سؤال بخصوص التنسيق و سنينه

[Farida]

الصحف المصرية والعربية

قريبى ماشاء الله جاب 95 % علمى رياضه و المفروض بيكتب الرغبات دلوقتى هو و اهله و بالتالى انا محتارين لو كتب كليات الهندسه اللى فى القاهرة الكبرى ممكن تيجى له هندسة غير القاهرة و عين شمس مثلا .....ولو كتب الفيوم و بنى سويف مثلا ممكن يجوا له بسهوله و بعد اعدادى يحول ولا انا باهيس و لا ايه .................
السؤال هو نملا الرغبات بكليات الهندسه اللى فى القاهرة الكبرى ولا نكتب تالت رغبه الفيوم و بنى سويف و بالتالى التحويل بعد اعدادى للقاهرة او عين شمس يكون اسهل

 

[عنبو]

اليى اعرفه ان الموضوع ده انتهى دلوقتى الواحد لو جاب مجموع اى هندسه فى الجمهوريه بيدخل الهندسه اليى فى المحافظه بتعته معرفش الكلام ده لسه شغال ولا رجعوا تانى للنظام القديم

 

 

[Sepia]

اعرف شخص عمل نفس هذه الحيلة في التنسيق ، كتب هندسة القاهرة رغبة اولى ثم إسكندرية رغبة ثانية و بعدها الأقاليم و لم يكتب إطلاقا هندسة عين شمس لان حسب التوزيع الجغرافي كان تبع عين شمس لذا التحويل منها للقاهرة (التي كان يفضلها ) كان تقريبا مستحيل .و فعلا لما ظهرت نتيجة التنسيق كانت هندسة إسكندرية و منها حول بسهولة لللقاهرة . و لكن هذا الكلام كان تقريبا من 15 سنة كده ، لذا السؤال الان هل التحويل الان بالسهولة دي ؟ لان ممكن يكون فيه قيود جديدة و من ثم يجد نفسه لا طال هندسة القاهرة و لا عين شمس و لا اي هندسة في القاهرة الكبرى و بقى في الأقاليم لا يستطيع التحويل.*

 

 

[أحمد باشــا]

مادام رغبته يدخل هندسه يبقى لابد يكتب كل كليات الهندسة في مصر بحالها و ميسيبش اي واحدة منها

بعدها هيدخل الكلية اللي في نطاق التوزيع الجغرافي بتاعه

 

 

[yasovinas]

يكتب الرغبة الاولى هندسة القاهرة
هندسة عين شمس
هندسة اسكندرية
هندسة (يبدأ في الاقاليم طنطا وهكذا
وبعد ما يخلص كوووول الهندسات يبقى يكتب حلوان وبنها وباقي الكليات التابعه للقاهره الكبرى
حتى العام الماضي التحويل كان بيتم بعد السنه الاولى (الاعدادي ) مع دفع مبلغ الف جنية - ممكن النظام يتغير الله اعلم
بس برضه القاهرة وعين شمس والاسكندريه يجب ان يكونوا اولى اختياراته

ولو اني اشك ان 95% ممكن تدخله اي واحده من الثلاثه (حسب النتائج والمجاميع هذا العام)
والف مبروك

 

 

[Farida]

شكرا للجميع بس اللى عرفته من احد الزملاء ان الأستمارة بقت بتتملأ عن طريق الكمبيوتر و بالتالى مش حايقبل اى كليات هندسه خارج مكان السكن الا لما تملأ الكليات اللى فى النطاق بتاعك الأول يعنى ماينفعش تكتب هندسة بنى سويف قبل ما تخلص الخمس كليات هندسة اللى فى القاهرة الكبرى الأول .....علشان الحركه اياها اللى قالت عليها سيبيا و اللى كان ايامنا بنعملها عادى .......
المشكله ان فيه حاجه دلوقتى اسمها برنامج الساعات المعتمده فى الكليات و ده بفلوس ماعرفش بقه البرنامج ده نظامه ايه بيقولوا انه بيقبل الطلبه بمجموع اقل شويه لكن بمصاريف كتير لكن نفس الدكاتره بيدرسوا ......و الله اعلم

 

 

[اليكترا]

التنسيق وسنينه الله يخرب بيته
لو كان التنسيق رجلا لقتلته لكن لو بنت زيى هى الى هتموتنى هههه