طلبى اهتمام الادارة الفنية والتقنية

 

[Eng Hesham]

بشكل عام ممكن تمسح الهيستورى والكوكيز

غالبا بيبقى المشكله فى الهيستورى

 

 

[Remooo]

اقتباس المشاركة الأصلية كتبت بواسطة maagdyounn اولا سلام للجميع وشكر واجب للمجهود الجبار وخاصة قسم كندا عندى مشكة المنتدى بطئ للغاية وخاصة عند الدخول على اى صفحة فرعيى فى قسم كندا انا استخدم موتزيلا فاير فوكس وويندوز سفن ارجوكم افيدونى بالحل وارجو ان ينال طلبى اهتمام الادارة الفنية والتقنية

ماجد؟؟؟؟
ايه اللى جابك هنا...قلت لمين انك خارج؟؟وكمان خارج بمشكلة
يا رانيا...الحقى يا بنتشى
الناس دى ايه اللى مطلعها على الرئيسية
شكلهم سهوكى وطلعوا على المفاتيح
الحقى غيرى الكوالين بسرعة...انجزى

 

 

[Remooo]

انا عندى مشكلة "بسيطة" زى ماجد
وهى انى لازم اعمل Reload
للصفحة عشان تظهر وكمان الرسايل كده بقالى يومين

 

 

[rania]

اقتباس المشاركة الأصلية كتبت بواسطة Remooo ماجد؟؟؟؟ ايه اللى جابك هنا...قلت لمين انك خارج؟؟وكمان خارج بمشكلة يا رانيا...الحقى يا بنتشى الناس دى ايه اللى مطلعها على الرئيسية شكلهم سهوكى وطلعوا على المفاتيح الحقى غيرى الكوالين بسرعة...انجزى

حنغيرهم فورا هي فوضى

 

 

[حشيش]

اقتباس المشاركة الأصلية كتبت بواسطة maagdyounn اولا سلام للجميع وشكر واجب للمجهود الجبار وخاصة قسم كندا عندى مشكة المنتدى بطئ للغاية وخاصة عند الدخول على اى صفحة فرعيى فى قسم كندا انا استخدم موتزيلا فاير فوكس وويندوز سفن ارجوكم افيدونى بالحل وارجو ان ينال طلبى اهتمام الادارة الفنية والتقنية

أشكرك على الرسالة ... كان هذا هو ردى على شكوى مماثلة أوردها د/ يحيى الشاعر عن بطئ فى تصفح المنتدى:


https://www.almatareed.org/vb/showpos...&postcount=117


كما جاء فى الرد السبب الرئيسى فى بطئ تحميل الصفحات بالمطاريد هو أننا نسمح بإدراج عدد 15 صورة فى كل مداخلة وعدد غير محدود من الفيديوهات واليوتيوبات جنباً إلى جنب إلى المشاركات الكثبفة ببعض الأقسام مثل أبواب الهجرة على عكس كافة المنتديات الأخرى التى تحدد العدد بـ 5 صور فقط فى كل مشاركة ... نسمح كذلك بعدد 150 رسالة لكل عضو فى حين تكتفى معظم المنتديات بـ 50 رسالة ... كل هذا يمثل عبئ كبير على سيرفر المنتدى وينعكس على سرعة تحميل الصفحات ... لك أن تتصور 15 صورة من الحجم الكبير فى كل مداخلة مضروب فى 10 مداخلات فى الصفحة الواحدة بالإضافة إلى الفيديوهات واليوتيوبات وتوقيعات الأعضاء وصورهم الرمزية لتعلم كم من الوقت يستلزمه كل ذلك لكل يقوم البراوزر الخاص بك بفتح كل هذه الصور والملفات ... حل ذلك يكون بتقليص العدد إلى الحد المقبول وستلحظ إن شاء الله فارق كبير فى سرعة تحميل الصفحات بمجرد أن نبدأ فى تطبيقه ... الحل الذى إقترحه هشام سيساعد أيضاً كثيراً على المدى القصير لكن الحل الجذرى للمشكلة هو ما أوردته أعلاه وهو نفسه ينطبق على مشكلة الزميلة ريمو ... تحياتى

 

 

[maagdyounn]

صباح الفل اصل انا معايا كى ماستر مهما تقفلوا
المهم انا نظفت الكوكيز وكل الهيستورى ويبقى الوضع مهبب كما هو
اى اخبارك ياريمو واخبار الفايلات والمقابلات والويتنجات

 

 

[Remooo]

اقتباس المشاركة الأصلية كتبت بواسطة maagdyounn صباح الفل اصل انا معايا كى ماستر مهما تقفلوا المهم انا نظفت الكوكيز وكل الهيستورى ويبقى الوضع مهبب كما هو اى اخبارك ياريمو واخبار الفايلات والمقابلات والويتنجات

اهو...اعترف
قلتلك المفاتيح مسروقة
دول بتوع كيبيك
انا عارفاهم



تعيش يا باشا ومتحرمش من سؤالكوا عنى يا رب
بس مش عيب نتكلم فى مسائل شخصية كده فى الشارع
انا علمتكوا كده برضه

 

 

[حشيش]

لا بد أيضاً أن لا نُغفل الأثر السلبى لبعض الهاكات على سرعة التصفح خصوصاً هاك (من شاهدوا الموضوع) والذى يتسبب فى إستعلامات ضخمة على قاعدة بيانات المنتدى وكنت قد أعدته مؤخراً بناءً على رغبة بعض الزملاء ... هذا الموضوع على سبيل المثال بلغ عدد من شاهدوه 1742 عضو حتى ساعته وتاريخه ويمثل ذلك 1742 إستعلاماً على قاعدة البيانات ... أنا على ثقة بأن هذا الهاك تحديداً والذى قمت بإعادة تركيبه منذ أسابيع له أثر كبير فى بطئ التصفح وسأقوم بحذفه إن شاء الله ... تحياتى

 

 

[Remooo]

تعيش حشيش باشا
خسارة الهاك ده حلو اوى بس يلا بقى.. الاصح اعمله

ومن يمتى هاحاول امسح الكحك والماضى الأليم حاضر