♥♥♥♥ عمار يا كندا ♥♥♥♥

[بسيم]

الصحف المصرية والعربية

عماااااااااااااااار يا كندا
والله يابش مهندس كلامك بصراحه مدهش زي مكون بشوف فلم خيال علمي بالله عليك ممكن الانسان في الشرق الاوسط يشوف معامله زي دي في بلدو الام......لا حول ولا قوه الا بالله ...للله الامر من قبل ومن بعد
اتفظل يا بش مهندس كمل كلامك الشيق ...ويجعل الهجره من نصيب كل من في المنتدى ... مع تسجيل حضور واعجاب

 

 

[Ehab Salem]

نريح من الكلام شويه و نديها صور

صورة تورونتو بعد الفجر من بلكونة شقه أحد أصدقائي في مسيساجا

إفعص الصوره عشان تشوفها كبيره

 

 

[Ehab Salem]

حوالين العماره

لاحظ نسبة المساحات الخضراء

 

 

[Ehab Salem]

هكذا يمسح الناس أحذيتهم في تورونتو

صور رديئه أخذتها خلسه بكاميرا الموبايل

سامحني يا رب

 

 

[manh_1234]

عايز اسألك سؤال يا باشا عن الحجاب هناك عادي ولا فيه مشاكل
وربنايباركلك على الموضوع الجامد جدا

 

 

[Ehab Salem]

اقتباس المشاركة الأصلية كتبت بواسطة manh_1234 عايز اسألك سؤال يا باشا عن الحجاب هناك عادي ولا فيه مشاكل

ماكو مشاكل

 

 

[Ehab Salem]

من أمام Living Arts Centre





من أمام Square One Mall

 

 

[ramyfathalla]

سؤالين و بجد مالكش حل فتحت نفسنا على السفر
ازاى الرجل بيطلع على الكرسى العالى ده؟
و السؤال التانى هى الجزمة ممكن تتوسخ فى كندا من ايه لا مؤاخذه؟
دى الشوارع شكلها نظيف أكثر من اللازم
و من هذا المنطلق أعتقد أن اللى بيمسح الجزم فى كندا مش بيتعب زى اللى عندنا فى مصر

و عماااااااااااااااااااااااااااااااااااااااااار يا كندا

 

 

[doctor farouk]

اقتباس المشاركة الأصلية كتبت بواسطة Ehab Salem في أحد الأيام .. بعد عودتي للبيت من العمل .. وجدت زوجتي تقول لي .. عارف مين وصل الولاد البيت النهارده من المدرسه .. قلت لها مين .. قالت لي ال principal .. ( الناظر ) وحكت لي اللي حصل في ذلك اليوم سائق السياره الفان مجابش عدد كراسي booster seats كافي لعدد الأطفال و كان نورهان و كريم أخر إتنين يركبوا العربيه و كان فاضل كرسي واحد ... تفتكروا كان أيه قرار المدرسه ... كان ممكن يقولو معلش .. طفل واحد من غير كرسي مش قضيه و بلاش يربط الحزام و كده كده المسافه قصيره لحد البيت (950 متر) و العربيه بتمشي أصلا في شوارع جانبيه و ربنا هيستر إن شاء الله أول حاجه المدرسه عملتها إنهم مشوا الفان من غير نورهان و كريم عشان باقي الأطفال ميتأخروش و قرروا إن الفان ترجع تاخدهم و تروحهم كدور تاني ... حاولوا الإتصال بزوجتي عشان يبلغوها إن الأولاد هيتأخروا شويه عن الميعاد الطبيعي لكن مقدروش لأنها كانت منتظره بالفعل تحت العماره ... سعاتها مقالوش خليها مستنيه .. يعني هيحصل أيه لما تستنى زياده شويه الناظر و اللي كان متابع الموضوع بنفسه طلب المدرسين يجيبوا كرسيين أطفال من عربياتهم ووضعهم في عربيته ووصل الولد و البنت لحد البيت و أخد معاه موظف المدرسه المسؤول عن ال transportation عشان يعتذر لزوجتي عن الغلطه دي بس خلاص طبعا إحنا بنتكلم عن مدارس حكوميه ببلاش وعمار يا كندا

السلام عليكم

انا كنت هعيط مش عارف ليه لما قريت المشاركه ديه

ياريت حد يفسر السبب

 

 

[ramyfathalla]

اقتباس المشاركة الأصلية كتبت بواسطة doctor farouk السلام عليكم انا كنت هعيط مش عارف ليه لما قريت المشاركه ديه ياريت حد يفسر السبب

السبب واضح يا د/ فاروق
لما نلاقى الاهتمام الكبير ده بمشاعر الناس و بوقتهم و قلقهم يبقى لازم نعيط
أنا مرة الباس بتاع العيال اتأخر ساعة و نصف
كلمت المشرفة على الموبايل كانت قافل الموبايل
كلمت السواق كان قافله هو كمان
كلمت المدرسة ماحدش بيرد
طبعا الساعة و نصف دول عدوا على أنا و المدام سنة و نصف
و ما كنتش عارف أعمل ايه
و فى الأخر العيال وصلوا و قلولى الباس ما جاش و استنينا فى المدرسة لغاية ما باس تانى عمل الدورة و رجع أخدنا
كل ده و مش عايزنا نعيط و نصوت كمان على خبيتنا يا د/ فاروق
عمار يا كندا 1000 مرة على رأى الكنج هوبا