سيدات مطاريد جدة((الدعوة عامة))

[تقى]

الصحف المصرية والعربية

اهلا ومرحبا بكم سيدات مطاريد جدة

هذه دعوة من فالحة هانم ومني لدعوة سيدات مطاريد

جدة كي نلتقي مع بعضنا البعض للتعارف نحن عضوات

وصديقات واخوات منتدى واحد وياريت نتوج هذه

الصفات بالتعارف بيننا وبين بعض

بالفعل بدأنا بالخطوة الاولى للتعارف وجها لوجهة

بعدما جمعتنا صفحة واحدة وردود مشتركة بيننا

تقابلنا أمس الاحد الموافق 17/1/2009

أنا وصديقتي العزيزة وزميلة الكفاح بالمطاريدوأختي الغالية

بالاسلام ((فالحة هانم))

وكانت مقابلة جميلة جدا فاتضح اننا نقيم في نفس البلد

ده عادي لكن محاسن الصدف اننا في حي واحد والاحلي من

كدا اننا ايضا مفيش بيني وبينها غير شارع فقط
تقابلنافي بيت من بيوت الله بنفس الشارع الذي نسكن فيه

وكانت مقابلة رائعه فعلا وهي انسانة رائعة روحها نقيه

بشوشة مرحة خفيفة الظل

وكان ضيف شرف المقابلة الانسة تقى الحبيبة

والحبيبة الغالية بنت فالحة هانم

واستحقينا انا وهي وسام المطاريد الماسي عن جدارة

واستحقاق ده هارتعرفوا ليه بعد كدا من فالحة هانم

شخصيا وانا اطالبك يا بدورة بصفتك حامية شئون سيدات

المطاريد بمنحنا فالحة هانم وتقى

الوسام الماسي للمنتدى وطبعا حضرتك اللي هتقدميه

ليه دي بقى اسيب فالحة هانم تحكي احنا نستحق لقب

ووسام المطاريد ليه يالله يا ست فالحة احكي الي حصل لنا في

المسجد الميك مع فالحة هانم

 

[moka]

.
.

ما شاء الله تبارك الله
الاحلى ان اجتماعكم كان بيت من بيوت الله

والله يجمعكم ويجمعنا دائما على ما يحبه ويرضاه ... آمين

 

 

[تقى]

اقتباس المشاركة الأصلية كتبت بواسطة moka . . ما شاء الله تبارك الله الاحلى ان اجتماعكم كان بيت من بيوت الله والله يجمعكم ويجمعنا دائما على ما يحبه ويرضاه ... آمين

م


الحمدلله ويارب دائما

شكرا لك اخي الكريم

وبارك الله فيك

 

 

[toota]

جدعان يا بنات....احلى حاجة اللقاءات دي...يااااه...كانت ايام

 

 

[ابتسامــة]

أسعدتني فعلا قراءة هذا الموضوع
ويارب يبارك في صداقتكم وفي بناتكم ان شاء الله

ومنتظرة أعرف إيه حكاية الوسام دي

 

 

[تقى]

اقتباس المشاركة الأصلية كتبت بواسطة toota جدعان يا بنات....احلى حاجة اللقاءات دي...يااااه...كانت ايام

اه ياتوتا والله وعارفة تحسي اني عرفاها من زمان

وكنا مسافرين واتقابلنا عارفه برده المطاريد عاملة شغل
ولسه لما تدخل فالحة هانم وتحكي اللي حصل لنا

 

 

[تقى]

اقتباس المشاركة الأصلية كتبت بواسطة ابتسامــة أسعدتني فعلا قراءة هذا الموضوع ويارب يبارك في صداقتكم وفي بناتكم ان شاء الله ومنتظرة أعرف إيه حكاية الوسام دي

يالله يا ابتسامة شدي حيلك وشوفي حد من المطاريد جنبك
بجد كان نفسي نكون جنب بعض المقابلة كانت رائعة
ويارب يسمع منك يارب
وقريبا هاتعرفي حكاية الوسام دي من فالحة هانم

 

 

[nash]

يعني أطقكم عين دلوقتي؟؟

ماشاء الله ربي يحفظكم ويخليكم وتنبسطوا أكتر....

بس الرياض أحلي <<<<<<< مش عارفه الجمله دي أيه دخلها في الموضوع

 

 

[moka]

اقتباس المشاركة الأصلية كتبت بواسطة nash يعني أطقكم عين دلوقتي؟؟ ماشاء الله ربي يحفظكم ويخليكم وتنبسطوا أكتر.... بس الرياض أحلي <<<<<<< مش عارفه الجمله دي أيه دخلها في الموضوع

يا جماعة علشان العين ...
انا برضوا بقول نعمل انتداب للسيدة ام ياسر علشان تحضر اللقاء ده مع سيدات المطاريد في جده .. ياريت الادارة متمثلة ببدورة تعمل الاجراءات اللازمة وترسلها التذكرة والاقامة في فندق 20 نجمة علشان ما يفوتهاش اللقاء ده ..!

اللهم اني بلغت
اللهم فأشهد

 

 

[nash]

اقتباس المشاركة الأصلية كتبت بواسطة moka يا جماعة علشان العين ... انا برضوا بقول نعمل انتداب للسيدة ام ياسر علشان تحضر اللقاء ده مع سيدات المطاريد في جده .. ياريت الادارة متمثلة ببدورة تعمل الاجراءات اللازمة وترسلها التذكرة والاقامة في فندق 20 نجمة علشان ما يفوتهاش اللقاء ده ..! اللهم اني بلغت اللهم فأشهد

مش مستريحه لمداخلتك أعلاة يا موكا ....قلبي حاسس أنك بتقول ان عيني زرقا

مش قادرة أقول صفرا

فكرة جميله جدا من أخ عزيز ...ياريت تؤخذ بعين الأعتبار ...مش أقل من عشرين نجمه علشان نغلوش علي اللقاء ودايما يمر بسلام من غير خساير