مين منكم يا مطاريد في المدينة المنورة؟

[Morial]

الصحف المصرية والعربية

السلام عليكم ورحمة الله وبركاته

اخوتي المطاريد في السعودية
احب اعرف من منكم يقيم في المدينة المنورة
ولو في حد ممكن اسأل هل مسموح للسيدات هناك بحرية التجول لإنهاء مصالحهن ام ان خروج السيدات هناك محظور ولابد من ان يصطحبهن سائق من مكان العمل او شخص ما يكون مسؤل عنها بمعني اني اسمع ان جدة مفتوحة فهل المدينة كذلك ايضا ام لا
وهل يمكن للسيدات الذهاب بمفردهن لمسجد الرسول للصلاة فيه ام يستلزم ذلك محرم ايضا
اشكركم مقدما

 

[ozoozo]

بصي ياستي انا مش في المدينه انما في كفر ابو ابها واظن انك عيشتي في نجران قبل كده
رسميا مفيش حاجه اسمها ممنوع الست تخرج لوحدها انما يحكمه عادات المنطقه يعني في الجنوب مثلا مفيش تاكسيات فمش هاينفع تشاور لعربيه وانيت وتتشعبط فيها

انما الحجازيين عموما اكثر انفتاحا والمدينه فيها ليموزينات تقدري تتحركي فيها بس المشكله لو يتشتغلي في الحكومه بيكون ممنوع تخرجي الا مع سياره المستشفي

بالنسبه للمسجد النبوي اصلا الستات ليهم باب لوحدهم للدخول فلا محتاجه لمحرم ولا حاجه

 

 

[Morial]

طيب يا اوزواوزو لو بشتغل في قطاع خاص هل من المتعارف عليه اني ممكن اخرج اخلص اوراق او مصالح ولا وجع دماغ والموضوع مستحيل
يعني انا عارفة ان السيدات بيخرجوا في مواعيد محددة يروحوا السوق اللي هو في مكان محدد والسواق بيوديهم ويجيبهم
افرض انا بقي مش عايزة اروح السوق لكن عايزة اروح الادلة الجنائية
ممكن ولا فيها سين وجيم وعقد وكدة

 

 

[Matrix]

دعوه لموضوعي

أطلق العنان لمشاعرك ، كن إنسان.

الموضوع بسيط جدا يا موريال.
اللي أعرفه عن القطاع الخاص وعمل السيدات في السعودية
أنه بيكون ليهم سكن خاص وهذا السكن يكون الدخول والخروج منه بقوانين محدده
يعني بيكون فيه وقت محدد ما ينفعش حد يتاخر فيه برا
وغالبا الوقت ده بيكون وقت متاخر بالليل

واحده قريبتنا تعمل طبيبه هنا في مستشفي خاص وتقيم وحدها لأن زوجها ضابط شرطة لا يستطيع مغادرة مصر ولا يريد.
ومع ذلك هي دايما عندنا في معظم وقت فراغها بعد الشغل وأحيانا كمان بتاخد اجازة يوم وأتنين وسافرت معانا قبل كده دبي كمان

الموضوع عادي جدا جدا جدا

اللي مش عادي بس انه يكون فيه واحدة بتخرج كتير وبترجع في وقت متاخر دايما.

وأي سؤال أنا تحت أمرك.

 

 

[Morial]

ماتريكس
انت في المدينة ؟
بالنوسبة للخروج كتير فأنا عايزة اخرج اعمل الفيش بس وانشالله بعد كدة ماشوفش الشارع وطبعا بما انه في مصلحة حكومية يعني اكيد هخرج الصبح مش بالليل
انا بس كنت عايزة حد يفكرلي في سبب وجيه اقوله للكفيل لما يسألني عايزة اعمل خلو سوابق ليه
لأني مش عايزة اجيب سيرة الهجرة بتاتا
حد عنده اقتراح ؟

 

 

[Matrix]

دعوه لموضوعي

أطلق العنان لمشاعرك ، كن إنسان.

اقتباس المشاركة الأصلية كتبت بواسطة Morial ماتريكس انت في المدينة ؟ بالنوسبة للخروج كتير فأنا عايزة اخرج اعمل الفيش بس وانشالله بعد كدة ماشوفش الشارع وطبعا بما انه في مصلحة حكومية يعني اكيد هخرج الصبح مش بالليل انا بس كنت عايزة حد يفكرلي في سبب وجيه اقوله للكفيل لما يسألني عايزة اعمل خلو سوابق ليه لأني مش عايزة اجيب سيرة الهجرة بتاتا حد عنده اقتراح ؟

لأ ,,,,انا في المنطقة الشرقية.
والإختلاف مش هيكون كبير أوى بين هنا وبين المدينة.

وبعدين ممكن يكون فيه أسباب كتير تخلي الواحد يعمل خلو سوابق غير الهجرة

بس الكفيل غالبا هيعرف هيعرف
لأنه غالبا مش هتعرفي تعملي أي حاجة مع مصلحة حكومية من غير جواب من الكفيل
موجه لهذه المصلحه يفيد بأن المذكور يعمل لدينا .

وبعدين ما أظنش فيه مشكلة أن الكفيل يعرف هجرة ولا مش هجرة ,,
المواضيع مش حساسه اوى كده
نص زمايلنا في الشغل بيعملوا اجراءات الهجرة اللي خلص وسافر واللي لسه مقدم
والناس كلها عارفه وعادي جدا ,,,,هي أيه المشكلة يعني
سيبك من الكلام السائد بين معظم الناس لأنه معظمه مش حقيقي أو مبني على تجربة شخص محدده في ظروف محدده.
مع تحياتي

 

 

[Morial]

حذفت منعا لوجع الدماغ ولقطع الطريق علي المتطفلين

 

 

[dr_mohamedimam]

بالنسبة للسؤال الأول.. لا أعلم ...و لكن عامة المدينة مفتوحة و يمكن للسيدات أن يتحركن فيها بسهولة بدون محرم ... و يمكن أيضا الذهاب للحرم النبوي الشريف بدون محرم..

 

 

[Morial]

شكرا جزيلا دكتور محمد امام

 

 

[dr_mohamedimam]

العفو..مدام موريال..أي خدمة